Uralistica

АЗОР. Тееви васенце эриванмось эрзянь кельсэ. \ АЗОР. Создаётся первый фильм на языке Эрзя народа.

АЗОР» КАРМИ ЭРЯМО!

Сюконятано лездыцятненень!

********

2016 иень телестэнть ушодынек тееме-снимамо эрзянь кельсэ васенце фильма – «Азор». Тевесь сыргась. Васняяк эзинек чарькоде, кодамо канст путынек эсенек лангс. Ютко шкасто,чокшнеть-веть, оймсемачить-мезть пурнынек пелькскень-пелькс весенть, мезе эряви: камерат, ломанть, оршамот, пельть… Ламосо тевесь ашти кавто ломанень мелест, потсо палыця толост эйстэ. Те Бакич Видяй (Виктор Чичайкин) морыцясь (режиссер, снимиця, ванномань витниця-петниця, моронь сёрмадыця) ды мон, Учеваткин Александр (сценариень сёрмадыця, важодемань аравтыця).

Тельня яволявтынек, вешинек ярмаконь лезкс весень пельде, кинень вечкеви минек тевенек. Видьстэ меремс, аволь ламот маризь яволявтоманок, ансяк те максозь ярмактнеяк пек покш тев тейсть. Кармавтозельть реквизит-мезть, рамазельть-теевтезельть оршамопельть ды седе тов. Течи ули меленек ёвтамс лездыцятнень лемест, сюконямс модас:

Кафтаев Денис (Воронеж) – 1500р.;

Таганов Дмитрий (Бугуруслан) – 1000р.;

Богданова (Сусорева) Ольга, Богданов Константин (Тольятти) – 2000р.;

Данильчев Александр (Сурвеле-Саран ош) – 1000р.;

Гайнинькань Пичай (Красноярск) –5000р.

Неть ломантнень лездамост коряс тевесь сыргась седе тов. Кизна поладынек снимамо «Азоронть».

Меленек коряс арсетяно нолдамс алкуксонь, мельспаро, неень шкань кувака фильма (полнометражка), конань ули аволь визькс невтемс кинотеатрасояк. Мелень топавтомас потмовийде башка, кода ёвтынек, савкшны путомс ламо ярмактнедеяк. Секскак, тагояк вештяно лезэ весень пельде, кемтяно, паро тевс.

Учеваткин Александр

Просмотров: 155

Эта запись блога закрыта для комментариев

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования