Uralistica

Мурманск ёнксонь масторсодамкс музейсэ - эрзянь невтима. = В Мурманском областном краеветческом музее - эрзянская выставка.


 Анокстатано Эрзянь келень Чинтень!
Те неень шкань эрзянь раськень Коесь комсь иень перть ютавтневи неень шкань эрзятнесэ весе эрзянь велетнева, оштнева, эрьва кува, косо эрить неень шкань эрзятне. Сон ютавтневи мик Эстэнь Маторсо, Украинань Масторсо, Казахстан Масторсо, Суоминь Масторсо.
Те эрзянь Покшчинтень Полярной ошонь «Руця» эрзянь вейкс (общественный) Лезэпаргось (Фонд) панжсь Мурманскойсэ, те Пелевеёнксонь прявтошсонть, Мурман ёнксонь масторсодамкс (краеведческий) музейсэнть ЭРЗЯНЬ невтима (выставка). Эйсэнзэ невтезь «Эрзянь раськень валдо» ванмоневтимась (фотовыставка), эрзянь оршамот, кедьёнкст, викшневкст…


Те невтимась аволь покш. Ансяк питнезэ тень пингстэ – инень инее! Мекс? Ды сон – ЭРЗЯНЬ. Ванькс ЭРЗЯНЬ. Аволь «мордвань». Те валось те ЭРЗЯНЬ невтимасонть тунь арась.
Ванодо, эрзят, ванмокулякс (фоторепортаж) те эрзянь невтимастонть.
Ванмотнень теинзе содавикс Саами раськень ломанесь Валентина Совкина. Сон ды сааминь сёрмадеесь Нина Афанасьева кенярдсть те паро эрзянь тевентнь монь марто вейсэ.


Минь пачк мартост вейсэнь тевть топавттано «Эффтэсть! (саам.)- Вейсэ! (эрз.) минек ялгаксонь раськеютконь вейсэндявкссонок.
Эрязо Эрзянь Масторось! Эрязо Эрзянь Раськесь!
Эрюш Вежай, «Руця» Лезэпаргонть прявтось
06.03.14 ие. Полярной ош.

Просмотров: 186

Ответить на это

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования