Uralistica

Нырысетӥ шуркынмонысен "Перепечкин" кафе выльдӥз менюзэ. Азьло татын перепечъёсты, пельняньёсты но табаньёсты рос-прос удмурт сямен пыжо ке вал, табере удмурт сиёнлэн шӧмыз туалагес но аспӧртэмгес луиз. Кылсярысь, зыретэн табань сяна, менюысь шедьтыны луоз губиен, чорыген, пӧсьтурынэн табанез. Нош огшоры перепечъёсын ӵош оскалтыны быгатоды улмоензэ, курагаензэ, креветкаензэ но эшшо трос мукет пушкесэнзэ. Бырйыны кутскид ке, валалод, созэ но тазэ но оскалтэмед потэ. Выль менюысь дунъёс но уг куртчылӥсько: огез перепеч 20-50 манет сылэ, табань - 50-70 манет, нош пельнянь - 80-200 манет пала. Мон вераськи тодмо удмурт блоггерен, журналистэн Дарали Лелиен, но тодӥ выль меню сярысь малпанъёссэ.


- Алёна, кызьы учкиськод "Перепечкин"-лэн выль менюез шоры? Вуид-а ни мазэс ке веръяны?
- Мон туж шумпотӥсько, удмурт кухня тунсыко луэ, но со вакытэ ик туж удмурт шӧмо кыле шуыса. Ачим гурман ӧвӧл ке но, пусйысал, перепеч менюзы ик шумпоттӥз. Тани шуом, курагаен перепеч: сыӵе ик перепеч со, коньыт ӧвӧл, но пичияк емыш шӧмез сое туж аспӧртэм каре! Перепечен ик кылиз со, кыӵе ке джемен кудылы ӧз пӧрмы. Креветкаен перепечсы воксё - кылдэ ньылод. Зол!
Тросэз кожало, удмурт сиён ресторанъёслы уг тупа. Мыным потэ, та стереотип. Бен, кухнямы огшоры, дыр, пресной, нянь шӧмо, но луэ ук сое но выльдыны, аспӧртэм карыны. Ресторан одӥг менюен ужаны уг быгаты. Солы котьку кулэ юри предложениос, арлэн вакытэзъя воштӥськонъёс. Та ласянь "Перепечкин" синадӟымон тырше.

- Нош тон уд вуиськы-а сыӵе малпанэ: перепечъёслэсь пушсэс мукет маин ке тырмытӥд ке, но со калыклы юнгес яраз ке, уз-а вуны удмурт перепечлэн кулэлыкез? Уз-а вуны солэн пушкесыз?
- Мон адӟи, перепечсы соослэн курегпузэн. Озьыен, со перепеч. Коть курагаен, коть чорыген. Вот куштӥськизы ке курегпузлэсь, соку маке мукет луоз ни.
Озьы ик табанен но. Зэмос табань - чырсатэмын. Уг яра сое оладьи тестолэсь пыдыны. Табань - со табань. 

- Нош кызьы тон малпаськод, Надя Кумышкалэн удмурт коктейльёс лэсьтэмез вискын но Перепечкинъёслэн выль меню лэсьтэмзы вискын маиз ке огкадез вань яке ӧвӧл? Соос одӥг сюресъя но огкадь методъёсты кутыса мыно, яке со пӧртэм?
- Малпасько, Перепечкинъёс лэсьто коммерци продукт, нош кумышка-бар - со али дырлы эксперимент. Валэктонэз ӧвӧл, дыр, маин висъясько. 

- Выль меню тыныд яраз, шӧдске. Нош мар эшшо дэмласалыд удмурт кафеез азинтон понна? 
- Удмурт кафе... Мон понна "Перепечкин" ӧз на луы удмурт кафе. Со огшоры кафе, кудаз вань удмурт сиён. Но удмурт кафе луон понна солэн ваньмыз вань. Кулэ кадь кыӵе ке пу зын, книгаос, инкуазёгес материаллэсь лэсьтэм интерьер... Детальёс, дыр. Котькудӥзлэн аслаз адӟемез. Но удмурт кафеын, мон понна, луыны кулэ дорын кадь. Гур уг тырмы.
Нош эшшо валась арт-директор кулэ "Перепечкин" кафее.

 

Просмотров: 1281

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Maxim Ryabchikov, Ноябрь 6, 2012 в 11:21am

Мне тоже не нравится этот символ рубля. Я высылал свой вариант на конкурс, есть даже официальный ответ Центробанка, что мой вариант принят на конкурс, но результатов конкурса нет, а Лебедевский вариант входит в жизнь явочным порядком.
Это смый очевидный вариант, он мне тоже пришел в голову, думаю не мне одному. Это самое простое, что может быть.

Комментарий от: Ortem, Ноябрь 6, 2012 в 11:07am

вообще, мне кажется, что лучше не расширять вид перепечей через увеличение числа начинок, вплоть до экзотики, а восстанавливать другие блюда, которых пока нет в меню: варсь, посятэм, шаньги, быльым

Комментарий от: Ortem, Ноябрь 6, 2012 в 11:06am

мне не нравится лебедевский символ рубля, он скучный

Комментарий от: Shkljaev Aleksej, Ноябрь 5, 2012 в 10:53pm
тупатӥ
Комментарий от: yumshan, Ноябрь 5, 2012 в 10:42pm

Точку в названии уже не обязательно указывать. Просто "Перепечкин".

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования