Uralistica

Каргось ливтясь....\ Журавль взлетел...

Каргось ливтясь….

 

Каргось ливтясь,

Васов сыргась,

Пельтнес пезнась,

Верде рангстась:

- «Кинть ютаса,

Кинть печтяса

Тосо арась,

Шожда вармась,

Тонь лексемась,

Леесь арась,

Виресь арась,

Мартом арась,

Тонь вечкемась»…

 

Каргось ливтясь,

Пельтнес пезнась,

Васов сыргась,

Верде рангстась:

- «Кинть ютаса,

Пес печтяса,

Вейкенть мартом,

Мон а сайса,

Тонь вечкемат,

Тонь лецтнемат,

Тосо арась,

Сиянь росась,

Тосо арась,

Тонь вечкемась,

Кадовить тон,

Кадонь кудом,

Монь Мастором,

Сёксь экшэсь сась,

Кизэсь ютась…

Каргось ливтясь,

Васов сыргась,

Пельтнес пезнась,

Верде рангстась….

***

Эрюш Вежай, 2015 ие.

Просмотров: 114

Эта запись блога закрыта для комментариев

Uralistica News

Загрузка… Загрузка ленты

Пусъёс

Мокшень Валгярькс

Загрузка… Загрузка ленты

Эрзянь мель

Загрузка… Загрузка ленты

© 2021   Created by Ortem.   При поддержке

Эмблемы  |  Сообщить о проблеме  |  Условия использования