Uralistica

Народъётконь авань шить мархта тинь, мазы стирьхть и ават!

Кафксоце мартсь – Марнек масторонь народъётконь авань ши

 Тячи, кафксоце мартста, койть коряс  мяль шарфнефи аватнень сатфксснон лангс политикаса, экономикаса, наукаса, и лия эрь кодама видеса. Но дъряй тянь квалма минь арьсетяма, мъзярда кочксетяма казнет, и канттама панчфт эсь тядяньконди, сазороньконди, поланьконди.  Аф. Мялезонк васендакиге сашендыхть синь лямбе мъзолфкасна, мазышисна, ваймонь козяшисна и кельгомасна. 

 Авань илать мархта тинь, стирьхть и ават!!! Панжеда фалу мазы панчфкакс. Тяда макссе пря эряфонь сталмотненди и пичефксненди. Уледа шумбрат тинць, иднянтте и мала ломанентте. Максоза Шкайсь паваз и уликсши кудозонтт   и пирьфозонтт. 

 

 

Тядязенди

Вай, простямак монь, простямак монь, тядяй,

Мъзяра киза инксон тон ризнат.

Героень лемсь тейть, сяда ков аш ладяль,

И ацалень мон панчфонь тейть кинят.

Вай, простямак монь, сянкса, мес пяк ламоксть

Мон эсот ашень кулхцонкшне, тя ульсь.

Тя сембось седизт, кода салмокс пезондсь,

И шамасот сърмафксне васта мусть.

Мъзяра пара тевда, тядяй, тиеть.

Мъзяра нинге эряфсот тият.

Мон азыне эсь стихсон, тядяй, видеть,

Тонь лацот масторлангса аш лият.

Ирина Пятина

 

 

Просмотров: 340

Комментарий

Вы должны быть участником Uralistica, чтобы добавлять комментарии!

Вступить в Uralistica

© 2018   Created by Ortem.   При поддержке

Эмблемы  |  Сообщить о проблеме  |  Условия использования