Uralistica

"Кельмелисьмалееньлисьмапря" – истя тештезь кой-кона сермадовкстнэсэ-тердематнесэ. Пек превейтне абунгадсть,  кода а видестэ сермадозь. Монь койсэ, кода илязо уле лемдязь, тештезь, кодат орфография ёндо ильведевкст иляст уле, паро, ютавтовсь истямо кенярксчи. Кодамо? Теде седе тов сермадовкссонть.

 

 

Медьговонь 27-це чистэ Нижегородской енксонь Лукоянова буень Од веленть маласо ютавтовсь «Эрзянь лисьмапря» регионъютконь фестивалесь. Сон мольсь «Кельме лисьма леень» лисьмапрянть вакссо. Те уш а васенце истямо кенярксчи, весемезэ историясь лови кото, нама, колмоце ие покшкавтни эсензэ чачонть-ловови региональнойкс. 

 

 

 

 

 

 

 

 

 

 

 

Фестиваленть ушодовомсто ютавтозель Инешкипазонтень Озкс од Мааронть лангсо. Мейле весе вейсэ  ютасть кирькссэ, кедьте кедьс кундазь, коень коряс, «Вейсэ, эрзят, виевтяно» моронть моразь.

 

 

 

 

 

 

 

 

 

 

 

 

 

 

 2011 це иестэ тесэ панжозель «Память предкам» чувтонь покш скульптурась.

Инь ютазь, 2012-це иестэ, панжовсть Вирьаванень, Мастораванень, Ведьаванень чувтонь скульптуратне.

Ды вана ней, 2013-це иестэ, панжовсь Кудоатя ды Иненармунь скульптуратне. 

"Кудоатя" чувтонь скульптуранть панжомсто

Эряви тешкстамс, сонзэ  казизе «Эрзянь вайгель» Москов ошонь вейсэндявксось. Икеленьсетнень ды од чувтонь покш скульптуратнень теицятне ды арсицятне Николай Иванович ды Николай Николаевич Аношкинтнэ.

Иненармунь-чувтонь  скульптурадонть ёвтнема башка.  Ламот ёвтамотнень коряс те нармунесь, пек малавикс Инешкипазонтень. Неень шкане ды умокстояк сон лововсь вечкицятнень ванстыцякс. Тес, Лукояновань буесэ Иненармунентень алтазь цела композиция.

 "Иненармунь" скульптурась

«Ламзурь» Мордовиянь морамонь ансамблясь «Иненармунь» скульптурань  панжовоманзо шкасто невтсь одирьвань максома кой. Мерема, кода каванямо-симема пельтне, истя од мирдесь ды ниськак ульнесть алкуксонь. Учеватонь Сантяй ды Наталя аволь умок налксизь свадьбаст неень шкань коряс. Ней вана эрзянь койтненьгак кирдизь.

Седе ламо фотот тесэ

Свадьбань видеось тесэ

Коень коряс, ютавтовсть спортонь пелькстамоткак, козонь тердевсть весе, кинь ульнесь мелезэ варчамс эсь виензэ. Тесэ леднесть налсо, ёртнесть узерть, бороцясть.

Важодсь декоративно-прикладной шкинемань выставкась-ярмункась. Теде башка, микшневсть эрзянь книгат, футболкат.

Невтезель покш концерт. Сцена лангс лиснесть эрьва косто сазь ансамблятне: те – Мордовиянь «Ламзуресь», Чувашиясто «Умаринась», Нижней ёнкссто зярыя буень морамонь вейсэндявкст, ды ламо лият.

Фестивалень ютавтома таркась,мельстуиця. Паксянть маласо, чувто ало лисьмапря.

Сазетне тосонь ведтенть симсть ды мартосткак пешсть, кортыть, сон паро - ормаменькс.

Лисьмапрянть вакссо теезь ламо озамо таркат, косо весе оймсесть кувака ды эрьва кодамо тевдеемасо сюпав чиденть мейле.

"Вайгель" радиоканалсо "Эрзянь лисьмапрясто" репортажось теезель медьговонь 30 -це чистэ.

Кунсоломс мереви тестэ

Valda

Просмотров: 646

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования