Uralistica

Нырысетӥ шуркынмонысен "Перепечкин" кафе выльдӥз менюзэ. Азьло татын перепечъёсты, пельняньёсты но табаньёсты рос-прос удмурт сямен пыжо ке вал, табере удмурт сиёнлэн шӧмыз туалагес но аспӧртэмгес луиз. Кылсярысь, зыретэн табань сяна, менюысь шедьтыны луоз губиен, чорыген, пӧсьтурынэн табанез. Нош огшоры перепечъёсын ӵош оскалтыны быгатоды улмоензэ, курагаензэ, креветкаензэ но эшшо трос мукет пушкесэнзэ. Бырйыны кутскид ке, валалод, созэ но тазэ но оскалтэмед потэ. Выль менюысь дунъёс но уг куртчылӥсько: огез перепеч 20-50 манет сылэ, табань - 50-70 манет, нош пельнянь - 80-200 манет пала. Мон вераськи тодмо удмурт блоггерен, журналистэн Дарали Лелиен, но тодӥ выль меню сярысь малпанъёссэ.


- Алёна, кызьы учкиськод "Перепечкин"-лэн выль менюез шоры? Вуид-а ни мазэс ке веръяны?
- Мон туж шумпотӥсько, удмурт кухня тунсыко луэ, но со вакытэ ик туж удмурт шӧмо кыле шуыса. Ачим гурман ӧвӧл ке но, пусйысал, перепеч менюзы ик шумпоттӥз. Тани шуом, курагаен перепеч: сыӵе ик перепеч со, коньыт ӧвӧл, но пичияк емыш шӧмез сое туж аспӧртэм каре! Перепечен ик кылиз со, кыӵе ке джемен кудылы ӧз пӧрмы. Креветкаен перепечсы воксё - кылдэ ньылод. Зол!
Тросэз кожало, удмурт сиён ресторанъёслы уг тупа. Мыным потэ, та стереотип. Бен, кухнямы огшоры, дыр, пресной, нянь шӧмо, но луэ ук сое но выльдыны, аспӧртэм карыны. Ресторан одӥг менюен ужаны уг быгаты. Солы котьку кулэ юри предложениос, арлэн вакытэзъя воштӥськонъёс. Та ласянь "Перепечкин" синадӟымон тырше.

- Нош тон уд вуиськы-а сыӵе малпанэ: перепечъёслэсь пушсэс мукет маин ке тырмытӥд ке, но со калыклы юнгес яраз ке, уз-а вуны удмурт перепечлэн кулэлыкез? Уз-а вуны солэн пушкесыз?
- Мон адӟи, перепечсы соослэн курегпузэн. Озьыен, со перепеч. Коть курагаен, коть чорыген. Вот куштӥськизы ке курегпузлэсь, соку маке мукет луоз ни.
Озьы ик табанен но. Зэмос табань - чырсатэмын. Уг яра сое оладьи тестолэсь пыдыны. Табань - со табань. 

- Нош кызьы тон малпаськод, Надя Кумышкалэн удмурт коктейльёс лэсьтэмез вискын но Перепечкинъёслэн выль меню лэсьтэмзы вискын маиз ке огкадез вань яке ӧвӧл? Соос одӥг сюресъя но огкадь методъёсты кутыса мыно, яке со пӧртэм?
- Малпасько, Перепечкинъёс лэсьто коммерци продукт, нош кумышка-бар - со али дырлы эксперимент. Валэктонэз ӧвӧл, дыр, маин висъясько. 

- Выль меню тыныд яраз, шӧдске. Нош мар эшшо дэмласалыд удмурт кафеез азинтон понна? 
- Удмурт кафе... Мон понна "Перепечкин" ӧз на луы удмурт кафе. Со огшоры кафе, кудаз вань удмурт сиён. Но удмурт кафе луон понна солэн ваньмыз вань. Кулэ кадь кыӵе ке пу зын, книгаос, инкуазёгес материаллэсь лэсьтэм интерьер... Детальёс, дыр. Котькудӥзлэн аслаз адӟемез. Но удмурт кафеын, мон понна, луыны кулэ дорын кадь. Гур уг тырмы.
Нош эшшо валась арт-директор кулэ "Перепечкин" кафее.

 

Просмотров: 1281

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: andrewboltachev, Ноябрь 8, 2012 в 11:36pm

Туж шумпотӥсько, меню пӧртэм сиёнъёсын узырмиз шуыса. Малпасько, котькыӵе мед луоз, но одно котьку кулэ луыны зэмос вашкала удмурт рецептъёсъя дасям сиён. Оло, сое менюын нимаз но пусъёно кызьы ке но. «Перепечкинэ» шумпотыса эшшо одӥг пол ветлысал на. Ку меда Иже лыкто али?

Комментарий от: Alex White, Ноябрь 7, 2012 в 6:39am

Слово перепечи очень радует, но широкий выбор -это отсутствие выбора. И в меню не хватает огарчи шид, да с перепечами ммммм..... Так что это вам заметка. А кто владелец? Интересно знать!

Комментарий от: Ortem, Ноябрь 6, 2012 в 6:23pm

Daralilen tuspuktemez zech

Комментарий от: Ortem, Ноябрь 6, 2012 в 6:23pm

oz'y ujpalan shuo, besermanjos no oz'y shuo

Комментарий от: Lusha, Ноябрь 6, 2012 в 4:48pm

"быльым-мильым" яке "мильым-быльым" - тунсыко кылӥське.

Комментарий от: Lusha, Ноябрь 6, 2012 в 4:46pm

а кытын быльым мильымез шуо?

Комментарий от: Ortem, Ноябрь 6, 2012 в 4:40pm

быльым - со мильым

Комментарий от: Lusha, Ноябрь 6, 2012 в 4:38pm

Мар со быльым? 
Со удмурт сиён-а? 

Комментарий от: Ortem, Ноябрь 6, 2012 в 12:45pm

в удмуртскоязычном меню, конечно, надо указывать 120 м (манет)

Комментарий от: Numulunj pilgä, Ноябрь 6, 2012 в 12:30pm

при совке на каждой купюре был перевод: биш сум, бир манат, адзын рубель и т.д. Почему сейчас нельзя указывать так? ;)

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования