Uralistica

Сегедысь мадяръёс удмуртъёсын тодматскизы

Туала улонын дуннеез адӟыны трос луонлык вань. Одӥгзэ соос пӧлысь милемлы ас выламы эскерыны удалтӥз. Озьы ми, УдГУ-ысь куинь магистрантъёс, Мадяр шаерысь Сегед нимо каре, стажировкае, вуимы.

Сегед — Мадяр шаерлэн лымшор палаз интыяське. Татысен ини туж матын Сербиен но Румыниен кунгож. Оло соин но та пичи карын (162 сюрс улӥсез) пӧртэм калыкъёс артэ уло. Мадяръёсты асьме лулчеберетэнымы тодматыны кемалась вал ни мылкыдмы. Удмурт ужрад ортчытон понна муг кема утчано ӧм луэ: 4 шуркынмонэ, Шаермылэн нуналэзлы но куншетэзлы сӥзьыса, Сегедысь Эшъяськон юртын программа радъям.

Паймымон ӧвӧл ни, тросэзлэн ӝытамы вуэмъёслэн удмуртъёс сярысь афишаысьтымы гинэ кылэмзы-адӟемзы вал. Ми югдурлэсь таӵе луэмзэ валаса (2 толэзь куспын дышим ни), нырысь ик соос понна презентация дасям.

15 минут куспын шаермы сярысь тужгес но тунсыкозэ но нырысь луисьсэ вераны тыршим, туспуктэмъёсты адӟытӥм. Табере «пельнянь», «италмас» кылъёсты тодозы возёзы ни, дыр, Горд фестивалямы но, оло, куке вуэмзы потоз яке Лудорвай-ын кунояськемзы.

Презентация бере трос юанъёс сётылӥзы, шӧдске вал, соос понна ми космосысь вуэмъёс кадь потӥськом шуыса. Кылсярысь, «Вань-а Удмуртиын асьтэ коньдонды?» яке «Яратӥськоды-а Путинэз?»

Тодон-валан сётӥсь люкет бере, кутскиз культурноез. Нырысь ик ми кырӟанъёсын пумитам люкаськем калыкез. Та ужын университетын удмурт кылэз дышетӥсь мадяр студентъёс юрттӥзы. Соос «Кинъёс лыктӥллям» калык кырӟанэз быдэстӥзы. Собере ваньмы ӵош дышетӥм «Лымы тӧдьы» кырӟанэз. Бӧрысь шудонъёсын, эктонъёсын-тыпыртонъёсын азьланьтӥм программамез. Ӝыт пумын турын-куар чаен, зыретэн табанен но пӧсятэмен выль эшъёсмес утялтӥм.
Адямиослы ужрадмы кельшиз вераны луэ. Кык час интые ньыль час кыстӥськиз удмурт ӝытмы. Калык дораз бертыны ӧз дырты, милемыз но лэземез ӧз пот. Одӥг нуналлы ӵыжы-выжыосмы Удмурт шаерамы вуылэм луизы, кадь.

Табере дунне вылын удмуртъёс сярысь но лулчебертмы сярысь тодӥсьёслэн лыдзы будӥз. Оло кинлэн ке удмурт кылъя гужем курсъёсы вуыны но мылкыдыз ӝутскиз?!

Просмотров: 60

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2017   Created by Ortem.   При поддержке

Эмблемы  |  Сообщить о проблеме  |  Условия использования