Uralistica

Эрзянь од цёранть эйкашпингень мельтне топавтовсть эрямос. Евгений Шульгов.

Кинень мезе те масторлангсонть эряви. Веенст арсить сюпавчиде, омбонстнэнь туртов паряк зярдо лемест содавикс, а кие те эрямонь лейсэнть чуди весементь марто ве енов ды прок мезеяк а эрявияк тенст….А муят ней эйкакш, кона бажи улемс паро тевень теияцякс зярдо кассы… Истят мельтнеде-арсематнеде, кода кортыть, прякедем стясь. Ков седе тов тееви минек раськесь ды целанек масторось?
Весемесь чары ярмаконь перька….
Важодемам коряс монень савкшны вастневемс ламо ломань марто. Истя теевинь содавиксэкс Евгений Шульгов Саран ошонь УВД-нь участковой уполномоченоень отделэнь прявтонть, полициянь подполковникенть марто.
Талнозь, сорнозь молинь мартонзо васенце интервьюс…. «Эдь, ваныка кодашка сонзэ званиясь…»- чарасть прясон арсематне…
Вастовинек. Кортамосонть чарькодевь минь чачинек вейке буесэ ды Саран ошсояк эрятано малацек. Од церась евтнесь участковойтнень тевдест ды истя поладовсь минек вастовомась. Седе тов зярыя иень перть важодемань коряс тагояк савкшнось вастневемс Евгений Николаевич марто. Теевинек паро оякс.
Анся ней карминь содамо те ломанденть седе ламо. Ды вана ули мелем содавтомс тынкак сонзэ марто.
Нурькинестэ евтан, Евгений Шульгов полициянь подполковникесь чачсь Отяжбуень Ламбаське велесэ, тонавтнесь Огарев лемсэ МГУ-со историянь факультетсэ. Нама, эйкакшпингень мельтне роботамс сестэнь эште милициясо эзть кадно од церанть. Малавиксэнзэ эрьва ендо кортасть сонзэ а арсемскак теде. Келя, милициясо а тарка истямо чевте обуця марто.
Обуцясь чевте ды нардев. «Улить мельте-топавтсынь эрямос…» – эстензэ максозь кармавтома марто минек героесь университетэнь прядомадо мейле кармась тонавтнеме Ало ошонь (Нижегородской) полициянь академиясо. Стажировка Евгений Николаевич ютась уголовной розысксэ, мейле ульнесь кучозь участковоень отделс. Меельце таркась тусь од церантнть мельс. Ламот пейдезевить неть валтнэ лангсо, зярдо витьксты Шульгов подполковникесь - «Монь мельс тукшны роботасон ломанень лездамось». Нама те истя улияк, сон алкукс, паро мельсэ лезды ломантненень. Сонензэ пшкалить весе, кить содасызь. Эрзянь церась седеяк кенярды минек раськень ломантне марто вастовоматнес. Вечки кортамо эрзякс. Гайневтят тензэ, сон максы каршо вал эрзякс, а ванны сень лангс-промкссо эли кодамояк совещаниясо…
Отяжбуе енкссо Шульговтнень семият покшоль: котынест, Женя сехте вишине сазорось. Эйкакш пингстэ саезь роботась тетянзо аванзо марто кудоюткова. Апак кольневть те семиясонть кассть эйкакштне. Паряк те сынст алкуксонь ломанекс улемань салавачись?!
Евгений Шульгов Саран ошонь УВД-нь участковой уполномоченоень отделэнь прявтонть, полициянь подполковниктенть ули ламо мезе евтамс. Косо илязо уле сон, лезды ломантненень.
Альберт Хайров. Кияк а соды кодамо уцяска учоволь те ломаненть бути аволь уле Евгений Николаевич. Альберт каякшнызе прянзо чапамодо симемантень, ульнесь алкоголизмань меельце стадиясь. Якшамо телень вене, содави аволь эсь превсэнзэ сон кельмевтинзе кедензэ ды пильгензэ – савсь керямс. Од ломанесь одс тонавтнесь эрямо. Араселть малавиксэнзэ. Евгений Николаевич лездась Альбертэнь туртов. Ускизе Покшберезникбуень интернатс ды нейгак ванны сонзэ эрямонть мельга.
Эште вейке неявикс ванстозь эрямось – те вишка Варвара Тужилкина. Эйкакшкенть ульнесь седеень орма, эрявсь куроксто теемас операция. Кода свал, весемесь аштесь ярмаконь асатоманть эйстэ. Шульгов подполковникесь пурнась мезе ульнесь эсензэ, пшкалесь сюпав ломантнень туртов ды пурнавсь эрявикс покшолмась….Ней эрзянь церась Евгений Шульгов Тужилкинэнь семиянть туртов сехте питней инже. Истят ванстозь ломань эрямот Шульговонь лангсо ламо, весемеде а сермадоват ды конатнеде паряк, а содангак.
Тешкставлинь, эсензэ ярмакто Евгений Николаевич меельце шкастонть стявты эсь чачома велесэ Николай Угодникень лемсэ часовня.
Истя лиссь…Евгений Николаевич эри ськамонзо. Весе ютко шканть ды оймень валдонть максы важодемантень, вишка чачома енксонтень ды ломантненнь, сеть конатнень туртов эряви лезкс.
Меельцекс евтавлинь те монь туртов мельвановикс ломаненть паро тевтнеде. Киненьгак а эрявикс, кудовтомо ломанть улить эрьва косо. Калмить сынст прок кудовтомо ракшат, ортсызь латкс ды калмолангоськак сынст туртов ве ено, козонь путовить крест козонь а путовитькак. А мезе кортам тосонь ваньксчиденть. Саран ошсо вановтонть мельгаст саизе Евгений Шульгов. Сон рамась коцт, ставтовсь оршамопелть – иляст калма киненьгак а эрявикс ломантнень мейсэ понгсь. Теке марто Евгений Николаевич эрьва калмамонтень тердтни церькувасто озксонь ветицят. Ве валсо меремс калмавить ломантне православиянь весе вешематнень коряс.
Евгений Шульгов Саран ошонь УВД-нь участковой уполномоченоень отделэнь прявтонть полициянь подполковникесь, эрзянь церась, талны эсензэ раськенть кисэяк. Ванны весе ютавтовиця кенярксчитне мельга, вечки кунсоломс эрзянь кельсэ морот, вечки кортамс тиринь кельсэ.
Вана истя нурькинестэ полициянь сотрудниктненть, эрзянь од церадонть, конань сюпавчись ашти ломатнень уцяскасо.

Валда

Просмотров: 598

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Кувакань Азор, Сентябрь 4, 2012 в 3:18pm

Charkodin, a Valda kie?

Комментарий от: Santjai, Сентябрь 4, 2012 в 1:36pm

Те аволь мон сёрмадыя, те Валда))

Комментарий от: Кувакань Азор, Сентябрь 4, 2012 в 11:15am

Редко вижу достойных полицейских,а не оборотней. Сюкпря, Сантяй, кулятнень темат парсте муят.

Комментарий от: Santjai, Сентябрь 4, 2012 в 10:21am

Эряви кодаяк тенек пурнавомс косояк))

Комментарий от: Svetlana Siuvaeva, Сентябрь 4, 2012 в 10:10am

Могу организовать встречу))))

Комментарий от: Santjai, Сентябрь 4, 2012 в 9:58am

Кадык Пазось вансты эйсэть ды максы вийть седе тов топавтомс паро тевть!!!

Комментарий от: Santjai, Сентябрь 4, 2012 в 9:57am

В настоящее время мало таких людей, которые действительно помогают нуждающимся,больным, хоронят никому не нужных, выброшенных за борт общества людям. К сожалению, сейчас многие люди в звании подполковника думают о генерале (звании), а не о других заботах. 

Евгений - достойный пример настоящего человека! Нужно познакомиться с ним.

Комментарий от: Ortem, Сентябрь 4, 2012 в 9:54am

паро ломань

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования