Uralistica

Сундерьговонь 21-це чистэ карминек содамо, Украинань кирдивиесь Вильнюссэ ютавтовиця саммитэнь пингстэ эсе тешкста Еврокуронть марто ассоциациядо вейсэндямонь коневонть. Самай те тувталсонть Киевсэ Эсь Олянь (Незавимостень) Майданс кармасть пуромомо а паро мель марто ломантне. Сынь нацяс пештизь площаденть ды  невтизь виест ве кужос пурнавомасо, кона седе покшолгадокшнось ды покшолгадокшнось. Майданонтень лиссть оппозиционной вейсэндявкстнэнь, лия политикань виень кирдицятне ды лия  украинань эрицятне. «Евромайдан» лемдявсь зярыя шкань перть а лоткавитовиця  демонстрациясь. Евроинтеграциянь  кисэ аштицятне зярыяксть бороцясть сэтьмечинь ванстыцятне марто, бажасть совамс зярыя правительствань учреждениятнес. Тевест лиссь- зярыятнес аравтызь эсест кужост (штабост).

Ацамговонь 11-це чинь вестэнть «Беркут» специальной подразделениянь тюрицятне бажасть панемс тосо удыця демонстрантнэнь. Виевекс ульсь  те тевесь, мейсэ кепедизе  а паро меленть ламот киевень эрицятнень, сетнень, кить икеле эсть невте эсест вечкемаст (ловнок - симпатия) Евромайданонтень. Истя. Демонстранстонь  панемась эзь топавтово, Евромайданонь  кисэ аштицятне, конат ульнесть площадьсэнть седеяк  ламолгадсь. Оппозициянь кужось (лагерь) украинань прявт ошонь куншкакуросо ашти ковнь перть, оппозициянь ветицятне вешсть каямс правительставнь  ды ютавтомс шкадо икеле парламентэнь ды президентнэнь кочкамот.

Украинань тевтнесэ прими участия Боляень Сыресь Украинасо эриця ды эрзянь тевень топавтыцясь, Эрзянь Инекужонь Исполкомс совицясь. Сон нейсь «Беркутсонть» демонстрантонь пансеманть ды сонськак понгсь сонзэ виенть алов, зярдо явсь мель лездамс вейке томбавозь ломанентень. Минь кевкстинек Боляень Сыресень Украинань европантень кандовомадонзо, «Свободадонть» ды евроинтеграциянть лангс эрзянь вановтонть.

 

Дмитрий Левусь, Александр Болькин, Александр Рангаев, Алексей Андриенко - Украинань эрзятне

 

 

Украинась-европань масторось?

Шумбрат уледе, ялгат! Украина те Европа.

Аволь ансяк территориянзо кувалт. Аволь ансяк эрямопингензэ кувалт. Минь содатано, Украинань оштнэсэ, пек умок ульнесь кемевгавтозь Магдебург ошонь мельтопавтома койтне. Ды аволь ансяк теде. Украина ванстызе эсь ломатнесэ олячинь бажамонть! Олянь кисэ тюреме анокчинть! Аволь ярмаконь кис, аволь ярсамопелень кис, -олячинть кисэ.

Секс, зярдо кирдивиесь ушодызе Еврокуронть марто ассоциациядо кортамонть, ломантне кенярдозь васстызь те кулянть!

Натой Януковичень авечкеманть лангс апак вано! Ды, зярдо кирдивиесь, Путиндэ тандадозь, мерсь Вильнюссо «Аволь» вейсэндямонтень, ломантне абунгадсть!

Ломантне листь ушов, пурнавсть сядо тёжадо ламонест, невтизь виест, невтизь кирдивиентень эсь мелест улемс Европасо.

Ламот, натой кадовсть Майдансо, келя, а тутано, зярс президентэсь ды кирдивиесь а марясамизь.

Те ульнесть одт ломанть, студент! Мейсэ венькстясь кирдивиесь?

Сон пансь Майданонтень «Беркут», кона ушодсь студентнэнь чавомо! Аволь панеме, аволь шаштамо эйсэст Майданстонть! Чавомо!!! Эйкакштнэ кекшть Михайлов лемсэ соборсонть. Истя, кода таколи кекшнесть Кийевень эрицятне Ордадонть!

Те чавомась кепединзе Украинасо эрицятнень! Ульцятнес листь миллиондо ламо ломанть! Аволь Россиянь каршо, кода невтить кремлянь кулялопатне, аволь Европань кис, кода невтить лиятне! Эсь олянть кис!

Эсь эйкакштнэнь кис! Тень пингстэ ванынк Инеалтымасонть мезе кортыть минденек Россиянь эрицятне?

 – «Берянстэ чавидизь, эряволь седи пек»!

Сеть конат листь Московсо, ды ёвтызь мелест вейкетькс Украинань марто, сеске «озавтызь»! Те ансяк кемевгавты арсематнень улемс седе васоло Россиядо, ловнок «седе малав Евросоюзонтень»!

 

Евроинтегациянть лангс эрзянь вановтось

Украинань эрзятне удалцетнень а пансить. Минь ульнинек Майдансонть васенце читнестэ! Минь неинек, кода те ульнесь! Кирдивиесь путынзе икеленек однэть, (эйкакшт), милициянь ушмантнэнь. Беркутось кекшсь удалозост! Провокатортнэ (сындест ульнесь сатышка) ушодсть чавомо неть однэ ушмантнэнь кие мейсэ! Ёртнесть кевсэ, кшнисэ…

Провокатортнэнь милициясь эзь токаде. Беркутось эзинзе кунда! Минь неинек, кода неть провокатортнэ ютакшность Беркут удалов оймсеме!!!

Мееле, милициясь шаштсь ве ёнов, ды Беркутось ушодсь чавомо весень, кие понгсь, апак токше провокатортнэнь! Истя ульнесь аволь весть! Мон монсь неинь атят ды сыре бабат лазозь пря марто… Те ульнесь теезь кирдивийсэнть кона седе тов ушодсь чумолгавтомо «оппозициянть».

Ансяк, Майданов лись аволь оппозициясь, Майдансонть украинань ломантне, конатнень тусь мелест улемс ревекс!

Украинаньнационалистнэ эрьва ёндонь вановт ало

Пек ламо кортамот  Свобода вейсэндявкстонть! Истя, сынь националист! Ансяк, мейсь минь истя пельдянок те валдонть? Коммунистнэнь кунсолозь? Сынь «бандеровецт»? Истя! Ды мезе минь содатанок эйстэст? Мекев ансяк коммунистнэнь пельде! Национализм те эсь раськенть вечкема!  Бандеровецт те ломанть, конатнень вечксызь тосо, косо сынь тюрсть, ды а вечксызь тосо, косо сынст эизь некшнеяк!

Вана парадоксось! Бандера Рязанев- Самарав эзь пачколе! Ды сталинецтнэнь сынь эсь мастортнэс эзизь тергекшне! Те сынь сынсь тозонь састь, зярдо Сталин ды Гитлер явизь сеть модатнень!

Националистнэ мезеньгак а каршо, сынь ансяк Раськест кис! Весе лиятась –тестэ чудиця тевть!

Истя, монгак лован эсь прянть эрзянь националистэкс! Мон аволь рузтнэнь каршо! Мон эрзятнень кис!

Мон аволь Россиянь каршо! Мон Россиянь кис! Ансяк кевкстема, кодамо Россиянь?

Кинь? Путинэнь? Мендведевень? Меркушкинэнь? Аволь!

Мон Ине Россиянь кис, конасонть эрить Ине Раськеть! Эсест келест, коест-лувост марто! Россия, конасонть арасть васенце ды омбоце сортонь раськеть!

  

«Кремлянть Кедезэ» Украинань тевтнесэ

Течинь  Россиясь кода машты лезды Януковичнэнь. Манчи-кенгели Украинасо тевтнеде. Нарьги ракси Майдансо аштиця ломатнень лангсо, ды истя, мекев парадокс» вейсэндявты чивалгома ды чилисема ёнга Украинань эрицятнень!

Арасть истят ней! Ули вейке Украинань раське, конась кочкизе Европав кинть, ды нейгак лови эсь прянть Европакс!

Мон а содан, кода ули сеске, «Европав совамодонть» мееле.  Мон содан, эрямс истя седе тов, моцесь арась киньгак. Секс лисинек Майданов. Весемеде мееле, мезе ютась тесэ, минь ловтано: минек арась президентэмек, минек арась Мнистрань Кабинетэсь! Сынь бандитт, сынст кись –туемань. Истя улияк!

 

Vepdui, Йорги Ортёми ды эрзят

Просмотров: 1025

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Boljaenj Syresj, Апрель 14, 2014 в 5:40pm

 "Президент Союза уральских народов Украины.Надежда Ефимищ"? Сколько человек принимало участие в выборах Президента Ефимищ? Вы, Надюша, за сильное государство, только вот государство это соседнее и к народам своим оно относится так же как вы.  

Комментарий от: Boljaenj Syresj, Апрель 14, 2014 в 5:31pm

Замечательное предложение от Танюш Адольфу Виссарионовичу Путину, его "зеленым человечкам" и некоторым гражданам Украины возжаждавшим жить в России!

Штурмом міліції в Горлівці керував російський підполковник

СБУ ПЕРЕХОПИЛА РОЗМОВУ СЕПАРАТИСТІВ ІЗ ЇХНІМ РОСІЙСЬКИМ КЕРІВНИЦТВОМ

Комментарий от: Tanush, Апрель 13, 2014 в 11:26pm

Нечего совать нос в чужое государство. Тем более, на своей исторической родине полно проблем и дел. Кому из русскоязычных плохо на Украине, пусть возвращаются в Россию - домой. 

Комментарий от: надежда, Январь 21, 2014 в 2:24pm

Подобные псевдоэрзяне ставят "героем"Тягнибока в этой ситуации у которого лозунг "Украина для украинцев"!

Комментарий от: надежда, Январь 21, 2014 в 2:22pm

Это не всех украинских эрзян позиция за евроинтеграцию! Есть и противоположные мнения финно-угорских народов с Украины. Мы за сильное государство, но и соглашения должны быть подписаны и с ТС и ЕС. Президент Союза уральских народов Украины.Надежда Ефимищ

Комментарий от: Erush Vezhai, Декабрь 27, 2013 в 2:01pm

Эрзятнестэ улить ламо ломанть, конат ловить эсь пряст Европань ломанекс ды эсь мелест-бажамост, икелепелень эрямост, сюлмить Европань раськетнень марто, сынст эрямо лувост марто ды кемить, сеть мастортнэсэ ломанень ды раськень праватне седе парсте ванстовить ды топавтовить.

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования