Uralistica

22-тӥ инвожое, котькыӵе куазь медло, мылкыды ӝож луэ. Та нуналэ котьку син азям пуксё пересь ӵужанае, пересь песяе, вашкала туспуктэмъёс, кытысь мон трос адямиосыз уг тодӥськы.

Ваньмыз со война йырин, угось туспуктэмъёс вылысь егит пиослы кема улыны ӧз кылды. Вазь быремъёс пӧлын вал мынам пересь ӵужатае но, пересь песятае но. Соос сярысь ӵужанаелэн но пересь ӵужанаелэн, песятаелэн верамъёссыя гинэ тодӥсько. Ул но ул вал на, но эзель малы ке соосыз шедьтэм...

Туннэ шайгуосазы сяська ӧй поны - соос трос сюрс иськемъёсын вордскем музъемзылэсь кӧло. Озьы ке но буре вайиськом, ум вунэтӥське, йыбырттӥськом соослы тупаса улон понна улонзэс жалямтэзылы.

Быдэс нунал йырам берга ни Н.Байтеряковлэн "Йыбыртты, улӥсь" кылбурез. Со туннэ ӵапак интыяз, дыр.

Солдат уг изь ноку,

Сылэ со гурт шорын.

Солдат вӧзтӥ нош ку

Ортчод тон огшоры?

Котьку - ӵукна но ӝыт

Солдат азе дугдод.

Ог минутлы чалмыт,

Малпаськыса сылод.

Сьӧд эзелен узвесь

Шулаз аръёс ӵоже.

Кык сю пиосмуртлэсь

Сюэз быриз оже.

Гуртысь ог сю нылмурт

Сюан дӥськут вуриз,

Буртчин сюан дӥськут

Чик дӥсятэк быриз.

Нош анайёс уйзэс

Вӧсяськизы кӧня?

Ӧз юртты вӧсь. Пизэс

Басьтӥз каргам война.

Туннэ солдат уг изь,

Ваньзэ кылэ, адӟе.

Я йыбыртты, улӥсь,

Тон из солдат азе.

Просмотров: 99

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования