Uralistica

Шиофокын  финугор калыкъёслэн 6-тӥ дунневыл конгрессы ортчиз. Мон чаклась (наблюдатель) статусын та ужрадэ пыриськи.

Мынам малпамея, оглом, конгресслэн шор малпанэз туж ӟеч но шонер мар ке, нош солэн быдэстоназ кӧня ке шекъёсыз вань.

Туж умой но пайдаё, та ужрадэ... пӧртэм кунъёсысь фин-угор калыкъёс люкасько шуыса, ӵошен ужало, куронъёсын но ӵектонъёсын ужкагазъёсты дасяло но юнмато.

Та Конгресс пыр фин-угор калыкъёс асваланзэс но дунне шоры учкемзэс возьмато. 

 

6-тӥ конгресслэсь таӵе лябыт палъёссэ пусйысал:

1 – конгрессэ тросэзлэн  пыриськисьёслэн ужаны мылкыдзы чик ӧй вал, ужкагъёс бордын ужан интые соос мыло-кыдогес шулдыръяськон но культура ужрадъёсы пыриськылӥзы.

2 – дасям резолюцилэн укыр огъя но абстракто сямыз: азьло конгрессъёслэн резолюциоссылэн но сыӵе ик пуктэтъёссы но ӵектонъёссы вал – дыр ортче, улон бызе, финугор калыкъёслэн югдурзы воштӥське, нош куронъёсмы – уг воштӥсько, малы ке шуоно, соос шуген быдэсъясько.

3 – конгресслэн огъя резолюциезлэн текстаз кун ёзэтъёслы нокыӵе люкет висъямын ӧй вал, калыкъёслы но мер огазеяськонъёслы гинэ ӵектонъёс пыртэмын вал. Кун ёзэтъёслы но кун кивалтӥсьёслы вань финугор калыкъёслэсь вазёнзэс лэсьтысалмы ке, конгресслэн пайдаез тросгес луысал. Калыкъёсмылы но мер активистъёслы конгресстэк но вазиськеммы луэ.

4 – Оглом конгрессын ӧжыт дыр вал ужаны шуыса, резолюцилэсь текстсэ но секциослэсь ӵектон текстъёссэс дасян понна ичи дыр висъямын вал.

5 – секциосын тросэзлэн мадёнзы (доклад) рапорт (лэсьтэм уж сярысь отчёт) выллемгес вал.

Тэкшеронъёс секциосын ичи вал,кызьы проблемаосты сэрттоно-пертчоно, кыӵе амалъёсын но мукет со выллем юанъёсын  огазе вырон интые мадисьёс докладъёссэc ас понназы кадьгес лыдзизы. 

Просмотров: 171

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования