Uralistica

Кемалась ӧвӧл Ижкарын "Оскон" парикмахерской усьтӥськиз. Нимыз удмурт ке но, кузёез - Татьяна Пономарёва - ӟуч.

- Мон 4 ар ӵоже дышетӥсько ни удмурт кылэз, нимысьтыз курсъёсы ветлӥсько, - вера Татьяна. - Отын ми, кылэз дышетэм сяна, эктӥськом, кырӟаськом, киужен выриськом. Мыным туж кельше! - шуэ ӵышкись.

Татьяна оске: мурт кылэз дышетон адямиез узыргес каре, тодонъёссэ паськытатэ, угось выль кыл пыр валаны кутскиськод мукет культураез. Али Татьяна удмуртэз вала но вераськыны тырше ни.

- Озьы пӧрмиз: мон котьку удмуртъёс пӧлы шедисько, - валэктэ Татьяна. - Азьвыл малпалляй, шаерамы соос ӟучъёслэсь тросгес шуыса. Туж тунсыко потӥз, ма сярысь соос верасько. Котьку паймытъяз капчи кариськемзы, ӟеч мылкыдзы.

Малы Татьяна парикмахерскоезлы "Оскон" ним сётэм? Малы ке шуоно со яратӥз анай кылмес но эшшо солы "оскон" кыллэн валатонъёсыз туж ярало: огвакытэ со "вера" но "надежда" луэ. Озьы ик ӟучъёслы но лыдӟымон: нокыӵе аффрикатаосыз, небыт согласнойёсыз ӧвӧл.

Парикмахерскойлэн нимыз мыным гинэ тунсыко потымтэ: усьтӥськемзы берегес ик доразы вуылэм мойы кышномурт внукеныз но "Оскон" кыл пумысен юаськем. Собере ӝожтӥськем на: внукъёссэ анай кылызлы дышетыны выре ке но, соосызлэн мылзы уг поты, пе.

Просмотров: 180

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования