Uralistica

Comment by Nikolai on October 20, 2010 at 6:23pm
Пока Лия набирается смелости, решил выложить черновой вариант своего перевода сказки А.С.Пушкина "Жених". Все замечания будут очень полезны
для окончательного варианта.

РЬВЯЯЙ ЦЁРАСЬ

Мянь колмо шит купецонь стирсь
Юмафневсь весть Наташась;
Сон колмоце ни ве лангс пирьфс
Ласьксь мялямфтома акшемфсь.
Эзк аляц, тядяц кизефкст макссть,
Наташать кармасть донцемс снярс.
Наташась синь аф маряй,
Трнай, цють ваймонц таргай.

Сонь тядяц, аляц ризфс пяк прасть,
Мзярксть донцесть: ”Мезь и кода?”
И потасть сяда меле марс,
А потмонц мяльть изсть сода.
Наташась арась, кодак ульсь –
Ликсь тага якстерь, радфса куфкстсь;
Тусь сазорхнень ёткс ащемс
Сон скомня лангс пирьфть каршес.


Весть тёсонь ортанятнень бокс.
Эсь ялганянзон мархта
Стирсь озаф ащекшнесь и козк
Синь каршес вишкста арды
Удалай колмось. Вельхтяф котф
Синь лангсост. Вяти цёрась од
И нурдса стяда ащезь,
Сон айдяй сембонь, тапазь.

Стирть малас ётазь, цёрась вансь,
Наташась вансь сонь ширес,
Сон даволкс вакска лиезь ардсь,
Наташась кулокс пижелдсь.
Прянь синдезь ласьки куду сон
И корхтай: «Содайне мон сонь!
Сон, виде сон! Сонь кирдесть,
Монь ялгат, прязень идесть!»

Сонь тналоц кулхцонды, ризнай,
Чукадезь прянь, лисьф сельмонь;
Мярьгсь аляц: «Цебярь монь стирняй,
Панчк ингольден тон седить.
Азк кие обжанзе тонь, мярьк,
Хуш тейнек пильгекинц сонь няфтьк».
Наташась оду олькси
И вал аф корхтай ёфси.

Шинь стямста свахась пирьфс ни тейст
Аф учсеф сай и ётай.
Наташать шнай и кортафкс эзк
Сонь алянц мархта водяй:
«Товарсь ни тинь, а минь купецсь:
Од цёра эрек педа-пес,
И ёлганя, и ёрок,
Аф сюци, аф позоряф.

Сон козя, ёню, киндивок
Аф сюконяй сон карксу,
А сяконь шовор баяркс вов
Сон эряй сяви асу;
А казьфты рьвянянцти, сон мярьксь,
Ор келазень и жемчукт кярькст,
И зырнянь соркт, суркскянят
И парьхциень нуланят.

Сон нурдса курькснезь, няйсь исяк
Стирть ортанянтень песа;
Кли макссак кядьцень – ладс лисян,
Да шкайхне мархта церькавс?»
И ландяф перякатнень ваксс,
Валмуворкст каяй свахась валхт,
А ямбарня од рьвяня
Аф васта муй аф кяльня.

«Вал азан, - корхтай аляц эзк, -
Архт свахась ладом-рядом,
Наташать ланс катк щайхть венецть:
Кудняса лажнафкс ськамот,
Аф век стирькс эрямс ломань ёткс,
Аф тейнза нармонькс морсемс скрось,
Эсь пизонц пинге ладямс,
Штоб шабанятнень ваннемс».

Наташась нежедсь стенать ваксс
И валне корхтамс арьси –
Сонць рангозевсь, трназевсь козк,
И аварди и ракси.
Инь абонтф свахась тейнза ласьксь
И кельме ведьта симомс макссь,
Иляткснень валы шавать
Прянц лангс стирнять Наташать.

Ризнакшни, охсни семьясь-тналсь.
Сасьть мяляпне Наташкать
И корхтай стирсь: «Мон кулхцондан,
Святой тинь отямсь башка.
Пирс-свадьбас серьгядесть женихть,
Да сембе мирти панесть кшит,
Медь пидеда ён комлянь,
Да судть пирс тердесть – ломатть».

«Мяльсь тонь, Наташа, ангелсь минь!
Тейть анок монга таромс,
И максомс вайме!» - Маронь пир;
И пидихть, панихть парста.
Вов виде инжихне сувасть,
Од мазы рвянять шрать ваксс вятьфтсть;
Урняйхть стирьхть, морайхть ялгат,
А вов ни нурттне ардыхть.

Вов и женихсь – народсь шрать ваксс,
Стакаттнень калдорфсь, цингольдфсь,
Шумбрашинь карьхкясь круга шарсь,
Перьф дуборф, инжихть иретьфт.

Цёрась

А пара ялганят, мезь тинь,
Монь мазы рьвяня – одня стирь
Аф симтьф, аф андф, аф нокай,
Ризнай сон мезень колга?

И рьвянясь цёрать каршес мярьгсь:
«Эсь павазнязти покан.
Аш сетьме ваймонязти снярс,
Мон шинек-венек ольксян:
Аф цебярь он муцяй монь скрось».
Мярьгсь аляц: « Тонь мезь вачкодсь онсь?
Азк тейнек, мезь ся стама,
Монь шабай седи-малань?»
«Мон няень онстон, - корхтай сон, -
Сувань бта туста вири,
Ульсь шобда ни, цють валдоптсь ковсь
Туцятнень пачка кирентьфсь;
Монь яннясь эрьфтевсь: потма вастсь,
Изь марявсь фкявок ломань сяс,
Ся вастса кузт най, пичет,
Шумнакшнесть тёкшсна пижет.

Козк, роди сргозень, онсь кяшсь,
Лиссь куд монь каршес – вакссон.
"Калт" - кенкшти – серян. Кивок аш –
Сютямсь и эняльтьф валса
Мон кенкшкять панжийне. Суван –
Свецьсь кудса палы. Озкс луван –
Сиятт перьф, зырнят, ванан,
Вастсь сембе козя, вандолтф».

Цёрась

А мезса кальдяв, мярьк, тонь онсь?
Няк, козяста тейть эрямс.

Рьвянясь

Тон, ожука, изь лотксеф сон.
Сиянь и зырнянь эрьмезьть,
Ковёрхнень, котфнень, пархцить сатфксть
И новгородонь локшеть лангс
Мон савор кельгозь ванонь
И дивас праф дивандань.

Эзк марявсь галф и лишмонь цок…
Ардсть крыленценять малас.
Мон кекшкять эряскодозь - хлоп
И кяшень пецькять фталу.
Вов марян лама вайгяльхть ни …
Сувасть кемгафтува женихт,
И мархтост гулюняня
Инь мазы од стирьняня.

Аф сюконясть сувасть синь марс,
И шкайхнень лангс аф ванозь,
Аф озондсть, озасть шраснон ваксс,
Эсь вазьснон афле валхнезь.
Брадсь оцюсь озась васень вастс,
А види кядьс – сонь ёмла брадсь,
А кержи – гулюнянясь
Инь мазы од стирьнянясь.

Жалфсь, раксихть, пешкодфсь, цингольдфсь, морсь,
Аш пец ся комляв сярятьфть…

Цёрась

А мезса кальдяв, мярьк, тонь онсь?
Ватт анокс содай кенярьтьфть.

Рьвянясь

Тон, ожука, изь лотксеф сон.
Дзиньк, дуборф моли, иретьф ёньсь,
Пирсь корхнезь-рахсезь жалнай,
Стирнясь ся аньцек лажнай.

Аф сими-ярхцай, сон сютямсь,
Ведьсь сельмонь шудезь, жольняй;
А оцю брадсь эсь пеельть сявсь
И вяшкозьня, сонь шовай;
Стирть мазыть лангс сон ваны козк
И сёралксонц сон фатяй норхцк,
Злодейсь стирть нолдай вернянц,
Сонь керы виде кядьнянц.

«Эрь, ся вдь, цёрась корхтай, - да
Афкуксонь афле улийсь!
Аф кальдяв онсь, тят туженда,
Мяльс путк, стирь-вайме, кулийть».
Сонь шамас ванонды стирнясь,
«А ся кинь кядьста валхтф суркскясь?»-
Мярьксь эсток рьвянясь, стямста,
И сембе стякшнесть васстост.

Циннясь и кеворсь тияксти суркссь,
Женихсь трнай, сонць акша;
Смутявсь народсь. – Макссь кошаркс судсь:
«Злодейть сянь кирьдьк и ашкодк!»
Ковандаф шавийсь, келес панчф
И курок казняс куломс пачфтф.
И славац тусь Наташкать,
А морсь аделавсь тяшка.

Просмотров: 3357

Ответы на эту тему форума

Nikolai said:
С мокшанские переводами сказок А.С.Пушкина и других поэтов можно познакомиться на проекте "ВАЛХНЕНЬ МОРВАЙГЯЛЬ" http://moksha-stiht.taba.ru/ Это замечательно! Я уже прочёл часть. По-моему очень хорошая работа!

Николай, сашентт мокшень википедиес, тон тоса пяк эряват. тоса эльбятькста лама, а минь ёратама сембе петемс-видептемс. mdf.wikipedia.org

RSS

© 2022   Created by Ortem.   При поддержке

Эмблемы  |  Сообщить о проблеме  |  Условия использования