Uralistica

Эрзянь келесь тенек ванстови. / Мы сможем сохранить Эрзя язык. (Эрзянь кельсэ.\На Эрзя языке.)

Эрзянь келесь тенек ванстови.

Кода? Истя.

 

Эрзя, вечкевикс эрзянь ломань!

 

Эрзянь ломанень марто кортак ансяк ЭРЗЯНЬ кельсэ.

Эрзятненень сёрмалек ансяк ЭРЗЯНЬ кельсэ.

Покштят-сыряват марто кортак ансяк ЭРЗЯНЬ кельсэ.

Ознок ансяк ЭРЗЯНЬ кельсэ.

Инешкипазнэнь пшкалек ансяк ЭРЗЯНЬ кельсэ.

Тетят-ават марто кортак ансяк ЭРЗЯНЬ кельсэ.

Полат-нить марто кортак ансяк ЭРЗЯНЬ кельсэ.

Эйкакшот марто кортак ансяк ЭРЗЯНЬ кельсэ.

Нуцькат марто кортак ансяк ЭРЗЯНЬ кельсэ.

Эрьва чистэ кортак  ЭРЗЯНЬ кельсэ, косо аволить эря.

Эрьва чистэ ловнок  ЭРЗЯНЬ кельсэ.

Ловнок кинигат ЭРЗЯНЬ кельсэ.

Ловнок ковкст(журналт), кулялопат ЭРЗЯНЬ кельсэ.

Рамсек ЭРЗЯНЬ валкст.

Ярмакот ловт ЭРЗЯНЬ кельсэ.

Интернетсэ кортнек-сёрмалек эрзя ютксо ЭРЗЯНЬ кельсэ.

Кунсолок морот ЭРЗЯНЬ кельсэ.

Морак морот ЭРЗЯНЬ кельсэ.

АНСЯК шабра раськень ломанень марто кортак шабра раськень кельсэ.

Сестэ а ёми ЭРЗЯНЬ келенек!

Эрзянь келесь парсте лади-маштови кортамс эрьва мезде, эрьва ки марто.

Эрзянь кельсэ шождасто-вадрясто ёвтавить содамочинь, пертьпельксэнь, эрямонь, ломанень ёжонь ды лия мезень чарькстнэ-мельтне, ломанень чачомась, касомась, вечкемась, эрямось, сыредемась ды куломась.

Минек покштятне макссть тенек сырнень ине питне – ЭРЗЯНЬ КЕЛЕНТЬ.

Зярс эри эрзянь келесь – знярс карми эрямо ЭРЗЯ раськесь.

 

Эрюш Вежай

Просмотров: 188

Эта запись блога закрыта для комментариев

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования