Uralistica

Маньчжуриянть лецтнемга…

Удыть панднэ, вельтявсть кельме сувсо,
Варштась пеленть экшстэ пешксе ковось -
Калмот масторлангсонть..

Ашолдыть крёстт, алост маралят удыть,
Ушмантнэнь ойметне чарыть велькссэст,
Кудов а велявтыть.

Удыть панднэ, сувонть варматне солавтсть,
Маньчжуриясо эрзянь цёратнень чавсть,
Нист-поласт кисэст авардсть.

Валы сельведть тиринь авась,
Полась черть разди-сезни,
Ризны-ранги эрьва кудось,
Инязоронть ды уцясканть сюды.

Мадсь толпандясь, меельце тонолнэсь лепамсь,
Эрзянь масторов вишка пельне ливтясь,
Ушманонь ойметнень кандсь…
- - -
Эрюш Вежай, 2019 ие.

Просмотров: 64

Эта запись блога закрыта для комментариев

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования