Uralistica

 


Вечкевикс ялгат! Ёвтаса тыненк покштояк покш кенярксом – МИНЬ КОНТАКТСО!
Ламо чинь ды вень перть мольсь «Вконтакте» интернет совсема тарканть ютавтомась. Ютавтомась таргавсь малав кавто иес. Кода содатано, тевенть ушодызе Петрянь Андю, кона сёрмадсь те сайтонть тевень ветицятненень. Ламо шка ды вий ютавтомантень путсть Джак Рютер, Сантяй Учеваткин, Маторкина Таня ды лия ломанте, конат вечкить эсест тирнь келест, бажить кастомс-кепетемс сонзэ. А карман сёрмадомо стакачитнеде, конат вастовкшность ютавтыцятнень икеле. Течи арсян ансяк ёвтамс весенень мельспаро панжоманть кувалт.
Паряк ламот мерить мезекс сон эряви эрзянь кельсэ? «Контактсо» – те Россиянь келес сехте покш совсицятнень ламочист коряс интернетень тарка. А мезе арсить тень коряс кельсодыйтне? Истямо кевкстема марто пшкадинек кельсодыентень, филологиянь наукань кандидатонетнь, Николай Иванович Рузанкиннэнь:
- Николай Иванович, кода арсетядо, эрявикс «Вконтакте» эрзянь кельс ютавтомась?
- Контактонть эрзянь кельс ютавтомась те покш тев. Неень шкань од ломантне ламо шка ютавтыть интернетсэ, секскак те касты минек келенть таликанзо, келейгавты эйсэнзэ. Содави, улить асатыкст, конатнень лангсо эряви важодемс.


А стяко «Контактсо» панжови течи. Кода содатано, течи, ацамговонь 21 чистэ, эрзянь кенярксчи, течи веси тештить «Масторавань Чи». Те минек раськенть Ине морокерьксэсь, конасонть пурназь икелень шкань эрямонть коензэ-иланзо, кезерэнь пингень эрямозо. «Масторава» морокерьксэнть, эпоснть ладсо минь бажатано ванстомс эрзянь келенек, культуранок. Седе видестэ карми ёвтазь, минь бажатано аволь ансяк ванстомс, а седе тов кепетемс-кастомс.

«Контактсо» парсте невтизе: эрзянь келесь – те эрий кель! Сонзэ эйсэ кортыть од ломантне, сёрмалевить ды морсевить од морот, интернетсэ ветявить блогт, лисить видеот, клипть, панжтневить вейсэндявкст, ютавтовить кортамот.

Эрзянь мазый келенек свал ульнесь, эри ней ды карми гайгеме пингеде пингес!!!

Просмотров: 774

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Эрзянь Мель, Декабрь 21, 2011 в 7:49pm

Было переведено слова "группы" , а потом поменяли на сообщества.Обязательно исправим.Сюкпря, Ортя!

Комментарий от: Ortem, Декабрь 21, 2011 в 7:38pm

почему не переведены слова "сообщества" и "мероприятия"?

есть же слово для "группы"

Комментарий от: Ortem, Декабрь 21, 2011 в 7:35pm

поздравляю с важнейшим завоеванием эрзянского низового общественного движения!

Комментарий от: vijan, Декабрь 21, 2011 в 10:17am

Сюкпря, ялгат!!!

Комментарий от: Кувакань Азор, Декабрь 21, 2011 в 9:50am

Сюкпря весенень, ялгат-теицят, те истямо покш, вадря тев, теке тев эри минек келесь.

Комментарий от: Erush Vezhai, Декабрь 20, 2011 в 9:34pm

Сюконямот паро кулянть кис! Покш тев теиде, ялгат! Од изнявкст тенк ды икелев моли тевть!

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования