Uralistica

Туннэ Сыктывкарысь Всероссийской Фин-угор центрын фин-угор драматургъёслэн семинар-конкурссы усьтӥськиз. Куронъёсъя, татчы лэзем ужъёс берпуметӥ 3 аръёсы гожтэмын луыны кулэ вал. Конкурсэ пыриськизы Удмурт, Коми, Марий Эл, Карелия элькунъёсысь, Перм, Пенза, Тюмень улосвылъёсысь туала драматургъёс но режиссёръёс. Удмуртиысь вуылӥзы тодмо гожъяськись, "Кизили" журналлэн валтӥсь редакторез У. Ш. Бадретдинов, со конкурсэ "Змеиный рог" пьесаеныз пыриськиз но Павел Зорин (со тодмо на Глеб Павлоид псевдоним улсын) "Художник и Надежда" уженыз.

Семинарез усьтӥз Москваысь вуэм П. А. Руднев - "Современная драматургия" журналысь корреспондент, театральной критик, МХАТ-ын ужась, культурология наукаосъя кандидат. Солэн докладэз туала драматургия, 1990-тӥ аръёсысен туннэ нуналозь драмалэн улонэз но азинскемез, быдэс кунмылы тодмо гожъяськисьёслэн творчетвозы сярысь вал. Семинарез азьланьтӥзы Сыктывкар кун театрысь артистъёс - соос Глеб Павлоидлэсь "Художник и Надежда" нимо пьесазэ куноослы лыдӟизы, радиоспектакль выллем пӧрмиз, туж тунсыко (кызьы пьесаез бырйизы - валантэм, но мон туж шумпотӥ, со асьме авторлэн шуыса). Нош удмуртъёс быгтозы та пьесаен анай кылынызы тодматскыны. Аслаз П. Зоринлэн верамезъя, вуоно арын, тулыспалэ, "Суредась но Зорай" драмалэн премьераез ортчоз.

Ужрадлэн куинетӥ люкетаз люкаськемъёс но эксперт П. Руднев "Художники Надежда" пьесалы дунъет сётӥзы, куд-ог шекъёссэ шараязы.

Ӵуказе Сыктывкаре вуэм пӧртэм фин-угор улосвылъёсысь гожъяськисьёс Ыб черкогуртысь огаз музее экскурсие поталозы, отын ик драматургия ласянь кенешонъёс радъяськыны кулэ. Кык нунал ӵоже ужамзылы йылпумъян лэсьтэмын луоз вордӥськонэ, 24-тӥ куарусёнэ.

Просмотров: 217

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Ortem, Сентябрь 22, 2012 в 10:34pm

Всероссийской - россивыл, быдэс Россиысь

Комментарий от: U-info, Сентябрь 22, 2012 в 9:55pm
тунсыко )

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования