Uralistica

Мурт кылъёсты дышетонъя уно методикаос вань. Но малы ке соос ӵемысь уг ужало (яке мыным гинэ озьы потэ меда?). Шаерамы тросэз дышетскисьёс, школаын кунсьӧр кылъёсыз аръёсын дышетыса, соин вераськыны уг дышо. Нырысетӥ урокъёсын дышетӥсьёс кызьы ке тыршо ик пиналъёсыз тунсыкъяськытыны; мынам немец кылъя дышетӥсе, кылсярысь, "бухгалтер", "парикмахер", "ярмарка" но со выллем немецысь асэстэм кылъёсты вераз. Но бӧрысь номыр тунсыкоез ӧй вал ни: ялан берыктонъёс, секыт правилоос... Мурт кылэз дышетыны мылкыды пуксиз.

Та нуналъёсы Удмуртие вуизы кун сьӧрысь куноос - Финляндиысь но Германиысь дышетскисьёс. Немец нылашен, Юлия Хюбнерен, Кияса ёросысь Уддяди шор ёзо школае вуылӥмы, со 5-тӥ классын дышетскисьёсын пичияк урок ортчытӥз. Кутскиз удмурт кылын вераськыны, но Уддядиысь немец кылъя дышетӥсь немец сямен вераськыны куриз, ку, пе, пиналъёс немец кылэз улэпкын кылозы на. Ачиз сярысь верамез бере (нылпиос отысь 4-5 кылзэ валаллям) Юлия дышетскисьёсын вераськыны кутскиз: кызьы нимыд, кӧня арес... Котькудӥныз тодматскемез бере Германиысь ческыт саламъёсын кунояз.

Пумиськон бере Юлиялэн мылкыдыз ӝутиськиз Удмурт кун университетэ немец кылэз дышетыны лыктыны (Роберт Бош нимо фондлэн со понна вань нимысьтыз программаез), но огвакытэ ик, пе, вуылысал Уддядие но, толэзяз 1-2 пол ке но, отысь пиналъёсын немец кылын вераськысал. Оскытӥд ке, немец кылын вӧзад но вераськисьёс вань, со куке, оло, улонад кулэ луоз шуыса, дышетскисьёслэн мурт кылъёсыз дышетон сярысь малпанзы воштӥськоз, оске Юлия. Мон но оскисько, со туж пайдаё луысал шуыса.

Просмотров: 247

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Niimshur, Май 28, 2014 в 5:26pm

wircklich schoenste Nachricht!

zemos cieberetyiez ivor!

Комментарий от: Лена Рябина, Май 26, 2014 в 6:32pm

P.S.: али гинэ ивортӥзы: Юлияен пумиськон немец кылэз дышетыны сокем мылкыд сётымтэ, кудбыдӟа мылкыд сётэм удмурт кылэз дышетыны: Германиын но удмуртэз дышето но туж ӟеч верасько бере, татын но сое палэнтыны уг яра (кунсьӧр куноос азьын возьытэ усёнтэм вылысь ке но). 

Комментарий от: Niimshur, Май 26, 2014 в 1:49pm

oh, ich unterrichte diese Sprache schon 27 Jahren - mit niedrigem Erfolg ((

Комментарий от: Лена Рябина, Май 26, 2014 в 1:34pm

nur nett? und was koennen Sie sagen ueber den Nutzen?

Комментарий от: Niimshur, Май 26, 2014 в 12:48pm

ja, es wuerde nett ))

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования