Uralistica

Дарали Лели - Каллен гинэ малпаськисько, сяська медаз чиг шуыса?..

Каллен гинэ малпаськисько, сяська медаз чиг шуыса?..

Та статьяез мон шуак-дуак гожтоно кариськи. Малпанъёсы йылозяз-пумозяз кисьмамын ќй вал, со вие ик шќдонъёсы нуналысь нуналэ кужмоязы. Удмурт культура пушкын улыса, солы шонер дунъет пуктыны уд валаськы ни. Нош палэнысен учкиськод ке, ваньмыз син азе яркыт пуксе. Кулэтэмез но тодэ лыктэ, пќртэм малпанъёс но чилекто. Шыпыт улэме уг поты ни. Угось Венгриын улыса-дышетскыса, шќдћ: мадьяр калык шара луыны дышетћз.

Меџак верано ке, удмурт критика ляб ужа. Озьыен, мон удмуртъёс понна маке њечсэ лэсьтћсько. Угось грек кылысь берыктыса, «критика» кыл ужпумъёсты сэрттыны-пертчыны быгатон, зэмлыкез утчанын усто луон шуэмез возьматэ.
Маке вылез кылдэ ке, адямиос со сярысь вераськыны кутско. Пересьёс, њус вылын пукыса, супыльто, егитъёс Интернет чатъёсын но форумъёсын лабырто, нылкышноос ужан дуразы чай њузьылон вискын зулё, пиосмуртъёс сур юон куспын польккето. Адями котькыџе иворез ачиз пыр поттэ, аслаз визьмыныз валаны тырше. Ми угось калык пќлын улћськомы, ивор - туала адямилэн узырлыкез. Культура - со мылкыдлэн, малпанлэн азинскемез. Адями огшоры пќйшур луысал ке, со инкуазь пќлын гинэ улысал. Нош солы малы ке культура кулэ. Эшшо культураос луо егитэсь но вашкалаесь. Англи культура - арлыдо. Эстон культура - егит. Удмурт культура - нуны культура.
Вордскемын-а ни со нуны? Яке со эмбрион гинэ? Нуныгерд? Тани ма пумысен юан пус пуктоно. Яке кеськон пус? Культура - со лэсьтэм уж но сое валэктон-возьматон. Первобытной адямилэн кион вузэм порма кырњанъёсыз кылдылћллям, собере ини - мифъёсыз, выжыкылъёсыз. Миф - котыр дуннеез валэктон. Калык творчество - культуралэн нырысетћ пусэз. Дэрем вылын но котькуд пужылэн аслаз интыез, аслаз кулэлыкез. Саес пумын но пужы пытьы юнме гинэ уг нуйтћськы. Син усемлэсь, урод лулъёслэсь уте, шуо.
Глобализация вакытэ вашкала удмурт культуралэн пусъёсыз-кодъёсыз уг ни ужало. Тунгонъёс сыномемын. Макдональдсысь чизбургерез, йыр-пыд сётон гур кырњаса, уд басьты. Иське, туала обществолэн ассэ возён сямъёсызъя улоно луиськом. Иське, асьмеос но сыџеесь ик луыны кулэ - Англиын, Эстониын, Россиын улћсьёс выллем.
Но ми ќвќл Россия, эшшо ке - ми ќвќл Россилэн паньтэмез, куддыръя угось солы ваче пумит но луиськом. Россия - бадњым, ми - пичиесь. Россия - быдэс, нош ми - палэс. Россия ачиз шоры учке, ми шораз учкиськом. Но милям вань ас культурамы. Кин вераны дћсьтоз, удмурт культура - со культура ќвќл шуыса? Озьы ке, ќй луысал удмурт кылэз дышетон, удмурт театр, удмурт Гербер, удмурт «Чеберай». Котькуд культура сямен ик, котырамы кылдытћськомы малпанъёсын, адями лул кулэлыкъёсын тырмем пространство. Со кыл узырлыкен герњаськемын: вераськонэн, валэктонэн, ченгешонэн, даллашонэн, мактанэн, ушъянэн, данъянэн но курланэн. Иське, малы ми шыпгес улыны тыршиськом? Малы ќвќл удмурт критика, удмурт валэктон? Критика - со гуртысь скал возьмасьлэн ужез ќвќл. Удмурт критикаен вырыны кулэ удмурт критикъёс. Кытын бен соос, удмурт критикъёс? Кытын удмурт малпаськисьёс?
Культурамы ышыгын улэ. Удмуртъёс дунъет сётыны уг дырто - соиз зэм. Удмурт адями инкуазь кылдытэмъя интеллигент, шуиськом, трос вераськыны уг яраты. Нош мукет ласянь - котькин маке малпаське ук. Шараяны гинэ уг дырты. Малы шыпыт улэ удмурт нылкышно, юа Ашальчи Оки. Собере ачиз ик трос арлы шыпыт кариське. Кќня гожъяз Кузебай Герд: удмурт адями ас понназ гинэ, ас дуннеяз бабыса улэ. Удмурт Википедиын - эрико Интернет энциклопедиын - али ке но ќвќл Кузебай Герд сярысь статья! Удмуртэд шып улэ, нош мар эшшо вќсьгес - кылтэм улэ аналске. Синтэм, пельтэм, кылтэм. Озьы трос мае ыштћськом. Трос мармы луыны уз быгаты.
Туннэ нуналын улћсь калыклы кулэ культуралэн рос-прос ужась механизмъёсыз. Культуралэн ымыз котьку усьтэмын медло вераськыны, ог-огеныд кусып шедьтыны.
***
Тани огшоры учыр: кыџе ке газетын гожто, Куреггуртысь Лиза Загребина Италие бызиз шуыса. Автор пусъе, макем та нылаш шаплы. Точка. Лыдњисьлы таџе гинэ ивор сётэмын. Азьтэм лыдњиськись йырзэ кема уг тћя: вот веть, макем удалтћз! Мукетызлэн љукез мукет сямен пќзе: нош малы нылаш Италие бызиз? Удмурт пилы быземез ќз поты? Уж ќз шедьты? Удмурт музъем вылын ассэ адями чотын ќз шќды? Малы нылаш сокем кошкыны пырскиз?
Ми гожтћськом пичи учыръёс сярысь, нош соос сьќрын адњиське обществолэн тусыз. Татын аляло висёнъёс, татын пыдло ватскемын Фрейдлэн психоанализэз. Малы журналист соос сярысь уг гожты? Бен, со уг пќяськы. Но со вие ик журналист зэмзэ уг вера. Удмурт культураын паймымон югдур. Асьмелэн культурамы азинске, азинске - но сое валэктћсь ќвќл. Оло, та ваньмыз герњаськемын дћсьтонлыкмес ыштонэн? Эстон но фин калыкъёс кызетћ даурлэн кутсконаз ик ас понназы кариськыны пќрмытћзы. Асьсэлы ним-пус сётћзы: ми таџеесь но сыџеесь, выжымы фин-угор, эрикмы но, кунмы но вань. Табере соосты нокин но мукет сямен уз нима. Уго соос малпанъёссэс быдэс дуннелы шараязы.
Удмуртъёс асьсэлы ним, дунъет сётыны возьдасько на. Ачид сярысь эн вера. Но со вие ик ачид ке ќд вера, кин тодоз? Кин шуоз: чеберина - чебер ныл? Алигес удмурт но венгер кылъёсъя егит тодосчи Саша Егоров Москваын поттэм сленгъёсъя кыллюкамысь таџе интызэ шедьтэм: УДМУРТИЯ, пренебр. Некрасивая девушка (Источник: Никитина Т. Г. Молодёжный сленг: Толковый словарь: Около 20 000 слов и фразеологизмов / Т. Г. Никитина. 2-е изд., испр. и доп. М.: АСТ: Аст-рель, 2009. С. 870). Серекъялод оло бќрдод. Москваысь адями тае лыдње но… Удмурт сайтъёсты учке, утчаське на. Номыр рос-проссэ уг шедьты. Нокытын но валэктэмын ќвќл, ма герња удмурт антропологиез но чебер/чебертэмлык валатонъёсты. Малы кинлэн ке но сыџе малпанэз кылдћз?
Туннэ нуналлы асьмеос туж умой адњиськомы ини, мар удмурт калыклы уг тырмы, мар бордын ужаны кулэ. Укмыстонэтћ аръёсы, воштћськонъёс бере, трос кизимы, кожалод. Бќрсямы учкыса, адњиське ни: кудћз ке тысь пушйиз, мукетыз куасьмиз. Туннэ љужам культурамы палэсмурт кадь: вань но, ќвќл но. Кудтырысь кылдытэмын ни гожъяськисьёслэн огазеяськонзы, нош Интернетын сайтсы ќвќл. Та нуналлы мар ќвќл Интернетын, со ќвќл дуннеын. Эшшо Платон верам: котькуд малпан - со материя, нош материя - со сыџе ик кыл, малпам маке.
Зэмзэ вераса, мон синмаськыса учкисько укмыстонэтћ аръёс шоры. Соку воштћськонъёслы оскон њырдыт вал ай. Али витёнъёсмы сћямын. Нош малы? Кин тодэ меда? Политикаын югдур гань-гань, шыпыт улон пала кыстћське. Укмыстонэтћ аръёслэн огыр-бугырзылэсь жадиз, луоз.
Кыџе воштћськонъёс ортчизы удмурт калык пќлын? Нокин но уг лэсьты та ласянь эскеронъёс. Мон, кылсярысь, пичи дырысьтым тодам вайисько: огвакытэ ужазы трос удмурт туспуктћсьёс. Али соос олокытын. Трос удмурт нылпи книгаос вал. Али соос олокытын. Вал трос егит пиосмурт кылбурчиос. Али соос мќйыесь яке пыраклы егит кылемын. Вал кырњась студентъёс. Али соос «выступать каро». Огшоры гинэ пумиськон, гитара улсын кырњан сямазы ќвќл ни. 1994-тћ арын, оло зэм, оло даур, удмурт кино («Тень Алангасара») но вал. Али удмуртъёс пќлын сое дас процентэз гинэ адњемын, вылды. Азьвыл вал удмурт сатира, юмор, Анатолий Ушаков, Анатолий Григорьев. Али водевильёс но фарсъёс. Азьвыл вал «Эбга», «Эзоп», «Эш-Тэрек» - табере концертъёс гинэ. Малпаськытћсь трагедия, драма кулэ ќвќл ни удмурт калыклы. Шат со понна лыктоз шоркаре Ижлэсь сю иськемлы палэнын улћсь апай? Удмурт театре со шутэтскыны ветлэ угось, цирке сямен. Азьло удмуртъёс кенешъёсын но съездъёсын азинсконъёс, вуоное вамышъёс сярысь верасько вал, табере соос фуршет гинэ витё. Калыкмы, удмурт кыл кун кыл ќвќл шуыса, куректћз. Табере со кун кыл луиз. Но шайлы но уг яра! Удмурт филология факультетын гинэ но ужкагазъёсты њуч кылын быдэсъяло, ог-огзылы њуч кылын вазисько.
Воштћськонъёс сярысь нокин уг гожъя. Оло номыр гожтыны? Кулэ-а удмуртъёслы критика? Кулэ-а удмуртъёслы ачид пушкын копаськон? Одћгаз удмурт такмакын таџе кылъёс пумисько: каллен гинэ лёгиськисько, сяська медам чиг шуыса, каллен гинэ малпаськисько, сюлмы медам чиг шуыса. Малпаськыны, зэм но, секыт. Малпаськон, астэ дунъян - со муртэз дунъямлэсь трослы секытгес. Нош кин ке асьмелы, удмуртъёслы, меџак вераз ке: малы тћледлы удмурт кыл? Малы тћледлы эрик? Малы тћледлы визь? Улэ мурт косэмъя! Ум но тодэ, мар вазьыны. Угось ас янгышъёсмес шараяны кышкаськом.
Удмуртъёс асьсэос возьдасько удмурт луэмзылэсь, мар танћськонэз. Удмурт луон - со бадњым уж. Удмурт кылемед потэ ке, со понна котькуд нунал маке кароно, ачид бордын ужано. Удмурт книгаосты, газетъёсты лыдњоно, сотэк кылэз вунэтод но тћни. Дарья Донцоваез лыдњиськод ке, Кирилл Ломагинэз но кияд кут. «Джейн Эйр» романэз выльысь но выльысь нюлышъям интые, Николай Никифоровлэн кузьверосъёсыныз эшъяськы. Нош быдэсыз удмурт литература уг ке кельшы - ачид гожъя! Куке но Афанасий Лужанин, Аркадий Клабуков удмурт кылэ «Робинзон Крузо», «Тарас Бульба» произведениосты берыкъяллязы. Оло, шузиесь вал: совето адями њуч кылын лыдњиськыны уг быгаты, кожазы?!
Берло аръёсы удмурт культура туж трос азьветлћсьёссэ ыштћз. Ми ялан оскиськом на, вашкала ужъёсынымы џуказе нуналэ потыны быгатом шуыса. Глобализация дуннеын асьмеос нокинлы но кулэ ќвќл. Удмурт асшќдон, резина выллем, нуйтћськоз но нылпиосмылы но лякиськоз, кожаськом. Герман Ходырев но Владимир Романов егит кылбурчиослы кружок уг ни нуо. Любовь Быковалэн удмурт Мадонна луэмез уг ни поты. Александр Козырев продюсер Москвае шонтћз. Студент эше Финляндие бызиз. Ма, мон ачим но «уд-муртомисько» ини! Удмуртлэн удмуртэз вырњытэмез уг ни поты.
***
Котькуд адямилэн вылћ культураын улэмез потэ. Но котькудћзлэн со культураез будэтэмез, азинтэмез уг поты, уг но луы. Озьы ке но ваньмы воштћськонъёсты сактысалмы ке, маке вырњысал ик. Уго, кызьы шуиз Платон, малпан - со тыро материя. Ваньмы огвакытлы ке но син азямы тыро-пыдо удмурт культураез пуктћм ке, лы борды сћль будоз, быгыльскозы быгытъёс, вырњоз кужмо мугор. Соку ини удмурт критика кулэ луоз. Уго улоз удмурт культура.

Дарали Лели

Потэмын ? № 75-76 (24616-24617) от 28.05.10.

Просмотров: 288

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Ortem, Июнь 27, 2010 в 3:14am
куд-ог дыръя малпасько, удмуртлык дас-кызь адямилы гинэ кулэ шуыса.

кичӧлтонмы политика удысын дымак ӧвӧл, культура удысын ичи гинэ, вылӥ культура кылдытымтэ.
но базмонмы калыкмес ӝутыны вань на милям, сое уже кутӥм ке, та югдурез воштыны быгатӥм ке, асьмелэн пумтэм-йылтэм ӟигармы луоз.

Пусъёс

© 2020   Created by Ortem.   При поддержке

Эмблемы  |  Сообщить о проблеме  |  Условия использования