Uralistica

«Малпа выль кыл» нимо вотэсӵошатсконлы йылпумъянъёс лэсьтэмын

«Малпа выль кыл» нимо вотэсӵошатсконлы йылпумъянъёс лэсьтэмын. 21-тӥ коньывуонэ «Перепечкин» нимо кафеын 19 часын нимаз ужрадысен соос шараямын луозы.

Конкурслэн кык люкетэз вал. Нырысетӥез, кылдытон люкетэз, оштолэзьысен куартолэзёзь кыстӥськиз. Кыктэтӥез  нош - инвожоысен гудырикошконлэн пумозяз.

Нырысетӥ этапе пыриськемъёс кунгожсьӧрысь кылъёслы удмурт аналогъёсты кылдытъязы, собере пӧрмытэм кылъёсты огшоры вераськисьёс но экспертъёс дунъязы. Та дунъетъёсты огазе вуттыса, котькуд пыриськисьлэн рейтингез лыдъямын вал.

21 коньывуонэ «Перепечкинысен» тужгес но трос куара люкам кылкылдытӥсьёсты кузьымъёсын ӟечкылалозы. Со сяна, калыкен но экспертъёсын тужгес но вылӥ дунъям берыктэмъёсын тодматозы. Вормисьёс коньдон, футболкаос, бизнес но инноваци темататикаем книгаос басьтозы, нош мукет пыриськемъёс - тау карон кагазъёс но  синпельлы пичильтык кузьымъёс. Нош одӥг мурт нимысьтыз Сергей Максимовлэн номинацияз пусъемын луоз.


Радъясьёслэн малпамзыя, конкурс удалтӥз. «Конкурслэн емышъёсыз пӧлын уно туж умой лэсьтэм кылъёс», - ивортэ ӵошатсконлэн одӥгез радъясез Артём Малых.

Вормисьёсты сӥлы карем бере, радъясьёс мукет кылъёслы но ӵошатскон ортчытыны медо. «Калыклэсь берыктон мылкыдзэ адӟыса но укыр трос удмурт аналогтэм кылъёсты лыдэ басьтыса, та конкурсмес одно ик азьланьтом »- верало радъясьёс. Конкурсэ оглом 21 адями пыриськиз, 690 пала кыл кылдытэмын вал.

Котькуд асэстэм кыллы ог 15  удмурт аналог дэмламын вал.


Алексей Шкляевлэн верамезъя, «та выль удмурт кылъёс - удмурт вемелэн, ӵошужамлэн емышъёсыз, соин ик оскиськом, матысь дыре та выль кылъёс удмурт кыламы каръяськозы но мур выжы лэзёзы».

Views: 132

Пусъёс

© 2017   Created by Ortem.   При поддержке

Эмблемы  |  Сообщить о проблеме  |  Условия использования