Uralistica

Ижкарын дугдылонниослэн вань нимъёссы удмурт кылэ берыктэмын. Но бӧрдод-а, серекъялод-а - котькуд куинетӥяз, дыр, янгышъёсыз вань. Озьы ик шаерысь гуртъёслэн нимъёсынызы но - кызьы потэ, озьы ик гожтэмын.

Со янгышъёсыз тросэз адӟо но ӝожтӥсько ке но, номыр карыны уг луы: ваньзэ выльдон понна трос коньдон кулэ, нош со, котьку сямен, уг тырмы. Озьы ик улӥськом: нуналлы быдэ "Тӧдьы куака" интые учкиськом  "Тэди куака" шоры, син солы дыше. Но кинлэн улонэз удмурт кылын герӟаськемын ӧвӧл, со кӧня ке улыса тӧдьыез "тэди" ик гожтоз. Гожъяськон удмурт кылын так но капчиен уг сётӥськы, татын ке эшшо йырез сурасьёс шедё.

Сыӵе дыръя воже потэ: малы ӟуч кылын дугдылон интыосыз но гурт нимъёсыз янгышъёстэк гожто (яке со янгышъёсты ӝог тупатъяло), нош удмуртэз кыӵе вань, озьы ик яра? Уг луы шат огпол ваньзэ шонер берыктыны, уг шедё шат со понна ӟеч ӧнерчиос? Кӧня на синэз вандозы "Удмурт Тойбаш" выллем знакъёс?

Просмотров: 530

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Лена Рябина, Июнь 10, 2014 в 11:42am

эх шу( кытчы ке мыноно луоз табере, а так мон пала лыкто вал - сквере)

Комментарий от: Ortem, Июнь 10, 2014 в 10:28am

пумиськонлы инты бырйыкуд, бырйы кыче ке урамкожез но адямилы юри озьы вера

Комментарий от: Лена Рябина, Июнь 10, 2014 в 10:23am

азьланяз куто но, дыр) нош али урамкожъёс сярысь пока номыр гожтыны(

Комментарий от: Ortem, Июнь 10, 2014 в 10:16am

Ужад кут!)

Комментарий от: Лена Рябина, Июнь 10, 2014 в 10:12am

мыным кельше) искусственной овол)

Комментарий от: Ortem, Июнь 10, 2014 в 10:00am

Адресъёсты берыктыку выль кыл кылдиз - урамкож (переулок)

Комментарий от: Ortem, Июнь 10, 2014 в 10:00am

таиз урод, зэм.

урод, куке остановкаослэн нимъёссы портэм сямен гожъямын. шуом, Воткинск ? сюресвож ? дугдылон но Профсоюз урам. малы огпол дугдылон кыл кутэмын, мукетаз овол?

Малпасько, та нимъёсты кылдытон вакытэ удмуртъёс та процессэз чаклаллямтэ, нокыче инспекцимы ой вал

Комментарий от: Лена Рябина, Июнь 5, 2014 в 11:22am

кыл урод овол, ярам ини, кыче вань. урод, куке остановкаослэн нимъёссы портэм сямен гожъямын. шуом, Воткинск ? сюресвож ? дугдылон но Профсоюз урам. малы огпол дугдылон кыл кутэмын, мукетаз овол?

Комментарий от: Ortem, Июнь 4, 2014 в 6:51pm

маин дугдылонни урод?

Комментарий от: Лена Рябина, Июнь 4, 2014 в 12:09pm

маке секыт "нимоосын" но "дугдылонниосын". кызьы ке огкадь мед луысал: яке ваньмаз дугдылон/ни, яке огаз но кулэ овол.
нимъёсын но озьы ик. ул. Ленина, Тимирязева, К.Маркса... зуч вариантын "имени Тимирязева" овол. малы соку удмуртэ "нимо" шуыса берыкъямын?

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования