Uralistica

Панжадо ойме ломань. Калаганонь Керяз.

Ацамговонь 9-це чистэ Саранск ошонь Эрзя-мокшонь раськень культурань музейсэнть ульнесь панжозь выставка. Панжадо ойме – истя лемдизе эсензэ чувтосто керсезь невтеманть Тавла велень эрзянь керсицясь Калаганонь Керяз.

Алкукскак, неть важодематнесэ келес сон панжозь эрзянь ойменть мазычизэ, сюпавчизэ, обуцязо. Те невтевксэсь ульнесь панжозь Керязонь 50 иетнень топодемантень. Невтевксэнть керсицясь-маштыесь алтызе ине С. Д. Эрьзянень, конанть лови эсензэ тонавтыцякс.
Музеентень пурнавсть ламо содавикс ломанть, Керязонь вечкевикс ялгатне-оятне. Выставкась ульнесь панжозь эрзянь койсэ: инязорось, Кшуманцянь Пиргуж, кирвастизе раськень штатолонть. Теде мейле инязорось ёвтась Керязонь лемс лембе валт ды сюкпря эрзянь ойменть ванстоманть ды кастоманть кисэ.   

 

 

 

  

 

 

 

 

 

 

 

 

 

 

 

 

 

 

Ламо те чокшнестэнть ульнесть кортыцятнеде, паронь арсицятнеде, весе нать а сытькак превсь. Гайгезь гайгсть эрзянь моротне, мазый тюссо цитнесть эрзянь оршамотне.                                                                                                                                             

Паро ёжосо ютась панжома чись. Эсь невтевксэнзэ Калаганонь Керяз лемдизе «Панжадо ойме». Арсетяно а стяко. Те лемесь корты ломаненть эсензэ ланга. Ломанесь панжадо, валдо ойме марто эрзя. Яла сыть арсемат: косто сон саи мазычисэнть, косто сыть мельтне важодемс? Керяз корты: «Арамс истямокс монень лездась авам, малавикс ломантне, вечкевикс Тавлань перть-пельксэсь, эрицятне. Неть весе пелькстнэ, конат монь теимезь, сынст лембест-валдост кастыть эйсэнь седеяк покш вийть важодемантень». 

http://youtu.be/QzOnfknE3hE

 

Седе тов а карматано кортамо мазый валт те алкуксонь ломаненть ланга, сонзэ алкуксонь тевензэ ланга. Кадык тевтне, важодевкстнэ кортыть сынсь. Весемезэ керсевкстнэде 120-де седе ламо.

Выставкась карми молеме ков ды пель шкань перть, якшамговонь комсеце читнес. Ванодо, кенереде неемс алкуксонь мазычинть.

  

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

  

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

  

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Просмотров: 363

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Кувакань Азор, Декабрь 15, 2011 в 4:31pm

Ломань сырнень кедть марто!

Комментарий от: Эрзянь Мель, Декабрь 15, 2011 в 2:54pm

Паро ломань ланга ёвтнемс шождыне.

Комментарий от: Erush Vezhai, Декабрь 15, 2011 в 2:13pm

Сюконямот, ялга, паро кулянть кис! Вадрясто теезь ды невтезь сёрмадксось. Млезэм тусь!

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования