Uralistica

Теевсь паро коекс ледстнемс Ине войнасо изницятнень анся панжиковонь ушодкссо. Зярыя иень ютазь паряк те коеськак коли. Ванна уш те иестэнть топодсть 68 иеть Изнямонтень. Аламо лиядсть эрямос сеть ломантнеде, конат эсест виест путызь олячинек кисэ. Вана те иень ветерантнэ Саран ошсо:

Сынст ютксо кавто иеде икеле ульнесь Петр Казаков эрзянь ломанесь, кона марто савкшнось теевемс содавиксэкс моненьгак. Сестэ молекшнесь тензэ уш 88-це ие, нама тень лангс апак вано, сонзэ сельмензэ пешксельть мельсэ- арсемасо.

Пингензэ перть мезть ансяк эзь некшне эрямосонзо: ютась войнань стака шкат, покш изнямонь  танстькак  марсесь.  П.Е. Казаковонь лемезэ ламонень содавикс васняяк кода  сёрмадыцянь. Умоньшкасто саезь  сонзэ статьянзо секе тев лиснильть газетасо, журналсо. Сёрмадсть сон седе, мезесь сонзэ сехте пек талновтсь. Эрзякс, рузокс. Апак пеле ёвтнесь мельдензэ. валонь вийсэ бажи витемс, сень мезесь эзь тукшно мелезэнзэ. Весементь ютксто фронтовикесь пурнынзе сехте паро ледстнематнень, статьятнень ды нолдынзе башка книгас. «Эрямонь киулот» истямо домка смусть марто лем тензэ максозель.

Книгась сёрмадозь эрзянь мазый кельсэ, ули  эйсэнзэ  рузоньгак  а  покш пелькс, ловнови шождасто.

 Пётр Ефимович эзь  лотка тень лангс. Топавтызе умонь арсеманзо: анокстынзе печатьс т е т я н з о Ефим Сергеевич Каз а к о в о н ь сёрмадовксонзо, конатнень сон ветясь эрямонзо меельце иетнестэ.  Ульнесть сынь  рузонь  кельсэ.  Пётр  Ефимович ютавтынзе  эрзякс.  «Ютазь  пингестэ варштавкс»  –  истя  лемдизе  од книганзо  авторось.  Пётр Ефимовичень ламо эрьва кодат казнензэ. Меельце казнетне ютксо Эрзянь  келень  идема  фондось казизе  эрзянь  цёрань  панарсо ды грамотасо,  раськень   тевтнесэ  виев важодеманзо кисэ. Сон иезэ лангс апак вано свал покш мельспаросо сакшныль весе кеняркстнэс, промкстнэс, конатнесэ куш кодаяк ванкшовсть эрзянь раськень тевтне.

Монень, пек стака сёрмадомс  Петя лелядонть ютазь шкасто, превсэнь а кирдеви –сон  арась те чисэнть. Содави, весемесь а ёвтневи ве статьясонть. Ёвтан анся вейке: зярдо мон арсезеван Ине войнасо изницятнеде-мелезэнь сы сон, Петр Ефимович Казаков. Аштян мельспаросо ды каштанчисэ сонэ марто содавиксэс теевеманть кувалма. Книганть каземстэ кадсь арсема марто тешкс, пшкадсь тетя лемсэ)

Меельцекс поладовлия, оят, кирдьсынек мельсэ Ине иезнямонть ды изницятнень свал, аволь ансяк панжиковонь 9-це чистэ. 

Петр Казаков ёвтни войнань стака шкатнеде

А ней, нурькинестэ П.Казаковоньэрямостонзо саевкст:

Сон чачсь 1923 иень медькоовнь 14 чистэ Мордовия Республикань Покш-Березник буень Симкина велесэ. Эрзя. Вейксэ классонь  прядомадо  мейле  сась эрямо Саранскоев. Тесэнь 12-це гимназиянть  прядомадо  мейле тонавтнесь педагогонь институтсо. Ормалгадомань кувалма институтось савсь тензэ кадомс.

Аламо шкань ютазь, прядсь бухгалтерэнь курсат. 18  иесэ  саизь войнав.1941 иестэ ульнесь Сталинградонть кис тюремасонть, теде мейле ульнесь Карелэнь фронтсо.

Модамасторонь Омбоце войнадонть мейле важодсь Мордовиянь комсомолонь Обкомсо, электролампань заводонь «Светотехника» сюлмавксонь парткомсо. Кувать тевть ветясь референтэкс Мордовия Республикань «Знание» вейсэндявкссонть. Прядызе Мордовиянь Н.П.Огарев лемсэ университетэнь историянь факультетэнть. Пенсияс лисемадо мейле 12 иеть важодсь наукань ды техникань информациянь Центрасо. 2010 иестэ Петр Ефимовичень Сарансо лиссь книгазо «Эрямонь киулот. Жизненные переулки». Эйсэнзэ колмо теевксстэ драмась «Саранонь эрзя» (рузокс ютавтовсь). П.Е.  Казаков  казезь  зярыя орденсэ  ды  медальсэ,  сонензэ  максозь «Мордовия Республикань заслуженной роботник» покш лемесь. Сон тусь эрямосто 2012-це иень эйзюрковонь 9-це чистэ.   

Весень Ине Войнасо Изнямонь чи марто! Кадык свал велькссэнек ули маней менель!!!

Артовксось Кувакин Азоронь.

Valda

Просмотров: 321

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Кувакань Азор, Май 11, 2013 в 12:07am

Сюкпря мельсёрмадксот кис! Улить сёрмат эрзянь кельсэ Ине Торпингестэ, эрзянь ушмант сёрмадсть кудов. Монь атям Иван Кувакин тусь Ашо ведь велестэ, Карсунбуестэ, Ульяновской областьстэ. Сон эзь велявто тиринь эрзянь велев. Кой-кодат эрзянь цёрат велявтсть Ашо ведь велень кудов Ине Торпингестэ, невтемскэсь, эрзянь танконь умшан Ломоносов.

Комментарий от: PaoL, Май 10, 2013 в 11:19pm

"18  иесэ  саизь войнав."

Увы, в нашем случае это так - на войну не уходили, на войну забирали.

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования