Uralistica

Школаын дышетскыкум ай, лыдӟи Б. Васильевлэсь "В списках не значился" повестьсэ. Бӧрдыса, валтӥсь героез жаляса, вань ортчемзэ син азям пуктӥ кадь (но валамон, мае чидаз войнаез адӟем поколение - соослы гинэ тодмо, мон котькӧня со сярысь мед лыдӟом. Верантэм бадӟым тау соослы со понна!). Соку ик мылкыды бурдъяськиз Брест крепосте вуылыны - сокем сюлмам пыриз произведение. Бӧрысь лыдӟи С.Смирновлэсь "Брестская крепость" книгазэ. Мылкыды эшшо но пуромиз.

Быдӟым ожлэн историысьтыз тодӥськом, ӵапак Брест крепость вылэ тушмон нырысь ик мерскиз шуыса. Войналы дасяськымтэ муртъёс нырысь ӧз но валалэ, малы быдэс дунне котыразы гудыръя. Ожлэн нырысетӥ минутъёсаз ик сюрсъёсын огшоры калык быриз ни: военнойёс гинэ ӧвӧл, пересьёс, кышномуртъёс, нылпиос - ваньзы. Улэпъёс, книгаосын гожтэмъя, вожъяськизы быремъёслы: сокем секыт курадӟонъёсыз чидано луизы.

Вутэк, сиёнтэк, ожтӥрлыктэк крепость толэзьлэсь кема возиськиз. Озьы но ожмаськисьёс ӧз чигналэ, пленэ ӧз мынэ - пумозяз ожмаськизы.

Они боролись, герои Бреста, при всех условиях, в любой обстановке.Поистине их девизом были те слова, которые однажды видел на стене тюремного карцера военнопленный П. Артюхов из Донбасса, сообщивший мне об этом в своем письме. Брошенный после допроса в карцер, он при свете, чуть проникавшем в маленькое подвальное оконце, прочитал на серой бетонной стене бурую надпись, сделанную, видно, кровью: "Врешь, фриц! Нас не сломаешь - мы из Брестской крепости!" (С.С.Смирнов "Брестская крепость")

Али крепость - Брестлэн визитной карточкаез. Отын кузьылиос мында туристъёс, пӧртэм тодосчиос, дышетӥсьёс но дышетскисьёс. Со городлэн котькыӵе сэрегысьтыз адӟиське: 100 метрлэсь ӝужыт шпилез - тодмостӥсь пус интые. Тросэз мынэ учкыны ыбылӥськемез, пуштонъёсыз, танкъёс лёгамез пырпотэм исторической синпелет шоры. Со огшоры синпелет ӧвӧл - со зэмос шыкыс, музей. Отысь сомында тунсыкозэ кунэдлэн, калыкедлэн, гуртоосыдлэн историезъя тодыны луэ!

Одним из первых обратился к теме героической обороны Брестской крепости наш известный художник-баталист П. А. Кривоногов. В 1950 году он поехал в Брест, длительное время жил в крепости, беседовал с очевидцами боев, делал многочисленные этюды и наброски. Год спустя появилась его талантливая и сейчас широко известная картина "Защитники Брестской крепости". Нужно сказать, что на этом полотне, где изображен момент боя у Тереспольских ворот цитадели, тема героической обороны получила яркое и правдивое воплощение. Многие участники боев за крепость, которых впоследствии удалось найти, не раз говорили мне, что они не могут без большого волнения смотреть эту картину и что художник сумел глубоко проникнуть в существо событий и хорошо передать напряженность борьбы и героический дух памятной обороны. (С.С.Смирнов "Брестская крепость")

Пётр Кривоногов - Киясаысь суредась. С. Смирновлэн книгаысьтыз со сярысь лыдӟыса, нош крепостьлэн музейысьтыз ужъёссэ адӟыса, туж шумпотӥ: котькин сярысь сыӵе ӟеч кылъёс гожъямын ӧвӧл.

Крепосте пырытозь ай, кыдёкысен кылӥськод В. Молотовлэсь 1941-тӥ арын 22-тӥ инвожое радио пыр война кутскон сярысь ивортэмзэ, собере туж зол чузъяське набат , со бӧрсьы - "Священная война" кырӟан. Ваньзэ тае кылыса, копак мугор юзыр-кезьыр луэ.

Крепосте пырон - бадӟым кизили ултӥ. Отын но копак куараез волмытӥсь приборъёс пуктылэмын (ми ӵапак набат чузъяськыку пыримы. Мар шӧдӥмы соку - кылъёсын уд вера).

Брест крепость совето солдатлэсь кужымзэ, Родинаез яратэмзэ данъя. Отчы вуыса, паймиськод огшоры адямилэн чидамезлы, тушмонлы пумитъяськемезлы, котькуд метр понна ожмаськемезлы. Крепостетӥ ветлыку, амалтэк малпаськод, пыд улад сюрсъёсын солдатъёс быдтэмын вал шуыса.

"Мужество" синпелет. Кылем арын американ CNN компания сое тужгес шӧтэм синпелетэн лыдъяз. Асьсэды визьмоесь шуод меда? Мед утчасалзы ай сыӵе шедевр кылдытыны! Солэн ӝуждалаез гинэ ог 35 метр!

Туж секыт син шоры пуктыны, макем кӧшкемыт ожъёс мынӥзы ву понна. Малпалэ гинэ: ог 4-5 метр Мухавец шур дурозь, ог 100 метр Буг шурозь, нош отысь ву басьтон понна уно сюрс солдатъёс улонэнызы люкиськизы.

Паллян палаз - "Жажда" синпелет. Интыяське Мухавец шурлэсь (бур палаз) ог  4-5 метрын.

Та крепостез адӟем бере эшшо золгес гажасько кунмылэсь историзэ, йыбырттӥсько Быдӟым Вормонэз матэктэмъёслы. Тодмо ӧвӧл (уз но луы ни) соослэн лыдзы, нимъёссы... Тодмотэмесь ик кылизы историе. Коть семьяосазы, гуртъёсазы соосты мед тодысалзы, мед пуктысалзы соослэн нимъёсынызы синпелетъёс, буре ваён пулъёс... Мед нылпиос но егитъёс тодозы тупаса улонэз дурисьёслэсь нимъёссэс, медаз вунэтэ историзэс... 

Сомында гожтэм потэ на, но кыӵе пайдаез та кылъёсылэн? Сюлэме таӵе мылкыдэз пыӵатыны быгатозы, дыр, ожез пырпотэмъёс (кудъёсызлэн лыдзы арысь арысь ичиёме), анай-атай, ож сярысь книгаос но Брест крепость кадь быдӟым синпелетъёс. Но туала арын, куке дуннеын нош ик бугыръяськонъёс кутскизы, нош ик янгыштэм адямиос быро, тупаса но адями улонлэсь дунзэ валан, Родинадэ яратон мылкыд сыӵе кулэ!

Просмотров: 2119

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Лена Рябина, Июль 29, 2014 в 9:21am

ожмаськыны гинэ мыным уг тырмы на! мон вань киосыным-пыдъёсыным тупаса улон понна!

Плохой мир лучше хорошей войны

(хотя кыче война умой луыны быгатэ меда?!)

Комментарий от: Ortem, Июль 29, 2014 в 9:17am

мон Россиен чош Украиналы пумит уг ожмаськиськы, тон но, мыным потэ

Комментарий от: Лена Рябина, Июль 29, 2014 в 9:12am

ми палась - Россия палась, Россилэсь учконъёссэ ивортэ.

Комментарий от: Ortem, Июль 29, 2014 в 9:09am

"ми палась"? ми со палан овол, со милям ожмы овол.

мар секытэз? трос туконъёс вань ни, та ожлы России юрттэм шуыса. Весь ож тирлыкъёсты но мукет юрттись арбериосты сётъя но.

Украина шоры учкыса, валасько, зуч кылэз отын уг зибыло шуыса, ачим Киевын вал, зуч кыллэсь бадзымгес кужымзэ адзи но шоди.

Украинаын зуч кыллэн югдурез Удмуртиын удмурт кыллэн югдурезлэсь сю поллы зечгес.

Комментарий от: Лена Рябина, Июль 29, 2014 в 7:56am

туж секыт валаны, кин шонер, кин янгыш( иворъя сыче ож мынэ - котькызьы тод, асьме газет-журналъёслы осконо яке палэнысь. туж портэм учконъёс сётэмын, туж портэм сямен югдурез возьмато.

палэнтиськи ни вал та темалэсь, но Брестын пумиськимы Донецк улосысь кышномуртэн. со юнматэ асьмелы вуись иворез: Россие, Украинаысь лобзыса вуэм, снарядъёсыз, кунгожез потыны быгатисьтэм улосчиоссэ, дыраз вуисьтэм, пичи уждунэз но пенсиез... со сяна вераз на, асьме каналъёс ворсамын, соосыз доразы учкыны уг луы шуыса (али со кышномурт вань иворез Белоруссиысен тодэ - но белоруссъёс ми палась ук)

Комментарий от: Ortem, Июль 28, 2014 в 4:43pm

Али Россия 1945-ти арысь вормисьёслы уг укша. Изьвер кадь ассэ возе

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования