Uralistica

Неень шкань эрзянь од морось. Бакич Видяй

Мельсэнь кирдян, кода школасо тонавтнемстэ васенцеде кедезэнь понгсь Бакич Видяень кассетась. Кодамо покш кеняркс ульнесь марямс тиринь келенть од ломанень моросо!!! Те а ёвтавикс талнома… Сестэяк минек велень ломантне кармасть мереме Бакич Видяйнень эрзянь «Руки вверх». Алкукскак, сон васенце ломань, конась панжизе-ушодызе поп-эстрадань кинть. Икелев истямо мезеяк арасель. А тесэ?! Кодамо мельспаро.
Ламо ведть чудсть се шкастонть, ламо эрзянь од ломанень морот нолдась минек тештесь мастор лангс. Нолдазельть зярыя альбомт:
 «Тон туить» (2001), «Минек вечкемась» (2002), «Од ие» (2004), «Весе вейсэ» (2005), «Тейтерькат» (2007), «Тундонь чокшнесь» (2009). Весемезэ нолдазь 180 морот. Теде башка, лиснесь MP3 диск, козонь совавтозельть 2001-2007 иетнестэ сёрмадозь 77 моротне.

  Иезэнзэ весть-кавсть ардтни Витя Чичайкин (истямо сонзэалкуксонь лемезэ) эрзянь велетнева концерт марто. Эрявимеремс, Мордовиясо морыцятнестэ Бакич Видяй истятнеде, кинь ломантне алкукскак вечксызь ды учить сонзэ моротнень, концертнэнь. Вана 2010 иень ацамговсто (декабрясто) сон тешкстась творчествань покш чинть: 10 иеть сцена лангсо!!! Саранскоень драмтеатрантень пурнавкшность малав 300 сыренек-однэк. Эряви меремс, ютась пек вадрясто. Весе стякшность таркастост ды кишстсть! Кувать эзть нолда сцена лангсто, яла вешсть морамо седе тов, седе тов.

Миненек, кунсолыцятнененья, свал маряви тештнень эрямось шождакс ды валанякс, минь нейтяно ансяк важодевксэнть мазый ёнксонть. А кода алкукс тевтне эрзянь морыцянть? Кевкстяно эсензэ кедьстэ.
Шумбрат, Видяй! Ёвтнек миненек, кода ушодовсь тонть творчествань кить? 


Шумбра чи, вечкевикс кунсолыцят! Васенце мором ульнесь рузонь кельсэ лемезэ «Сказочная ночь». 1999 иестэ вастовинь Йовлань Оло (Владимир Ромашкин) марто. Сон корты тень: « Вадрясто рузонь кельсэ эрзянь цёра морат, ансяк эрзянь кельсэ седеяк паро улевель. Теить эсь моротнень эрзянь кельсэ, а мон лездан те касетанть чаравтомс (раскрутить)». 2001 иестэ лись «Тон туить» васенце альбомось, козонь совакшность 14 морот. Мелем ульнесь совавтомс 15, ансяк Йовлань Оло вейке моронть эзь мерть путомс пусмонтень, паряк мелезэнзэ эзь тук. «Тон туить» альбомось микшезь ульнесь бойкасто. Се шкане истят неень шкань, современной морот арасельть. Кшуманцянь Пиргужонь валонзо коряс ансяк Игнатбуесэ миезельть малав 500 кассетат. 2002 омбоце альбомонть савсь теемс скамон: В. Ромашкин пек сэредсь. Неть иетнестэ вастовинь Александр Торбин марто ды вейсэ карминек важодеме-кепедеме эрзянь культуранть. Ламо ардтнинек лия областнева. Мон эзинь арсеяк: тосо содасызь монь моротнень. Пек покш мельспаро ульнесь, зярдо концертнэстэ морась малава весэ залось! 
Ульнинек Самара ёнкссонь Исаклинской райононь Клявлинасо, Шанталинской райононь Подбельскойсэ ды ламо лия эрзянь велетнесэ. Морамонь кись ветякшнымезь ламо таркатнева: Оренбургонь, Ульяновскоень, Обранонь (Нижегородской), Пензань, Саратовонь, Чувашиянь, Удмуртиянь (Ижевск ош), Татарстанонь ёнкстнэс. А Мордовиянь велетнесэ зяроксть ульнинек! Весе ней мик а сытяк превс. Ардтнинек ламо таркава, косо эрить паро эрзятне. 2011 иес монь пурнавсть 180 морот.


Арсят седе тов нолдамс од морот, альбомт? Кодат мелеть? Паряк лия стильсэ вачавлик ёрокчить?

 Арсян сы иестэ нолдамс од МР3 диск козонь совить 45 од морот ды икеленсетне. Арсян те ули пек покш эскелькс эрзянь электронной музыка-сонть. Од моротне теезь неень шкань сехте од (современной) гайгематнесэ. Истяжо тевс нолдазь флейтась, баянось, нудеесь.


Кодат стакачить вастовкшность, кодат ней улить?


Неень шкане монь моротнень кармасть морсеме лия морыцят эсест лем ало. Мон истятнэнень мерян, кадык сёрмалить эстест морот ды микш-нить эйсэст. Улить истят ломантькак, конат умок уш кортасть-алтасть зяро ули виест теемс ламо стакачить. Сынь мерсть «лездатано» тонеть, моросот кармить стувтнеме. Ансяк мекс-бути сынст тевест эзь лисе, кадык покш начальникть минек республикасо.


Мезеяк паряк ёвтавлить эсеть кунсолыцятненень?


Арсян весенень шумбрачи ды паро эрямо!

 

Бакич Видяень арасть кодаткак лемензэ-званиянзо. Тиринь республикасо прявтнэ аволь пек вечкить сонзэ, ковгак а тердтнить. Ансяк кунсолыцятнень вечкемась мейсэяк а чавови, а саеви. Те сехте покш питне сонзэ творчествантень. Кунсолыцятне ёвтыть тонеть седейшкава сюкпря эрзянь моротнень кисэ. Зярдояк иля нолдтне пря, вант икелев, кепедть минек тиринь культуранть. Содак, тон аволь ськамот!   

Просмотров: 763

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Эрзянь Мель, Декабрь 11, 2011 в 6:54pm

С нетерпением ждем нового альбома. Учотано!!!

 

Комментарий от: Erush Vezhai, Декабрь 10, 2011 в 3:46pm

Од изнявкст Видяйнень!

Комментарий от: Кувакань Азор, Декабрь 10, 2011 в 12:54pm

Они прежде всего современные и смешанные с этнической мелодией - это очень популярное направление, а самое главное, молодежи нравятся. Народные песни будут слушать только взрослые, а песни в современном стиле рэпа,хаус,техно,клуб,будут слушать молодые люди.

Комментарий от: Ortem, Декабрь 9, 2011 в 11:24pm

Мне нравятся песни Бакича, хотя я и не понимаю почти ничего по-эрзянски, они очень импульсивные и позитивные

Комментарий от: Кувакань Азор, Декабрь 9, 2011 в 8:01pm

Бакич по-любому молодец, наш парень. Я так и думал, что ему будут мешать, потому что даже в Мордовии петь песни на эрзянском языке, а не на мордовской, да ещё не поддерживать мордвинизацию чревато последствиями. Оценивать его творчество, стиль - дело второе, но за его позицию эрзянскую и осовременивание эрзянских песен, культуры, большое ему спасибо! Покш сюкпря эрзянь цёра, морыця, паро тевть кис!

Комментарий от: Эрзянь Мель, Декабрь 9, 2011 в 6:23pm

 

 Из статьи: "Были и такие люди, которые обещали всячески прептствовать и делать так, чтобы люди забыли меня, мои песни. Только вот почему-то у них не вышло, пусть они и являются большими начальниками в республике".

 

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования