Uralistica

ШУМБРАКСТНЕМАНЬ МЕЛЬТЬ-ВАЛТ
Мельвановикс Нуянь Видяз! Кавксонькемень иень арнемачить кувалма ёвтатано тонеть лембе шумбракстнема меленек-валонок!
Комсте ламо иень перть тон кандат эсь лавтовот лангсо «Эрзянь Мастор» кулялопань прявтвитницянь канстонть, весе эрямот, преветь, виеть путат Эрзя раськентень, сонзэ вельмевтемань тевентень.
Тон ульнить сеть васенце виев-превей эрзятнень ютксо, конат теизь-пурнызь «Масторава» вейсэндявксонть, кона кармась пурнамо Эрзя раськенть вейс, кепедеме сонзэ кумажа лангсто.
А онкстави питнесь тонь эрьвачинь путовксот минек Эрзя раськенть сёрмадома шкинемазонзо ды культуразонзо.
Вейкеяк покш эрзянь тев эзь юта тонь вакска, тон пачк муят эрзянь раськень тевтненень шка, путат тенст эсь виеть, мелеть, преветь, оймеёжот.
Тонь пициця-пштить сёрмадовксот кастыть эрзянь од ломантнень, невтить се видечинть, конань эряви содамс эрьва эрзянтень.
Тонь мелеть-вайгелеть шождасто пачкоди эрьва эрзянь велес ды кудос. Тонь кинигатнень ловныть эрзятне, кода васоло Эрзянь Масторонть эйсэ сынь авольть эря.
Арсетяно тонеть, арневикс бодяй ды леляй, кеме эрзянь шумбрачи ды куватень вадря эрямо!
Инешкипазонь чансть тонеть ды весе эрзятнень пельде вечкема!

Эрзянь Инекужонь Топавткурос кочказь ломантне.
Топавткуронь прявтось – Эрюш Вежай

Просмотров: 128

Ответить на это

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования