Uralistica

Та пумиськон сярысь гожтэме уг поты вал. Но малы ке со нокызьы йырысьтым уг поты.

Та нуналъёсы поездэн мынӥмы. Одӥг вагонэ армиысь бертӥсь пиосын кемдӥськеммы. Соос трос вал, вазь ӵукна ик, иземзы луытэк, сюлтыр-калтыр вагон кузя ветлӥзы ни. Ми эшеным пуксим гинэ, огез соос пӧлысь дорамы тодматскыны вуиз ни, собере кыкетӥез, куинетӥез, ньылетӥез... Озьы ик быдэс сюресмес вераськыса бертӥм (туж иземмы потэ ке но вал).

Тужгес вераськисез - Бериг (мукетъёсыз сое Борис гинэ нимало вал) - казах, пе. Вордскем но будэм Омскын, песяез Казахстанысь вылэм. Армиын служить каремез сярысь, азьвыл улонзэ но азьланезлы малпанъёссэ мадиз. Одно ик армиын служить кароно, пе, со оломалы но дышетэ. Эшъяськонлэсь зэмос дунзэ отысен гинэ валаз, шуиз. Отысен ик трос уродэныз но пумиськем. Мон ӧй чида дедовщина сярысь юатэк. Вылэм дедовщиназы, пӧртэм учыръёссы. Но тужгес зол воже потӥз, куке со шуиз, огез кивалтӥсьёссы пӧлысь сое ӵемысь жугылэм, со казах шуыса!

Зэмзэ ке, мылкыд кылдӥз, казах пи капитанэзлэсь озьы жугемзэ уродэн уг лыдъя шуыса. Шонергес ке, оправдать карыны выре: 

- Со просто ӟуч луисьтэм калыкъёсыз уг яраты, соин монэ но калмык пиез тышкалляз. Нош Дагестанысь солдатъёслэсь кышка вал, соосты ӧз йӧтылы, - вераз Бериг.

- Просто уг яраты?! - пуштӥсько ни вал, воже потыса, - озьыен, тон янгыш, ӟуч ӧвӧл шуыса?! Кыӵе националист!

- Националист ӧвӧл. Просто ӟучъёсыз гинэ гажа.

Ну, капитан! Со ачиз аслыз право сётэм, лэся, мукет калыкъёсыз ултӥяны но ӟучъёсыз тужгес умоен лыдъяны! Инмар ассэ кожа-а мар-а?! Кин сое татчыозь армиын возе на но малы званиоссэ уг кушто?! Нокызьы уг буйгаськы.  

P.S.: Бериг огпол гинэ Казахстанын вылэм, казах кылэз уг тоды. Пичи дырысеныз ӟучъёс пӧлын. Мукет калыкъёсыз адӟемпотостэм каронэн армиын пумиськем нырысетӥзэ. 

Просмотров: 117

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования