Uralistica

Яратӥсько Вормон нуналэз. Мон понна со - тужгес бадӟым праздник - трос поколениосты герӟась, улон но солэн дунлыкез сярысь малпаськытӥсь, ас кунэдлэсь историзэ гажаны дышетӥсь.

Вормон нуналэ война сярысь уно кырӟанъёс кылзӥсько, гадь бордазы чилясь медальёс бырттэм ветеранъёс шоры гажаса учкисько. Тросэз ини соос пӧлысь пересесь. Малпаны ик кышкыт, берпуметӥ ветеран та дуннеен люкиськиз ке, кин шоры Вормон нуналэ учкозы на пиналъёс? Кинлэсь кылзозы Быдӟым ожысь историосыз? Луозы на-а, али сямен, парадъёс? Мон малпамъя, 9-тӥ мае сяна, одӥг но карын, одӥг но черкогуртын огазе сомында калык уг люкаськы. Вормон нунал зэм но уно поколениосты герӟа, войнаын бырем яке отысь берытскем ӵыжы-выжыосыд шоры мукет синмын учкыны дышетэ.

Озьы ке но туннэ нуналлы но Быдӟым Атыкай ожлэн историяз трос тодмотэм интыосыз. Куд-огез сое выль сямен гожъяны выре. Дышетскон книгаосын но та ожлы ӧжытгес инты висъяське ни: ми сое 10 урок ӵоже дышетӥмы, али 2-3 час гинэ на висъяське, пе. Туж ӝож. Кун азьвыл патриотъёсты будэтыны тыршиз, нош али кыӵе дышетон ӧре выже меда, кыӵе ужпум пуктэ? 

Просмотров: 135

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования