Uralistica

26-тӥ коньывуонысен Удмуртия выльысь берытскиз вуж часовой поясэ - выльысь улӥськом, Москвалэсь висъяськыса. Воштӥськонъёс пыртэмын транспортлэн расписанияз, радио- но телепередачаослэн дыразы.

Кӧня ке ар куспын дышиськиз ни вал мукет дырлы: куке ваньмыз шоркаръя чакламын, трос поллы каньыл вал. Ӵукъёсы султонэн но шуг-секытъёс ӧз кылдэ. Кылдӥзы ке но, дыр воштӥськемен соос ӧз быре.

Москвалэсь 1 часлы вазьгес мыномы шуыса, решение кутэмын вал Кун Кенешлэн заседанияз. Собере ини сое вылӥын юнматӥзы. Газет-журналъёсын но радио-телевидениын ивортӥзы, та решение кутэмын вал, пе, калыклэсь малпанзэ лыдэ басьтыса. Юан-веранэ пыриськемъёс пӧлысь 30 процентэз воштонъёслы дурбасьтэм, 30 процентэз пумит луэмзэ верам. Ау, кытын тӥ, юаськонэ пыриськемъёс? Озьы ик мыным валантэм, малы кылзӥзы воштӥськонъёс понна куара сётэмъёсыз, куке соослэн лыдзы пумит верамъёслэн мында ик? Но малы таӵе решение кутон азьын паськытгес юаськон уг ортчыто? Мон, кылсярысь, шаерамы тросэз улӥсьёс сямен ик, дырез воштон сярысь тодӥ решение кутэм бере ни.

Валамон, татын гожъяськемелэсь номыр уз воштӥськы. Озьы ке но йылтэме потэ на, ӵапак таӵе решениос бере кивалтӥсьёсмы шоры мукет сяменгес учкыны кутскисько шуыса.

Просмотров: 130

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования