Uralistica

Тросэз фин-угор дуннеын улӥсь, шуг-секытъёссэ валась егитъёс дышетскон арез IFUSCO конференцитэк син азязы уг пукто. Котькуд аре ортчись, котыраз уно студентъёсыз, дышетӥсьёсыз люкась, та конференция фин-угор калыкъёс пӧлын одӥгез яратоноез, тунсыкоез, пайдаёез луэ.


Туэ IFUSCO Эстониысь Тарту карын ортчиз. Отчы быдэс дуннеысь 34 университетъёсысь егитъёс вуылӥзы. 8-11-тӥ куартолэзе тунсыко экскурсиос радъямын, 126 англи, ӟуч, немец но вань фин-угор кылъёсын докладъёс лыдӟемын, сету эстонъёсын тодматскон ортчытэмын вал. Шӧдске, радъясьёслы трос бызьылоно луиз, ваньмыз понна сюлмаськиллям: транспортэн, улон интыен, сиёнэн, секциосын ужанэн герӟаськем шуг-секытъёс ӧз кылдылэ.


Вань лыктэмъёс пӧлысь котьку сямен тужгес тросэз вуиллям Россиысь. Россиысь вуэм делегациос пӧлысь тужгес бадӟымез Удмуртиысь вал. Кылем арын Будапештын Мордовиысь студентъёс (уг сураськы ке) конференцилэн усьтоназ потӥзы но, туэ ми тужгес бадӟымез делегация, шуизы. Та дырозь, пе, удмуртъёс уно вал. Соослы пумит номыр ӧм вазьылэ. Милям черодмы вуиз но, шаерысьтымы гинэ ӧвӧл, палэнын улӥсь, мукет кунъёсысь вуэм эшъёсмы милемын ӵош потӥзы. Одӥг чуре ӧм тӧре, кыке султоно луиз. Туэ 19 кузя вуэммылы нокин ӧз паймы ни.


Вуоноез IFUSCO конференция Сыктывкарысь Коми шаерысь кун службая но управления академиын ортчоз. Со сярысь вераськемын вал 9-тӥ куартолэзе ортчем котрес ӝӧкын, тае ворсаськоназ, 11-тӥ куартолэзе, юнматӥзы.
Чидатэк возьмаломы та бадӟым ужрадэз, угось со берпуметӥ аръёсы тужгес бадӟымез одӥг шуг-секытъёсыз эскерись, валась, одӥг омырен шокась пӧртэм калыкъёсыз герӟа.

дасяз Лена Рябина

Просмотров: 118

Комментарий

Вы должны быть участником Uralistica, чтобы добавлять комментарии!

Вступить в Uralistica

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования