Uralistica

Шумбратадо, вечкевикс ловныцят!

Аволь пек умок, ютазь иестэ, минь мельспаросо кортынек мартонк Миша Боров эрзянь ине  бороцицядонть, конась кепедсь эрзя лементь. Алкукскак, эрзятнень ютксо сеедьстэ чачнить истят покшт ды виевть. Ды те аволь ансяк вейкесэ ломаньсэ неяви, а весе эрзятнесэ.

 Вана неень шканеяк улить Михаил Боровонь полядыцянзо.  Сонзэ мельга улить молицят.

Саемс монь тиринь райононть. Отяжбуень модась свал касты шумбра ды виев цёрат! Масторонь келес содавикс Отяжелень цёранть, Виктор Петрович Раздолькинэнь лемезэ. Раздолькин Виктор Петрович – 1989 иень дзюдонь коряс Европань изниця (чемпион), раскеютконь келес спортонь мастер (мастер спорта международного класса), ламоньгирдань  изниця ды таркань саиця Россиянь, Европань, Мирэнь ветерантнэнь ютксо пелькстамотнесэ.

Содавиксэкс ловови Трофимов Михаил Николаевичень лемезэяк. Сон вольной бороцямонь коряс Россиянь спортонь мастер, ламоньгирда ульнесь изницякс Мордовиянь ды Россиянь келес пелькстамотнесэ. 2000-це иетнень ушодовомсто, Саров ошсо, косо ютась панкратион тюреманть коряс раськеютконь пелькстамотне, Михаил Трофимов лисекшнэсь сехте виевекс. Чачсь Таразбуе велесэ.

Течи ули мель ёвтнемс неень шкань Отяжбуень вольной стильсэ бороцицятнеде. Видьстэ меремс, монськак школань пингстэ якилинь ды мик сайнилинь васенце, омбоце, колмоце таркатнень райононь ды республикань келес пелькстамотнесэ. Монь изнявкстнэ аволь покшт.

Минек районсо пек виевть Кулязбуень, Отяжбуень, Аловелень, Сабанцелень, Отяжелень бороцямо школатне. Чарькодеви, те сёрмадовксонтень а кельгить весе виев цёратне ланга кортамотне. Секскак лоткат сеть ломантне лангс, конатнень содасынь.

Кулязбуень кой-кона цёратнень марто савкшнось теевемс содавиксэкс.

 

 

Саемс Александр Кандрашкинэнь.

Сонензэ 23 иеть, а кодат покш изнявкст: вольной бороцямонь коряс спортонь мастер, ламоньгирдань  изниця Мордовиянь ды Россиянь келес пелькстамотнесэ.

                                                                                                               Александр Кандрашкин

А Максим Канаков? Те Кулязбуень цёрась седеяк од.

Одксчинть лангс апак вант, сонзэ пек покшт

спортсо изнявксонзо: 

вольной бороцямонь коряс Россиянь спортонь мастер,

ПФО-нь пелькстамонь омбоце таркань саиця,

ламоньгирдань изниця ды таркань саиця Мордовиянь

ды Россиянь келес пелькстамотнесэ.

Школасо тонавтнемстэ, нилеце классто саезь, чиде чис, ливськалезь-псилгалезь... Истя ансяк топавтовить покш тевтне!

Монь коряс, тесэ покш таликазо Косолапов Андрей Петровиченьгак. Сонзэ кеме кеденть алдо лиссть Кулязбуень Россиянь келес содавикс бороцицятне. А стяко Кулязбуень вольной борьбань школась ловови Мордовиянь келес сехте виевтнеде.

Максим Канаков

                                               Максим Канаков бороцямсто

Аловелень цёратнеде монь шкане содавкис ульнесь Сабайкин Юрань,Сорокин  Андреень лемест.

Сабайкин Юра дзюдонь оршамосо

Сабанцеленьсетнеде ней марсеви Федотов Роман, конась лиснесь изницякс ды сайнесь таркат райононь, республикань ды Россиянь келес пелькстамотнесэ.

Секень тев райононь ды республикань газетатнесэ неят сёрмадовкст минек бороцицятнень ланга:

Кулясовские богатыри на Всероссийских сельских играх в Чебоксарах

http://www.kulyat.info/vpered-atyashevo/12663-kulyasovskie-bogatyri...

Алексей Кукин выиграл у Магомеда Абузарова

http://www.kulyat.info/area3/news/view/13439-aleksej_kukin__viigral...

Тынь арсетядо минек ансяк цёранок шумбрат? Аволь ансяк:

Атяшевцы - сильнейшие в Поволжье

http://www.kulyat.info/area3/news/view/13458-atyashevtci_-_silnejsh...

 Монь коряс пек паро, зярдо раськесь валдо удемень коряс ды виев рунгонь коряс. Истямокс ловань минек, эрзятнень.  Седеяк паро, зярдо те покш виесь ды шумбрачись велявтови паро эзнес.

Минек райононь бороцицятне Д.П. Горбунов ды А.П. Косолапов тренертнэнь марто

Мельспаросо аштян мон эсень шумбра Отяжбуенть коряс.

 Uchevatkin Santjai

Просмотров: 722

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Кувакань Азор, Февраль 11, 2013 в 8:00am

Пек паро, истямо кой эри, ды неень шкасо ламо виев эрзят.

Комментарий от: Эрзянь Мель, Февраль 10, 2013 в 3:40pm

Сюкпря ловноманть кис! Мельспаро, зярдо тевтне-сёрмадовкстнэ кинень-бути эрявить.

Комментарий от: Erush Vezhai, Февраль 10, 2013 в 2:54pm

Сюконямот вадря кулянть кис, Сантяй!

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования