Uralistica

Тольятти ошсо эрзянь ды  мокшонь культурань центрасонть ютавтовить эрзянь келень курсат. А кемевияк, эрьва тарго, кинь ули мелезэ, сакшныть кунсоломо Мордовиясто сазь од тонавтыцянть  лекциянзо.

Ольга Богданова, минь сонзэ Содасынек Сусорева фамилиянть коряс,  икеле тонавтсь эрзянь келентень Саран ошсо рузонь эйдетнень.

Курсатнень пингстэ

Алексей Еремеев Тольяттисэ  культурной центрань активистэсь, минек паро оясь, евтнизе, кода ульнесь тевесь.

 

 

«Мелесь сась умок, веете иеде икеле. Ломантне тонавтнесть Сятко, Чилисема журналтнэнь коряс. Неть курсатнес сакшность важодиця цера-ломанть. Тейтерть ульнесть сермадстозь ниле, нама сакшныть анся кавтотне. Вейке церась сакшны Самарасто. Весень аштить мельспаросо курсатнень кувалма.

Минек тонавтыцясь-тештиненек!!! Сон невти тиринь келентень ды раськентень вечкеманть. Эсензэ  вечкеманть яви тонавтницянзо марто. Курсатнестэ видеось  сермадови

Курсатнестэ видеось

Курсатнень статистиканть коряс ваныть Самарасо, Саран ошсо, Московсо, Иене Петрань ошсо. Улить ваныцят Суомисэ, Эстононь масторсо»

Сюкпря, Оля!

Курсатнень пурнамосо ульнесь сех стака ульнесь муемс тонатыця. Неень шкане всеементь прявтсо аштить ярмактне, нама, сыньгак пурназелть, кочкавсь тарка….тонавтыця яла арасель.

Шкась юты, эрямось  лаки….

Константинь Богданов Тольятти ошонь эрзясь саизе никс Ольга Сусорева Мордовиясто  од сермадыцянть,  эрзянь келенть тонавтыцянть.

Кода тешкстась, Алексей, те ульнесь Инешкипазонь чансть! Алкукскак, эрзява, коень- кирдань содыця, тонавтыця! Седе покш часия а ков. Оляненьгак ульнесь паро, поладызе вечкевикс тевенть.

 

Курсатнень шкадо

Ютавтовить сынь сюконьчистэ ( пятница) ды таргочистэ (воскресение). Тольяттинь эрзянь ды мокшонь культурань центрась  сынст ютавты Самарань госуниверситетэнь филиалсонть сюконьчистэ 19 чассто саезь 21 часос молем.  Таргочистэ  эрзянь келесь тонавтови  "Истоки"  ловномакудонь нупальсэ 14 чассто 30 минутасто саезь 16 часос 30 минутас молемс.

Оят, кинь ули мелезэ содамс курсатнеде седе домкасто гайневтеде  8 (8482) 53-22-44  эли +79093640873 телефононь номертнэнь коряс.

Valda

Просмотров: 294

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Erush Vezhai, Январь 21, 2014 в 12:47pm

Пек паро тевесь! Эрьва ошсо истя улевель!

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования