Uralistica

Спорт удыслы берпуметӥ аръёсы азьвыл сярысь тросгес саклык висъяськыны кутскиз. Милям но – Удмурт егитъёслэн мерлыко «Шунды» огазеяськонзылэн – бере кылеммы уг поты. 16-тӥ южтолэзе кыкетӥзэ волейболъя ӵошатсконъёс шоркарысьтымы вылӥ но шор дышетсконниосысь студентъёс вискын радъямы.

Ижкарысь 4-тӥ номеро лэсьтӥськонъя лицейлэн спортъя залаз 7 командаос люкаськизы: «Огшоры», «Ми», «ИжГТУ», «Кык но куинь», «Ошмесъёс», «Шарканмафи» но «ИжГСХА». Вань шудӥсьёс азе огкадь куронъёс пуктэмын вал: 14-тӥ южтолэзёзь командалэсь заявка келяны, удмурт кылын вераськыны но студент луыны. Вань люкаськем командаосмы усто шудӥзы, но вормисьёс пӧлы потӥзы таосыз: 1-тӥ интыын «Ошмесъёс», 2-тӥ луиз «ИжГТУ» но 3-тӥ – «Шарканмафи». Ваньзы ик соос синпель кузьымъёс, дипломъёс басьтӥзы, нош 1-тӥ инты понна «Ошмесъёслы» сётӥзы на чебер кубок – азьланяз со вормисьёс киысь выльёсызлы вормисьёслы кузьмамын луоз. Шудӥсьёс пӧлысь нимысьтыз кузьымъёсын пусъемын Юрий Якимов («Ошмесъёс»), Никита Кузьмин («Шарканмафи») но Станислав Дмитриев («ИжГТУ»).

Жаляса верано, «ИжГСХА»-осын керетон потӥз. Куинез шудӥсьёс асьсэды удмуртъёс, пе, но анай кылзэс уг тодо. Куспамы но мукет командаослэн капитанъёсынызы вераськыса, огкылэ вуим соосыз шудонлэсь палэнтыны. Кылем арын таӵе ик югдур кылдӥз, но соку ӟуч пияш командаеныз пумозяз ӵошатсконэ пыриськиз. Туэ куронъёсыз чурытгес карим: «шундыос» радъязы волейболэз удмурт егитъёс понна, мукетъёсыз быгатозы дышетсконниосазы, ёросъёсын, шаерамы ортчись трос пумо вожвылъяськонъёсын кужымзэс мертаны. Милемлы потэ, шонер лэсьтӥм: нимысьтыз удмуртъёс понна мукет ӵошатсконъёс ӧвӧл ни, татын гинэ соос ог-огенызы тодматскыны но вераськыны быгато, вылезлы дышетскыны, оло нош, мукет ӵошатсконъёсы 2-3 командаысь студентъёсын огазеяськыса пыриськыны но.

Нош тӥ кызьы малпаськоды, шонер лэсьтӥм-а?

Просмотров: 318

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Ortem, Март 19, 2013 в 6:50am

мон валасько Ленаез.

ма, нокыче шовинизм сярысь овол вераськонэз

Комментарий от: Begen Siman, Март 19, 2013 в 6:36am

Ortem, в Ижевске проводится довольно много соревнований, которые заявлены как любительские.

Однако, некоторые нечистые на руку (на голову)  лица, привлекают профессионалов-спортсменов, частенько за денежное вознаграждение, дабы априори иметь преимущество. 

Мы тоже с этим явлением к сожалению столкнулись в проудмуртском футболе прошлой осенью, когда  заявленные "почти что удмурты" по факту обеспечили победу.

Поэтому я поддерживаю Лену: они всё сделали верно. Фактор проверки - говори на удмуртском, или по крайней мере, не зная языка, декларируй окружающим свои действия  - чтобы все знали тебя радеющим за удмуртов.

Шовинизма тут нет никакого, уровень любительский, как клуб по интересам.

Комментарий от: Лена Рябина, Март 18, 2013 в 9:58pm

нош туссыя соос воксё хохолъёс кадь вал - куинез ик шудонлэсь палэнтэм пияшъёс

Комментарий от: Лена Рябина, Март 18, 2013 в 9:55pm

о, Артём, вуылоно вылэм тыныд та ужрадэ! серем но, бӧрдэм но потэ ни вал со ӟучомем удмуртъёсын яке асьсэды озьы нимасьёсын! керетон гинэ утчазы ведь!

бергес удмурт волейболистъёслэсь тодӥм ни, соос, пе, шаерамы ортчись мукет ӵошатсконъёсы ялан пырисько. нош профессиональной спортсменъёс огшоры шудӥсьёсыз, валамон ни, капчиен вормысалзы. нечестно кадь.

Комментарий от: Ortem, Март 18, 2013 в 9:46pm

мынам маламея, юри удмуртъёслы радъям спорт ужрад - со туж умой мар ке. нош овол палэнтоно зучомем удмуртъёсты уудмутлыклэсь.

ойтод, кызьы эскероно, кинъёс соос.

нош туссыя?

Комментарий от: Лена Рябина, Март 18, 2013 в 9:40pm

нош кызьы тодоно, со ӟучомем удмуртъёс шуыса? ӟуч спортсменъёс милемлы кулэ ӧвӧл, нош алданы котькин но быгатоз, удмурт шуыса. сыӵеос понна мукет шудонъёс ӵемысь радъясько

Комментарий от: Ortem, Март 18, 2013 в 9:34pm

малы зучомем удмуртъёсты куштоно?

Комментарий от: Лена Рябина, Март 18, 2013 в 6:44pm

Артём, ИжГСХА-ын удмуртъёсыз трос, но вожвылъяськонэ лыктӥллям ӟуч спортсменъёс (!) яке ӟучомем удмуртъёс. Котькин ассэ удмурт шуыны быгатэ, но шудонэ ӧтемын вал анай кылзэс тодӥсьёсыз.

Комментарий от: Ortem, Март 18, 2013 в 4:40pm

ИжГСХА-ысь адямиос зучомем удмуртъёс, лэся. Та чошатсконды оглом удмуртъёс понна яке удмурт кылын вераськись удмуртъёс гинэ понна-а?

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования