Uralistica

Тыну Сейленталь: удмурт кыл умойгес югдурын луыны быгатысал

Тарту университетысь доцент Тыну Сейленталь вераз Uralistica понна, мар со малпа туала удмурт культура но удмуртъёс сярысь:

- Мон туж шумпотӥсько удмурт егитъёс понна. 90-ти аръёсы поръёс азьланьын вал, нош али удмуртъёс вылӥе ӝутскизы. Тужгес адскымон нылъёс, кылсярысь, Дарали Лели, Polina Kubista. Тӥляд туж усто фильмъёсты, озьы ик тӥ вотэсын зол азинскиськоды: мон малпамъя, удмурт кылын блогъёс, Россиысь мукет финн-угор кылъёсын ӵошатыса, тужгес трос.

Озьы ке но, ляб интыос но вань. Учкимы ке Удмурт Элькун Кивалтэтлэсь сайтсэ, соку ик синйылтом, отын удмуртэз туж ожыт шуыса. Озьыен, официально удмурт кыллэн югдурез туж умой ӧвӧл, со вылиынгес луыны быгатысал. Ӟуч кылын ивор так но котькытын луэ, удмуртэз но мед луысал. Бадӟымъёсыз но мӧйыосыз удмуртъёс соку удмурт кылын лыдӟиськыны но гожъяськыны дышысалзы, али соос дышемын вань иворез ӟуч кылын тодыны. 

Йылтом на: та нуналъёсы Эстониысь Тарту карын МАФУН-лэн конгрессэз ортче. Отчы пыриськыны мылкыд каризы вань фин-угор кунъёсысь но улосъёсысь 80-лэсь уно финн-угоръёс. Жаляса верано, Пермь улосысь делегация лыктыны ӧз быгаты. 

Просмотров: 208

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования