Uralistica

Кода тешкстамс Степан Эрьзянь 140 чачома иензэ? / Как отметить 140 летие Степана Эрьзи?

Кода тешкстамс Степан Эрьзянь 140 чачома иензэ? Ожоковонь 27-це чистэнть Степан Эрьзянень топодить 140 иеть. Анокстатано те чинтень, эрзят. Нама, те чинть тешкстама келейстэ. Эрьва кува, косо эрить, тонавтнинть эрзянь ломантне. Эрзянь велева, оштнева, тёкшшколатнева, тевстонавтолмава (техникум, училище), школава, эйдень кужова, эрзянь вейсэндявкстнэва, эрьва эрзянь кудораськесэяк. Кода сонзэ ютавтомс? Койсэнек истя. Анокстамс эрзянь раськекоцт, штатол. Анокстамс Степан Эрьзянь чамаартовксонзо (портрет). Анокстамс а покш пачтямо Степан Эрьзянь эрямопингедензэ ды шкинемадонзо. Анокстамс Степан Эрьзядо кинигань невтельма (выставка). Теемс марямга ловномат: - Эрзятне ды лия раськень ломантне сёрмадыть Степан Эрьзядо. Теемс Степань Эрьзянь керсевкстнэде ванмонь невтельма. Паро улевель невтемс Степан эрьзядо эриванмоткак (кинень муевить). Муемс тарка (культурань кудо, библиотека, ловнома нупаль эли лия тарка), косо карми ютавтовомо Степан Эрьзянь Лемень кундамонь промксось. Тердемс эрзят ды эрзя раськень ялгат. Лемень кундамо промксонть саемс-снимамс ванмоаппаратсо, лиясо мейсэ. Мейле ванмотнень, эриванмотнень невтемс Интернетсэ. Сёрмадомс теде пачтямо. Нама, седе паро улевель, зярдо те Лемень кундамо промксось (коесь) ютавтоволь эрзянь кельсэ, се кельсэнть, конасонть кортась Степан Эрьзя. «Руця» эрзянь Лезэпаргось. 06.10.2016.

Просмотров: 40

Эта запись блога закрыта для комментариев

Пусъёс

© 2017   Created by Ortem.   При поддержке

Эмблемы  |  Сообщить о проблеме  |  Условия использования