"Ку эшшо вуоз на?"

Алнаше шуркынмон пумын концертэн нош ик вуылӥзы куинь Светӥос тодмо удмурт кырӟасьёсын. Зал, котьку сямен, тырмиз учкисьёсын. Яратоно артистъёссэс кылзыны но адӟыны калык Алнаш ёросысь гинэ ӧвӧл, палэнысь но вуэм.

Таиз концерт мукетъёсызлэсь висъяськыны кулэ вал Белоруссиысь Александр Шломанлэн выступлениосыныз. Куд-огез ӵапак со понна гинэ клубе вуиллям, угось программа зол уг воштӥськы, артистъёс ӵемысь одӥгъёсыз ик вуыло но куд-огез учкись, кин ялан концертъёсы пота, соослэсь акыльтыны но вуиз ни.

Александр Шломан. Туспуктэм: http://vk.com/club49088261

Люкаськем ни ай калык, возьмам-возьмам Шломанэз, нош со чик но потамтэ! Афишаын ке бадӟым букваосын гожтэмын вал, нимысьтыз белорус куно, пе, лыктоз! Билет вузаку но, клубын ужасьёс гочатӥзы: "Кызьы уд лыктэ, ку эшшо Шломан дорамы вуоз на?" (сое адямиос ӧз тодэ, соин но, дыр, мылкыдзы бурдъяськылӥз). Мар муген лыктымтэ - мыным тодмо ӧвӧл, но зато тодӥсько кӧня ке адямиосыз, кудъёсыз мукет радэ, "афишае Ротаруэз но пуктӥзы ке", концертэ уз лыктэ ни.

Мне нравится

Это нравится одному участнику

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Лена Рябина, Декабрь 15, 2014 в 6:48am: Интернет пыр случайно лыдзем. Мукет улосъёсын уг эшъяськы.

Комментарий от: Ortem, Декабрь 12, 2014 в 6:42pm: Кызьы со Удмуртиен герзаськиз? мукет Россиысь улосъёсын эшъяське-а?

Комментарий от: Лена Рябина, Декабрь 12, 2014 в 1:54pm: Удмуртиын со пока туж тодмо овол на, хотя куд-ог удмурт кизилиос зол пиаритьто. Татысь адзыны луэ афишаез, кытын асьмелэнъёс сое "Белоруссилэн зарни куараез" нимало. Контактысь шедьтыны луэ солэн быдэстэмез улсын "Капи-кап-капи" но коня ке мукет удмурт кырзанъёсыз.

Комментарий от: Ortem, Декабрь 12, 2014 в 1:48pm: wow! маин со тодмо?

Комментарий от: Лена Рябина, Декабрь 12, 2014 в 12:48pm: Вань) Ижкарысь куд-ог бадзым концертъёсы со точно пыриськиз. Тулыс яке гужем В. Пудоваен Удмуртити концертъёсын ветлиз на.
Нош туннэ мон соин интервью лэсьти, бе-бе-бе)))