Uralistica

Кулэ луись компонентъёс (3 порцилы):

- 2 кырым пекин кубиста
- 3-4 бадӟым пуньы ӟеч, нап соя соус
- 3 кинза чепыльтэт
- 1 курег гадь 
- пӧлы быдӟа имбир
- 3 пинь кумызь 
- 1 курыт горд пӧсьтурын пуртэс
- пу китай губи яке шиитаке губи яке шампиньон губи, ожогуби но яралоз

Нырысь ик курег лым дасяно. 40 минут пала (быдӟалаезъя учконо). Пӧзем курегез лымысь поттоно но ӧжытак сӥятоно. Сӥямез бере, сӥльзэ кузялэс юдэсъёслы люкылоно.

Со дыре ик лыме соя соус, ньыльлы люкем кумызь пинез, котырес юдэм курыт горд пӧсьтурынэз но имбир ватсано. 
Кубистаез 1 сантиметр пасьта кузялэс юдэсъёслы вандылоно.

Лым пӧзьыку, нимаз кастрюльын вить минут ӵоже китай пу губи пӧзьтоно. Китай губиды ӧвӧл ке, шампинён яке ожогуби но яралоз. Тӧдьыгуби но шыргуби уг тупа. Губи пӧзем бере, сое сюбег, 3-4 миллиметръем юдэсъёслы вандылоно но лыме пононо.

Дась лыме курег сӥль, азиысь нугыли, порей сугон но пекин кубиста ватсано. Вить минут пӧзьтоно.

Дась шыдэз тэркыосы тыре. Котькуд тэркые 1 чепыльтэт сугон но кинза ватсалэ.

Ческыт мед кошкоз!

Просмотров: 219

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Niimshur, Июнь 28, 2014 в 9:10pm

Азей шыд. (азейёс - озь шуиське вал)

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования