Uralistica

В. В. Ванюшев: Быреммес возьмаса уломы-а?

"Удмуртлык" группа вераськиз Василий Михайлович Ванюшевен удмурт кылэз утён пумысен:


Туала вакытэ милям, удмуртъёслэн, валтӥсь ужмы – кылэз утен. Кылмы син куспын быре, нош кыл быре ке, удмурт калык но быре. Сое пусйиз калыккуспо огазеяськон но. ЮНЕСКО кык пол кутскыса вераз ни, удмурт кыл туннэ пыремын дунне вылысь бырысь кылъёс пӧлы шуыса. Со милемыз ӝутыны кулэ удмурт кылмес утен понна. Удмурт Кенешлэн тужгес но бадӟым ужез - удмуртъёсыз, соослэсь ужзэс, улон радзэс котыр ласянь умоятон бордын.

Марлы туннэ быре асьмелэн кылмы? Малы-о удмуртъёс удмурт кылын вераськемысь дугдо? Мон та юанлы валэктон сетыны дисьтӥ «Новое время Удмуртии» газетысь интервьюын. Ваньмыз со Калыкез дышетонъя министерстволэн янгышъёсыз, отын со сярысь ӟуч сямен шуэмын: «Ведет ползущую политику геноцида народа». «Котырес ӝӧкын» вераськон мынӥз, кызьы удмурт гуртысь нылписадэ ыстӥзы удмурт кылэз тодӥсьтэм воспитателез. Озьыен, али сыӵе югдур кылдэмын: нылпиосты пичи дырысен кутско ӟуч кыллы дышетыны. Нош школаос? Азьло вал «региональной компонент» - ӟуч классъёсын но удмурт кылэз дышетӥзы. Соосыз быдтӥзы. УдГУ-ын, удмурт филология факультетын, арысь аре кулэсмо кун коньдэтъя интыос. ЮНЕСКОлэн удмурт кыл бырон сярысь ивортэмез бере, институтамы вуиз гожтэт, но жаляса верано, кин ыстӥз тодмо ӧвӧл. Со вал ыстэмын мыным, Христолюбовалы, Никитиналы но Куликовлы. Туж ӟырдыт гожтэмын, пыкылыса. Со гожтэтъя мон «Удмурт дунне» газетэ «Быреммес возьмаса уломы-а?» материал гожтӥ. Йӧскалык министерство люказ «котырес ӝӧк», кудаз мон ӝутӥ валтӥсь ужез – кылэз утен понна ӵектӥмы мерлыко огазеяськон кылдытыны. Мынэсьтым ӵектонме кулэ ӧз каре, со ужпумъёс бордын Удмурт Кенеш но министерство ужало, шуизы. Кагаз вылэ гожъяса, ӵектонме Удмурт Кенеше сетыса кельтӥ.


Вожъяськыса учкисько, кыӵе юн пуктэмын Кукмор ёросысь удмурт гуртъёсын удмурт кылэз дышетон.
Отчы одно ик Удмурт Кенешчиослы вуылоно но со синмаськымон опытэз поттоно «Герд» газетэ. Мон ӵектӥсько, та газетлэн котькуд номераз мед луоз кылъёсъя катэз быдэсъян сярысь материал. Кутсконо ужаны со ляб интыосын, одно ик ветлоно отчы, кытын катэз тӥяло, школаосы, кудаз удмурт пиналъёс анай кылзэс уг дышето.

Мария Золотарева    

Просмотров: 236

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования