Uralistica

Вуыли: туэ гужем 12 нуналлы Европае, Венгрие но Австрие. Вакчияк мачкеме потэ, мар паймыти:з монэ. Сокем ик о:з паймыты, вылды, макем саклык висъяме потэ куд-ог адз:ем интыослы.
Нырысь ик Вена. Вуим отчы 4 по:сьтолэзе. Мырдэм кар пыр ортчыны луэ - гей-парад ортчыти:ське вылэм со нуналэ Австрилэн шорсюлмаз (умой валасько ке, та нуналэ трос каръёсын ортчем та ужрад). Силезы лачак кылиз – Европаез сыч:е кырсен адз:ем о:й на вал! Умой, дыр, та ужрад, но, зэмзэ вераса, мыным о:з кельшы – нюжтэм, та адямиослы пумит но мон о:во:л ке но, выремзы калык азьын нюжтэм ик.
Кытчы вуылэме потэ вал Венаын тужгес но – Хундертвассер суредасен дасям юртъёс доры. Та юртъёс выжыкылысь поттэм дворечъёс кадь, ява! Синмез шумпотыти:сь яркыт но турлы буёлъёсын чебермамын, вож куакъёс, писпуос сого ни сое.
Ачиз нош кылдыти:сез, суредась (зэмос нимыз Фридрих Стовассер) туж аспо:ртэмлыко мурт вылэм, уга!
Венаын вордскыса, со о:жытак воштэ нимзэ но нимтулзэ – Фриденсрайх Хундертвассер нима ассэ. Нимзэ, кин тодэ немеч кылын, берыктыны луэ – тупаса улонэн узыр.
Зэмзэ но, котьку но инкуазьлы пумит луисез та воргоронлэсь вожзэ поттыли:з – атом кужымез уже кутон, огкадь юртъёсын улон…
Та суредасьлэн малпамезъя, ваньмызлэсь но умой улон инты-корка – со турынэн будэм кар, по:шурлэн карез кадь данак синъёсын-укноосын. Аркитектур но инкуазь ваче тупаса улон – со оди:гез валти:сь малпанэз та суредасьлэн.
Юрт, куди:з доры мыным кылди:з вуылыны, по:ртэм буёло. Ули:сьёс асьсэос но пыриськыны быгато юртсэс чеберманэ – укноысен, пе, кытчыозь киыд сузе, отчыозь, пе, кысти:ське но буя, ко:тыд тырытозь, кызьы мылыд потэ!

Тамаша, ачиз но Хундертвассер пало-пало, по:ртэм буёло носки нуллылэм. Солэсь, пе, юало вылэм: «Малы пало-пало носкиен ветли:ськод?». Нош со вазьылэ вылэм юасьёслы: «Нош малы Ти: огкадьзэ?» Озьы со котькытын огкадь луэмлэсь пегз:ыны тырше.
Кулэм бераз нош, 2000 арын, солэн куремезъя, сое вато Выль Зеландиын «Шудо кулэмъёслэн садысьтызы».аслаз музъем люкетаз.
Хундертвассерлэн куремезъя ик со 60 сантиметр мурдалаын гинэ согемын, шо:ез нош ватон шобретэн гинэ бинямын, номыр коростэк. Шай вылаз нош писпу мерттэмын – озьы, пе, та суредасьлэн улонэз писпуын азьланьти:ське.
Ти:ни сыч:е аспо:ртэмлыко мурт вылэм – Фриденсрайх Хундертвассер.

Улоно вылэм сыч:е коркан…

Просмотров: 194

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Fejes László, Июль 22, 2009 в 9:36pm
"Нимзэ, кин тодэ немеч кылын, берыктыны луэ – тупаса улонэн узыр."

Бен, Фридэнрейх сое вожматэ, нош Хундэртвассэр: сю ву. :)
Комментарий от: KAZAKofSKY, Июль 22, 2009 в 12:01pm
Туж умой тамында удмурт сямен гожъяськемед шуыса, зыгары ик оз тырмы пумозяз лыдзыны )

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования