Uralistica

Эрзянь культурань центра Отяжбуесэ

Меельце шкасто финнэнь-угрань раськетне седе ламо кармасть явомо мель эсест культурань кастомантень ды «финнэнь-угрань» брендэсь ней содави лия мастортнэнь томбалеяк. Кецявты сеяк: эрзятне ды мокшотне кармасть чарькодеме тиринь культуранть эряви кепедемс. Паряк ламо мезе а топавтови арсематнень коряс, теке марто неявить покшт эскелькст.

Истя, монь тиринь Отяжбуень районось свал лововсь теке алкуксонь эрзянь. Ды а стяко. Ломантнень ламочист коряс сон ловови сехте эрзянь. Седе эрзяв тарка а муят весе масторлангонть келес. Тюштянь пингстэ саезь тесэ вечкить, ванстыть ды кастыть эсест эрзянь тевтнень. Пек сюпав минек модась талантов ломаньсэ. Тесэ мазыйстэ морыцят, сёрмадейть, чувтосто керсицят, артыцят, кодыцят ды седе тов. Ансяк вана сынь ёртнезь весе буенть келес ды сеедьстэ истят ломантнесэ а содыть.

А стяко меельце шкасто Отяжбуес (п. Атяшево) ульнесь арсезь путомс «Республикань эрзя раськень культурань ды ремёслатнень центра» (Республиканский эрзянский центр национальной культуры и ремесел). Арсеманть коряс тесэ кармить пурназь весе «сырнень» эрзянь кедтне.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Превей цёратне арсить, кода вейсэндямс весе те мазычинть

 

Те чис сынст марто теезь кеме сюлмот ды ней моли покш важодема цетранть юронть путомасо-стявтомасо. Центранть алов кармить путозь пек ламо таркат, конатне, кемтяно, кармить алкукс кастомо эрзятнень культураст. Сонзэ эйсэ:
         1. РДК-нь кудо, косо улить:
- кинонь ды актовой зал;
- хореографиянь класс;
- искусствань школа (музыкань ды шкинемань);
- эйкакшонь шкинема кудо;
- музей; 
- дискотекань тарка кафе-бар марто;
- тевдеемань (административной) таркат;
- спортонь залт (эрзянь  «Тюштянь тюрема», фитнес, бильярд)
2. Эрьва кодамо кудоютконь шкинемань мастерской (тарадсто кодамо, чувтосто керсема, викшнема, кшнинь солавтома ды теема, скульптура ды седе тов)
3.  Инжень кудо (гостиница);
4.  Эрзянь ресторан;
5.  Этнографиянь комплекс, козонь совить эрзянь чувтонь кудось ды кудонть перька эрьва кодат кардазт (кузниця, кардаз, мацт, амбар, раужо баня), лисьма, пире.


Эряви тешкстамс, центранть панжомадо мейле минек буесэ теевить пек ламо  од важодема таркат. Истя тесэнь эрзятне кармить лиялеме эсест тиринь модаст лангс ды раштамо эйкакшт, путомо кудот. Истя, аламонь-аламонь витевить минек тевтне паро ёнов.


Вана истямо важодема моли монь тиринь Отяжбуесэ. Карматано кемеме, те центрась карми содавикс весе масторонть келес ды весе масторонть келес карми сравтомо эрзянь культуранть сюпавчинзэ, питнечинзэ, мазычинзэ. Весень мельспаросо учотано инжекс Отяжбуесэ, кезэрень эрзянь мода лангсо.


Учеваткин Сантяй 

Просмотров: 811

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Boljaenj Syresj, Октябрь 2, 2012 в 7:03am

Хорошее фото! Если бы ещё не надпись на фоне которой оно сделано!!! Это просто театр абсурда! "Мордовский праздник "Масторава" посвящённый 1000 летию Единения Мордовии с Россией" !!! Ну мера должна быть какая то? Мордовии 74 года, России, по разным оценкам -лет пятьсот, а Единению 1000 лет!!!

Комментарий от: Carlos Decourcy Lascoutx, Сентябрь 24, 2012 в 5:09pm

...E(r)z ya=Eztli(Nauatl)=blood/line ya(Nauatl)=already/established=oldest practitioners of their language group, hmm, yazik(Russile). hezle(Basque)=eztli(N)=teacher/tamer/trainer.

Комментарий от: Кувакань Азор, Июнь 15, 2012 в 4:06pm

Чарькодеви. Истяможо культурань центра ульнесь мелесь тееме Ульяновской областьсо.

Пек мелезэм тусь арсемась ды важодемась.

Комментарий от: Эрзянь Мель, Июнь 15, 2012 в 10:26am

Те Отяжбуесэ (п. Атяшево).

Комментарий от: Кувакань Азор, Июнь 15, 2012 в 10:11am

Те тона покш резиденциясь Ульяновской областьсо?

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования