Uralistica

Стас Антипов Удмурт раськень артыцясь сёрмадсь артовкс "Од эрзянь ава". / Удмуртский художник Стас Антипов написал портрет "Молодая эрзянка".

Эрзянь тейтерь

Эрямось моли, теке чуди лейне,
Пиземеть валыть, палыть маней чить,
Сельмень икелем тон тундонь килейнекс
Мастор лангонтень казят мазычить.  

Тон - эрзянь тейтерь, тетерьксчинь иеват,  
Велева ютат - каят сиянь жойть,
Панарот-руцят стазь-викшнезь котова,
Эрзянь оршамосот тон ванстат эрзянь койть.

Пулайнеть кутмори чова карксамот,
Пря пангот сэрей менельга кандат...
Кинень алтат кирви вечкемань самонть?  
Кинень учонь уцяскакс тееват?

Тон эрзянь тейтерь, луга-паксянь цеця,  
Мазычинь пусмо, маней-валдо мель!
Седеем токны, кода тонь мон нетян,
Истя виевстэ... Ва а сезевель!

Эрюш Вежай.

Просмотров: 590

Эта запись блога закрыта для комментариев

Комментарий от: Ortem, Апрель 6, 2015 в 12:49pm

туж чебер

пек мазый

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования