Uralistica

Эрзянь ды мокшонь од ломантне арсить вейсэнь тевть

Национальной геройть–истя пшкадсь пуромозь эрзянь ды мокшонь од ломантненень Гайникань Пичай Красноярск ошсто эрзясь. 

           Пётр Гаврилов (Гайникань Пичай) Красноярск ёнксонь эрзясь

Наталья Абросимова, «Сятко» Эстень масторсо эрзянь ды мокшонь вейсэндявксонь прявтось, Покш Игнатбуень тейтересь, сась тиринь ёнкссов  инжекс малавиксэнзэ туртов. Ёроков од тейтересь эрьва самтонзо бажи вастовомс тесэнь содавиксэнзэ марто. Ды ванна таго пурнымизь. А.С. Пушкин лемсэ  ловнома кудонь нупаленть састь журналистт, сермадыцят, тонавтыцят, весе сеть, кинь пии-палы  тиринь келензэ  кисэ оймезэ. Инжетнень вастынзе  сонсь Алексей Иванович Степанов ловнома кудонь прявтось. «Мерема» моронь вейсэндявксось ушодызе вастовоманть мазый моросост. Мейле валонть саизь ветицятне - Екатерина Кирдяшкина мокшавась ды Александр Данильчев эрзясь.

«Вайгель» радиоканалсо паро ёнкстнэде ды стака шкатнеде кортась Светлана Пивкина редакторось.  Сех покш а сатыксэсь - Вайгелесь те шкамс гайги нурька волнань  частотасонть, мезенть коряс кундави ансяк 50 километрань диапазонсонть ды сеяк пек лавшосто.

     С.В. Пивкина "Вайгель" радиоканалонь редактор

Тамара Баргова сёрмадыцясь эсь мелень ёвтамосонть тешкстызе, меельце шкань паро ёнксось тиринь келенть ванстомасо - те интернетэсь. Эрзянь ды мокшонь тематикань коряс вейспурнавкстнэсэ тештевить кулят, ютавтовить эрьва мезде кортамот.

Зинёронь Сантяй-Александр Данильчев  од тонавтыцянть валонзо коряс, пароль бу эрзянь ды мокшонь кельтнень тонавтомсто, явомс эйкакштнень вейсэндявкска-сеть кинь улить те эли тона раскень  ундоксонзо ды рузонь тетянь-аваньсетнень. А ней тонавтовить весе вейсэ, ланга-прява... Тенесэ чумось тонавтыцянь асатомаськак.

    Зинёронь Сантяй (Александр Данльчев) од тонавтыцясь

Калаганонь Керяз-Пётр Рябов «Эрмезь» чувто ланга  керсицянь вейсэндявксонь прявтось, тешкстызе , арась минек ютксо вейсэндямо. Весементь топавтано ськамонь-ськамонь. Теде башка тердимезь малавгалиця оймсема читнестэ Йовлань Оло лемсэ этно кудос, косо поладови артыцянь плэнэрэсь.

Пётр Гаврилов - Гайникань Пичай сась Красноярской крайстэ, ёвтнесь эсест ёнкссо эрзянь келень тонавтомадонть ды вейсэндявкстонть, козонь совить тона ёнксонь эрзятне. Теде башка инжесь покордымизь, мейсь ламо кортатано рузонь кельсэ покшчитнесэ. «Мезе, тиринь келенк а содасынк?»- кежейстэ пшкансь Пичай лелясь.

Истямскак истя, нама кода улемс  тосо, косо улить а чарькодицят...

Тестэ ванодо сонзэ кортамонть: http://www.youtube.com/watch?v=-T4Z-Z8DH0A&feature=youtu.be

Эште вейке инжесь те вастовомасонть ульнесь Сергей Мальцев Пензасто од ломанесь. Сонзэ минь содасынек Пазелка велесэ Покш Эрзянь Чинь  ютавтоманть кувалт. Теде башка тешкставлинь, Сергей   оянзо марто вейсэ печатыть кизэнь панар лангака эрьва-кодат эрзянь ды мокшонь тешкст. Ней неть оршамотне микшневить минек ёнксонтькак. Эсь ёвтнемасонть Пензасто эрзясь содавтымизь весе эсест важодеманть марто.

Эряви тешкстамс, вастовомась ютась псистэ! Арсезель поладомс истямо лусо важодеманть! Нама, те промкссонь васень тевекс улезэ - Тёжа иень площадьсэнть ней гайгиця омбомасторонь моротнень полавтомс эрзянь ды мокшоньсетнес.

Топавтови, арась те мелесь- невтьсы шкась. 

          Вейсэнь фото

Valda 

Просмотров: 549

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Эрзянь Мель, Август 5, 2014 в 7:53pm

Сюкпря!

Комментарий от: Erush Vezhai, Август 4, 2014 в 7:31pm

Вадрясто теезь кулясь!

Пусъёс

© 2017   Created by Ortem.   При поддержке

Эмблемы  |  Сообщить о проблеме  |  Условия использования