Uralistica

   Сборник стихов посвящается  предкам.

    Чыжы выжыослы сизеем кылбуръёс.    

 

         ЧЫЖЫ-ВЫЖЫОС                                         
     Арча калыклэн азяз уськытон кыл              
  
Чыжы-выжыос, тй мусо туганъёс,                               
Тйледлы веранъёс, кырзанъёс кузьмаськом.              
Тодйськом, гажаськом, тйледыз малпаськом,   
 Огдэс кельтытэк, ми буре вайиськом.                
Жингыртйсь кусоос, погырам  турынъёс,        
Чебересь сяськаос, кисьмамтэ емышъёс,        
Кужмоесь мугоръёс, чигымтэ мылкыдъёс,  
Тйледлы ваньдылы азяды мед усёз! 
Мед луоз валесты мамык кадь ик небыт, 
Улонды нош тйляд Арчалэсь но шуныт. 
 Инмармы тйледыз ас дораз мед басьтоз,   
 Шуныт киулъёсаз лулъёстэс мед шунтоз. 
Шундыды сопалан мед луоз шунытгес,    
 Югытэз мед пиштоз тйледлы яркытгес, 
 Секытэсь малпанъёс тйлесьтыд кошкозы, 
 Вормонтэм ужпумъёс бусъёсын тблзозы. 
Утелэ милемыз тй янгыш сюреслэсь,    
 Малпамтэ вамышлэсь, ултйясь ужъёслэсь. 
 Шаермес пазьгелэ тй чебер сяськаен, 
  Лулпушмес милесьтым — яратон мылкыдэн. 

 

 

 

    Данъялом ас дӥнмес

 

Буре ваёме асьмелэсь выжымес,

Вералом , кырӟалом, данъялом ас дӥнмес.

Нимъёссэс, соослэсь, тодамы возьоме,

Ушъяно ужъёссэс вылие жутоме.

 

Агайос апайос, дыдыос екеос ,

Ог кылысь, ог ымысь асьмеос уломе.

Асьмелэсь выжымес, асьмеос утеме,

Выжылэсь но данзэ влые жутоме 

 

Жингыртӥсь  куараен асмеос кырӟалом,

Калыклэн сюлэмаз тылгизи но пазьгом.

 Буро ужъёсмес асьмеос ужалом,

 Осконо  мылкыдъёс соослы пыӵатом.

 

  Аръёс пыр ортчыса туганъёс, 
  Улонын кельтоме ӟеч ужъёс

 Вордэм нылпиос сьӧрамы  будозы,

 Кутӥськем  ужъёсмес азьпала нуозы!

 

  Гомалоз Вестылын асмелэн сюлэммы,

  Душесэн бурдъяськоз ужано мылкыдмы.

  Инмармы мед утёз удмуртлэсь выжызэ,

   Котырысь мед пазьгоз выжылэсь дышмонзэ!

 

 ТУГАНЪЁС 

Сиёнэн-юонэн жӧкъёсмы тырмемын,   
Коркамы — люкаськем мусо туганъёсын. 
Капчиесь мылкыдъёс, шумпотон вакытьёс... 
Кисырмем бамъёстй васькыло синвуос. 

Туганъёс, ваньды но тӥ тодын —     
Анайёс, атайёс пуко на ми вӧзын.     
Губырес мугоръёс, купырмем чиньыос... 
Шумпотон тылъёсын жуало синъёссы. 

Пальпотса учкыло шорамы сузэръёс, 
Киосмес юн кырмо агайёс, дядяйёс.     
Нуналэз шӧдытэк, уйёсмес изьытэк, 
Ог гурен кырӟалом, огкылын вераськом. 

Тымиськем шур вуэн кошкизы веранъёс,  
Корка тыр вӧлмизы шумпотон куараос. 
Мусоесь туганъёс, вунонтэм тусбуйёс...   
Жингырто чаркаос, чебересь кырзанъёс. 

Ортчозы нуналъёс, вунонтэм вакытьёс,    
Чалмозы крезьгуръёс, кошкозы туганъёс. 
Сюлэмъёс мӧзмозы, кылёзы малпанъёс... 
Азьпалан нош тазьы люкаськом асьмеос. 
Улонын та шудлэсь мар вань на бадӟымез! 
   

 

    Арсания жива!

      Арскому народу посвящается

                                      

Гул копыт, дыхание Земли прерывая,

Звон меча, пение птиц затмевая.

Дымом черным Солнце пеленая,

Арча погрузилась во тьму  замирая…

 

И грязь и слякоть, ветра свист,

Волчьи стаи, ворона крик.

Багровое Солнце, багровый туман

Арсанию застилает багровый дурман.

 

Пала Арча… нет Арсании боле,

Сторона Арского народа –Эдем.

Темной мглой затянуло небо,

Застыла Земля холодным льдом.

 

Сады опустели, завяли цветы,

Кружатся пеплом поля «золотые».

И где то чуть слышно в дали,

Крезь играет мелодию –живи!

 

Живи…живи…живи…

Живи, все уже осталось позади!

Живи, даже если очень больно –

                                              живи!

Живи, чтоб сказать всем и каждому –

жива Арсания! Она Жива!

 

 

Она жива пока Солнце светит,

Пока бьются пылкие сердца.

И наши мысли их не покинут,

Она будет жить, и жива всегда!

Галиханов АШ

 

……………………………………………

Предки мои, дорогие родные.              
Вы в памяти нашей навеки, навечно!

Знаем, помним, всех вас величаем,
И в сказах и в песнях мы вас воспеваем!

 

АСЬМЕОС - УДМУРТЪЁС 
  
Эль вылысь асьмеос, эрико удмуртъёс, 
Валче кариськом, чош улом, туганъёс!* 
Чыжы-выжымес, ог-огмес ыштытэк, 
Югыт Инмарлы осконмес куштытэк! 
  
Асьмелэсь, удмуртъёс, гажано туганъёс, 
Выльзэ возьмало вашкала осконъёс. 
Вите Весь дунне асьмелэсь зеч ужмес, 

Дораз кыстйськись паськыт е сюресмес. 
  
Восьёсмы асьмелэн эрикмес утёзы, 
Шунды тылсиос сюлэммес шунтозы. 
Эльысь калыкен тупаса улыны 
Югыт Инмармы мед юрттоз асьмелы! 
  
Кам кузя тубозы асьмелэн ужъёсмы, 
Лудӟазег Лобӟон Сюрестӥ — кырӟанмы. 
Тарази Кизилиен пиштозы улонын, 
Кибы Кизилиен бергалозы котырын. 

 

ВЫЖЫ ПОННА КУРИСЬКОН 
Югыт но мусо Инмаре-Кылчинэ, 
Азьпалан улонын милемлы Тон юртты!    
Выжымес шудбурен, зечлыкен юнматы. 
Кутскем ужъёсмес пумозяз вуттыны   
Кужымдэ но визьдэ сёты Тон, Инмаре!    
Янгыш сюреслэсь утьы Тон выжымес, 
Азвесь кенерен котырты дышмонлэсь*.  
Через", кыльдэез" тузонэн Тон пазьгы,   
Андан-азвесен тазалык Тон сёты,  
Мамык киыныд вешалля нылпимес,   
Югыт Шундыен шунты та улонмес!    
Ванен но бурен, тыр шудэн но ӟечен,   
Гид тырос пудоен, бакча емышен,     
Нянен но вбен, мушен-чечыен,        
Нылын но пиен, семьяен, туганэн,     
Калыкен огкылысь улондэ сёты Тон, Инмаре! 
Кабыл но басьты куреммес милесьтым,     
Югыт но мусо, Инмаре-Кылчинэ!            
        Омин! Омин! Омин! 
  

Просмотров: 477

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Галиханов Анатолий Шарифьянович, Октябрь 27, 2013 в 4:37pm
Комментарий от: Галиханов Анатолий Шарифьянович, Сентябрь 23, 2013 в 6:35am

Вань ФУ калыклэн флагъёсыз лусал ке, нош но туж ӟеч луысал.

Комментарий от: Niimshur, Сентябрь 22, 2013 в 8:52pm

21.09. 13. Ижевске. Фото Березина.

Комментарий от: Niimshur, Сентябрь 22, 2013 в 8:51pm

Комментарий от: Ortem, Сентябрь 18, 2013 в 12:46pm

усто!

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования