Uralistica

Кочкур ёнксонь «Сурвеле» эрзянь командась лиссь колмоцекс мини-футболонь пелькстамосонть, кона алтазель эсь масторонь Изнямонь чинтень. Налксематнень ютавтсь Мордовия Республикань мини-футболонь вейсэндямось-ассоциациясь. Пелькстамось ютась Олег Маскаевень лемсэ спортонь кудосо. «Сурвелень» цёратне ульнесть васенцеде истямо покшчисэнть. Сынь налксесть Саран ошонь «Оксис», «FOXteam», «ВАТТ» ды «Интерьер С» командатнень каршо. Налксематне ютасть вейке кругсо. Эрьва налксемасонть 2 таймат. Эрьвась эйстэст моли 10 минутат. Изнякс ловови се командась, кона пурны сехте ламо баллт.
Эсь налксеманзо «Сурвелень» од ломантне ютавтызь истя: 1:1 налксесть «Оксис» ды «FOXteam» командатнень марто, 2:1 изнизь «Интерьер С» команданть, ды ансяк нолдызь икелев пелькстамонь изницятнень – «ВАТТонть» (4:2). Весемезэ минсенек налксицятне пурнасть 5 баллт. Сынь лездасть саемс 3-це тарканть. «Течинь изнямось – те покш тев, секс мекс минь васенцеде налсетяно истямо пелькстамосо», - кортыть «Сурвелень» капитанось Радаев Сантяй (№10) ды вице-капитанось Зинёронь Сантяй (№1). – «Минь налксинек апак пеле. Свал молинек икелев. Видьстэ меремс, изнямодонть эзинек арсеяк. Сехте прявт путовксось икеленек – вадрясто налксемс те пелькстамосонть ды невтемс эрзянь алкуксонь виенть. Тынк сайтонть пачк весе финнэнь-угрань цёратненень арсетяно ламо вийть, паро мельть-арсемат, лембе чить ды од изнямот. Ялгат, яводо спортонтень шка, ды, кемеде, весе тынк лиси!». Вана истя налксить эрзянь цёратне. Сынст туртов колмоце таркаськак ловови покштояк покш изнямокс.
Вана истя прядовсь пелькстамось:
1. «ВАТТ» - 12 баллт
2. «Интерьер С» - 6 баллт
3. «Сурвеле» - 5 баллт
4-5. «Оксис» - 2 баллт
4-5. «FOXteam» - 2 баллт
Даволковонь 25-це чистэ (шлямочи) Саран ошонь мини-футболонь пелькстамосо меельце турсонть 5-це тарканть кисэ вастовить «Сурвеле» ды «СВРЗ» (Саран) командатне. Налксемась юты Спортонь Кудосо. Ушодксось 17:00 чассто.

«Сурвеле» команданть налксицянзо:
№1 Данильчев Александр
№2 Четайкин Михаил
№3 Сафронов Владимир
№4 Зенкин Сергей
№5 Горин Артём
№6 Денисов Станислав
№7 Фатькин Андрей
№8 Клочков Максим
№9 Любишкин Денис
№10 Радаев Александр
№ 11 Шенгаров Дмитрий
№13 Учайкин Евгений
№14 Дадаев Дмитрий
№22 Попов Вячеслав
№16 Куликов Алексей

                                                                                                                                           Зинёронь Сантяй

Просмотров: 615

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Erush Vezhai, Февраль 24, 2012 в 9:28pm

Паро тев марто, эрзянь цёрат! Од изнявкст тенк!

 

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования