Uralistica

Мордовиясо поладовсь эрзянь ды мокшонь раськетнень VI-це инекужонть важодемазо

Малав 350 делегатт-эрзят ды мокшот минек масторонь эрьва ёндо ды масторонь томбальдеяк  примасть участия эрзянь ды мокшонь раськетнень VI-це Инекужосонть.

Эрзянь ды мокшонь раськетнень  VI-це Инекужонь пленарной заседаниянть пингстэ 

Кода тешкстась эрзянь ды мокшонь раськетнень VI-це Инекужонь пленарной заседаниянть пингстэ Тултаев П.Н.  РФ-нь  финнэнь-угрань ассоциациянь прявтось, миненек ули мезен кисэ улемс каштанчисэ: молить тевтне спортонь коряс, книгат нолдавить ды седе тов. Нама, а мезе сёпомс, келень ванстомань коряс тевтне икелев эсть шашта, аштить таркасост.

Койсэнь, тень кувалт а эяви киньгак чумондомс, тувталось  ашти эсенек эйсэ.  Виде, прявтнэнень  эряви  максомс лезкс, теемс условият масторсонть вишка раськетнень икелев молемаст туртов. Седее тов теемка весементь эстенек. А видеть валон?

Велявтано минек течинь прявт темантень - эрзянь ды мокшонь раськетнень VI-це Инекужонтень. Тиринь кельсэ кортамс ды бажамс тенень – истят кортамотне молить инекужосто инекужос.

Тиринь кельтнень тонавтомань коряс кевкстематне псистэ кортавсть ютазь инекужонть пингстэяк, нама,  ламо мезесь кадовсь таркасонзо.

Эрзянь ды мокшонь раськетнень VI-це Инекужонть пингстэ  келень коряс кевтематнеде кортамось поладовсь  «Язык и этнокультурное образование  в условиях урбанизации и глобализации» секциясонть. «Этнополитика и право» секцияс совицятне ламо кортасть  «мордва» этноменть коряс.

«Демография и духовно-нравственное, физическое здоровье народа» секциянтень пуромкшность лецямо кудосо важодицят. «Проблемы национальной культуры и СМИ» секциянтень пуромозетне арсесть, кода кепедемс раськень келнесэ газетатнень, журналтнэнь, радионть ды телевидениянть питнейчист, вастневсть Сыре Теризморгань раськень культурань центрасонть. «Взаимодействие национальных общественных организаций с властными структурами в реализации Стратегии государственной национальной политики РФ» секциянтень совицятне ютавтызь эсест вастовоманть Отяжбуень  раськень культурань центрасонть.

Сушкова Ю.Н.  Огарёв лемсэ университетэнь юридической факультетэнь прявтось

Арсян, весе секциянь лемтнень  коряс чарькодеви, мезнень алтазелть делегатнэнь докладост. Кортавсть ды  ламось стувтовсть… Истя сеедьстэ эрси минек эрямосонть. Велявтан седе вере арсемазон-ламось ашти эсенек эйстэ. Ванна ней, кармасть редявомо од ломанть конат интернет вельде, ёвтыть эсь мелест, пурныть вастовомат, бажить кортамс, ловномс, кунсоломс морот тиринь кельсэ. Койсэнь теяк а таркасо аштема, те-икелев молема…

Истя 20 иень перть эриця Эрзянь келень ванстома фондоськак невтизе эсь прянзо Инекужонть пингстэ, ёвтызе эсензэ валонзо. Григорий Мусалёв эрзянь Инязорось лиснесь "Спасите народ эрзя!" сёрмадовксонть марто пикетс.

Эрзянь ды мокшонь раськетнень VI-це Инекужонть юрсо кувать ютавтовиця витнематнеде мейле  панжовь С.Д Эьзя лемсэ изобразительной искусствань музеесь. Елена Миловзорова РФ-нь культурань коряс министранть полавтыцязо примась участия те кенярксов тевсэнть.

С. Д. Эрьзя лемсэ музеень витнематнеде мейле одс панжовомась

Эрзянь ды мокшонь раськетнень VI-це инекужонь меельце пленарной заседаниясонть уьнесть кочказь эрзянь ды мокшонь раськень регионютконь вейсэндявксонь од прявтт.

Вейсэндявксонть председателекс кочкавсь Мишанин Ю.А. Огарёв лемсэ госуниверситетэнь кельсодыень кафедрань деканось, финнэнь-угрань раськетнень культурань Равкужонь центранть явтось.

Лузгин А.С. профессоронть, исторической наукань докторонть инекужонь делегатнэ кочкизь исполкомонь председателекс.

Эрзянь ды мокшонь вейсэндявксонь  регионютконь  председателекс кочкавсь Мишанин Ю.А. 

Минек, Мордовиясонть кода а кода моли тиринь кельненень тонавтомась, гайгить тиринь кельэ моротне, марявить эрзянь ды мокшонь кельсэ кортамотне. Инекужонть пингстэ вастневинь инжетне марто. Ламот тиринь келест кармасть стувтнеме, эйкакшост, тунь а кортыть тиринь кельсэ. Сестэ мезе чумондомс кирдивиенть ды эштё киньгак… Стявтсынек чевте тарканок ды икелев, эсенек содамочитнень сюпалгавтомо ды тонавтомо тиринь  келентень минек эйкакшонок. Кие-бути превей ломантнеде мерсь - «Тиринь кельде виздемась ды сонзэ а содамось - культурань арасьчи…»  Монь койсэ пек видеть валтнэ!

Valda 

Просмотров: 480

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Erush Vezhai, Декабрь 8, 2014 в 8:57pm

Сон аволь эрзянь ды мокшонь. Сон "мордвань". Родионова Надежда тосо ульнесь. Сёрмады: васенце чинть перть 257-сть ульнесь ёвтазь "мордва" валось. Эрзя раськелемесь - вестькак!

Комментарий от: Boljaenj Syresj, Октябрь 26, 2014 в 8:31am

Сюкпря, кулянть кисэ. Мон те кулянть лемезэ полавтовлия! "

Мордовиясо поладовсь мордвань VI-це инекужонть важодемазо." Секеть, секе шкастонть, секе таркасонть пурнавсть содавикст эрзя раськень калмицятне. /Спасибо за новость, только вот название я бы поменял. "В МОрдовии продолжается работа съезда мордвы. Там же и те же... Собрались могильщики эрзянского народа.

Пусъёс

© 2017   Created by Ortem.   При поддержке

Эмблемы  |  Сообщить о проблеме  |  Условия использования