Uralistica

Алигес радио пыр кылӥ, "Мынам Удмуртие" телерадиокомпания "Вормонлы сӥзисько" конкурс ялэм шуыса. Вожвылъяськоназы возьмало Быдӟым оже пыриськемъёс, со вакытэ вордскемъёс но трос шуг-секытъёсты чидам калык сярысь кырӟанъёс.

Ӵошатсконлэн малпанэз туж яраз: ветеранъёс сярысь 9-тӥ мае гинэ тодэ ваёно ӧвӧл (тужгес но - Вормонлэн юбилейёсыз азьын). Но мыным туж тунсыко, кин пыриськоз та конкурсэ? "Ож нылпиос"?

Туннэ нуналлы ӵапак соосыз сюлмаськытэ та тема, ӵапак соослэн сюлэмъёссы висё кун саклык висъямтэен йырин. Эшшо ӝожтӥсько, нылпиоссы уг валало, кыӵе секыт но сютэм аръёсы соос улӥзы, мае чидано луизы шуыса. Нош учконо ке, кӧня дыр висъяське школаын ӵыжы-выжыостэ (мон малпамъя, ӵапак выжыосыныд тунсыкъяськон бордысь потэ Родинаез гажан но), Быдӟым ожлэсь историзэ дышетонлы, паймонэз ӧвӧл, туала егитъёс но нылпиос Геройёсыз уг тодо, Вормон нуналэз уг дунъяло шуыса. Мае сёто - сое ик басьто.

Мыным школаын дышетӥсьёсын удалтӥз, соин яратӥсько историез. Со сяна, семьяямы ожысь бертымтэ пересь ӵужатайме но пересь песятайме буре ваён йылоллы пӧрмемын ни, шуыны луоз. Пичи дырысен тодӥськом, ку соосты фронтэ нуизы, ку берпуметӥ иворзэс басьтӥзы.

Оскем потэ, "Вормонлы сӥзисько" конкурсэ мӧйыос гинэ уз пыриське шуыса. Мед со усьтысал егитъёслэсь но малпанъёссэс, ожмаськисьёс, ож но тупаса улон, герой луон шоры учконъёссэс (али - огыр-бугыр вакытэ - соос туж пӧртэмесь луыны быгато).  

Просмотров: 255

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Лена Рябина, Декабрь 26, 2014 в 10:34am

гожти колхоз кылдытон сярысь песятаелэсь тодэ ваёнъёссэ

Комментарий от: Ortem, Декабрь 12, 2014 в 1:28pm

Трос украинъёс ожын быриллям. Вань трос туж тодмо украин ожкивалтисьёс, партизанъёс но вылэм, нош солы сокем трос саклык овол бандера движение сэрен, со палэнысь учкисьёслы тунсыкогес потэ.

Со сяна, Украинаын мозмытон движение вал, кудиз СССР-эн но Германиен нюръяськиз. Беларусьын сыче ойгес вал, малы ке шуоно война азьын соослэн асэриклыксы ой вал. Шундыпуксён пал Украина война азьын Совето Огазеяськонлэн люкетэз ой вал, отысь адямиос мыло-кыдо украин асэрико кун понна нюръяськись движение пыриськиллям.

Бандера движение - мозмытон движение. Жаляса верано, Совето Огазеяськон калыкъёслы эрик оз вайы.

Тодиськод, дыр, война бере балтика кунъёсын но Украинаын партизан ож огинъёс вал, кудъёсыз Совето торлыклы пумитъяськиллям. Соос балтика кунъёслэсь асэрико улэмзэс лулзытыны тыршиллям.

Соин ик, туж кушето луиз. Война ортчем бере та кунъёс нош ик зуч кивалтон улэ шедизы - со соослы кулэ ой вал. Соин ик, соос понна та Быдзым Вормон мукетгес - немычъёсты улляменызы, соос выль зависимосте сюризы.

Комментарий от: Лена Рябина, Декабрь 12, 2014 в 12:44pm

Мыным малы ке потэ, соос повод гинэ возьмазы шуыса, нош буре ваёнзы азьвыл но "для галочки" гинэ вал (калыклэн овол, кивалтэтлэн).
Чошатом белорусъёсын, банальной примеръёсын. Украинаын вань "бандераос" валатонзы, белорусъёслэн - овол. Зато белорусъёслэн вал "партизанское движение", "белорусские партизаны" валатонъёссы но соос трос источникъёсын пумисько, нош украин калык борды со валатонъёс уг лякисько. Литератураез лыдзыку но, малпаськиськод, кудзы со калыкъёс полысь коня лэсьтизы Быдзым Вормонэз матэктон понна. Валамон, кин мар гожтэ (асьмеос, тау Инмарлы, со вакытэз ом адзе), но мон чемысь малпасько, украинъёс тушмонъёслы, СССР-лы сярысь, тросгес пайда вайизы шуыса. Соин соос понна Быдзым Вормон, асьмелы но белорусъёслы кадь, дуно уг поты. Конечно, со мынам малпанэ.

Комментарий от: Ortem, Декабрь 12, 2014 в 12:31pm

Украинъёслэн кун мифологиязы Быдзым Ожлэн ожытак мукет интыез. Буре ваё, конешно, нош али та учыр котыр мифология укыр политикаям луиз, зуч империализмен герзаськиз.

Шуом, али Украинаын георги чур - Россиысь агрессилэн символэз.

Комментарий от: Лена Рябина, Декабрь 12, 2014 в 8:48am

Нош Быдзым Вормонэз?

Комментарий от: Ortem, Декабрь 11, 2014 в 10:30am

Украинъёс, шуом, Голодоморзы сярысь тодо но сое буре ваё. Асьмеос ум.

Комментарий от: Лена Рябина, Декабрь 11, 2014 в 6:57am

а у кого принято помнить что-то негативное?

в народноой памяти это всё, безусловно, хранится, но поколение, которое пережило все ужасы ХХ века, уже уходит. так что скоро будем узнавать о тех событиях только из учебников истории, где все процессы преподносятся как очень полезные, эффективные и безболезненные для народа.

а Великая Победа - это событие, которое, несмотря на огромные потери, сплотило людей. это день, когда фронтовики, которых осталось совсем мало, могут встретиться друг с другом у Вечного огня, рассказать свои истории молодым... это всё показывает не слабые стороны, а мощь страны и власти (почему-то чаще всего не солдата, не отдельно взятого человека).

Комментарий от: Pochash Chupin, Декабрь 10, 2014 в 10:49pm

Ещё надо поднимать память людей о коллективизации, раскулачивании и голоде 30-х, почему-то об этом ВООБЩЕ не принято помнить

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования