Uralistica

Тееви "ЭРЗЯ РАСЬКЕСЬ - ИДИЦЯНСТЭНЗЭ" МЕШТЕ ТЕШКС./ Готовится эрзянский наградной знак.

Яволявтома

    «Руця» эрзянь Лезэпаргось кундась теемензэ «ЭРЗЯ РАСЬКЕСЬ – ИДИЦЯНСТЭНЗЭ» эрзянь казема меште тешксэнть. Юрокс саинек се арсевкс-артовксонть, конань кис максызь мелест-валост 76% эрзятнестэ, конат путнызь эсь мелест ютавтозь мелень кевкстнемасонть.

Сась шка ёвтамс артыцятнень лемест. Те – Санин Александр (Новосибирск) ды Алёшин Паол (Обран-Нижний Новгород) паро-превей ды пек талановт эрзянь цёратне. Артсть питнень-пандомань апак сае-веше. Сюконятано тенст пильгс-модас паро тевест кис. Теке марто те артовксонтень совасть лия артыцятненьгак ды мелень ёвтыцятненьгак мелест-идеяст.

Ней тевесь – ярмаконь пурнамосо. Кинь ули мелезэ-виезэ лездамс тенек те паро тевсэнть, кучодо те тевентень ярмакт. Ярмаконь пурныцякс те тевентень путынек Вирень Инзейнень. Кучнодо тензэ. Сюлмаводо мартонзо, сон ёвты, кода ды ков кучомс. Ярмаконь пурнамодо ды ютавомадо тейдяно панжадо отчёт «Эрзянь вал» куросонть.

5-10 тешксэнь экземпляронь кис сави тенек пандомс 35-40 тёжат целковойть. Тейсынек мазыекс. Кадык весе несызь, мезес машты Эрзя раськенек. Кеман, эрзя раськестэнть муевить ломаненек, конат лездыть те паро тевезэнек.

Вейсэ, эрзят, виевтяно! Эрязо Эрзянь Масторось!

Эрюш Вежай, «Руця» эрзянь Лезэпаргонь тевветиесь.

Просмотров: 203

Эта запись блога закрыта для комментариев

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования