Uralistica

Туспуктӥз Маша Золотарёва

Фин-угор студентъёслэн 29-тӥез "ИФУСКО" конференцизы туэ Сыктывкарын радъяськиз. Нырысетӥ 2 нуналъёсы егитъёс докладъёссэс пӧртэм секциосын лыдӟизы: "Экология но экономика", "Фин-угор кылтодон" (со люкиськиз на синтаксислы, ономастикалы, фонетикалы но мукет), "Литературатодос", "Археология, история, музееведение", "Этнография, сям-йылолъёс", "Фольклор", "Социология, право", "Информационной технологиос", "Берыктонлэн теориез но практикаез", "Выль дышетон технологиос" но "Фин-угор егитъёслэн инициативаоссы". Котькуд секциын тужгес устозэ данъянэн пусйизы. Тани со визьпогъёс:

Селина Алина, Пермь - "Фин-угор кылтодон. Синтаксис"

Соколова Марина, Йошкар-Ола - "Фин-угор кылтодон. Лексикология. Ономастика"

София Маттейкат, Германия - "Фин-угор кылтодон. Типология"

Александра Кельнер, Финляндия - "Фин-угор кылтодон. Морфология"

Крестьянинова Ирина, Ижевск - "Фин-угор кылтодон" Фонетика"

Радослав Войтович, Польша - "Фин-угор кылтодон. Лексикология. Диалектология"

Анисимов Николай, Эстония - "Фольклористика"

Бунина Анна, Санкт-Петербург - "Социология, право"

Евдокимова Олеся, Пермь - "Этнография, сям-йылолъёс"

Богата Тимар, Венгрия - "Археология, история, музееведение"

Терехова Юлия, Саранск - "Экономика, экология"

Игушева Виктория, Сыктывкар - "Информационной технологиос"

Федосеева Марина, Ижевск - "Литературатодос"

Река Лэлкеш, Венгрия - "Берыктонлэн теориез но практикаез"

Габова Виктория, Ухта - "Фин-угор егитъёслэн инициативаоссы"

Лобанова Анастасия, Пермь - "Туала дышетон технологиос"

Конференцилэн кыкетӥ нуналаз котрес ӝӧк ортчиз, кытын вань люкаськемъёс шараязы малпанзэс, маиз радъясьёслэн тужгес умой пӧрмиз, мар бордын ужано на, ма борды вуоно "ИФУСКО"-ын тужгес бадӟым саклык висъяно.

Споръяськонъёс потӥзы кылъёс пумысен. Котькуд аре вань пыриськисьёс ужазы 3 пӧртэм кылъёсыз кутыны кулэ: тезисъёс одӥг кылын, докладзы мукет кылын но презентацизы куинетӥ кылын, огез соос пӧлысь одно ик фин-угор луыны кулэ. Котрес ӝӧкын Сыктывкарысь студентка ӝожтӥськиз, троссэ докладъёсыз ӧз вала, малы ке шуоно соос, пе, куинь фин-угор кылъёсын верамын вал (шуом, фин, венгер но коми). Солы луыса, ӵектӥз одно ик англи кылэз кутыны, кылсярысь, презентациын. Юлия Хюбнер - Гёттингенысь дышетскись - талы чутрак пумит кариськиз: кытын на, пе, "ИФУСКО"-ын ке ӧз, вераськозы фин-угор кылъёсын? Ӧжыт шат Россиын ӟуч кылын ортчись конференциос яке Европаын но Америкаын англи кылын? Вуоноез фин-угор студентъёслэн конфернецизы ӵапак Германиын радъяськоз но кылъёс ласянь нокыӵе выльдӥськонъёс уз луэ, - вераз Гёттингенысь делегацилэн кивалтӥсез Юлия Хюбнер.

Озьы ик котрес ӝӧкын вераськизы, азьланяз секциосыз сыӵе трос кароно ӧвӧл шуыса: умойгес луысал, соосыз тематикаосъя радъяны но, кызьы кылем арын Тартуысь студентъёс лэсьтӥзы вал, азьвыл ик программае пусъёно, кыӵе дыре кыӵе доклад лыдӟемын луоз.

Юлия Хюбнер.  Туспуктӥз Ирина Зангарик

Котрес ӝокын ик Юлия Хюбнер возьматӥз Гёттинген кар но отысь университет сярысь презентацизэ. Люкаськемъёс пӧлысь нокин пумит ӧз луы, 30-тӥез "ИФУСКО" аслаз "вордскем интыяз" (нырысетӥез таӵе конференция ӵапак Германиын ортчытэмын вал) мед радъяськоз шуыса.

Туэ конференциын огъя 167 докладъёс лыдӟемын вал, нош азьвыл заявкаос сётӥзы 190 студентъёс пӧртэм кунъёсысь но каръёсысь.

Конференцилэн куинетӥ нуналаз докладъёс ӧй вал ни: соку лэсьтӥзы йылпумъянъёс. Собере люкаськем егитъёс, 8 командаослы люкиськыса, ветлӥзы пӧртэм мастер-классъёсы. Куазен сокем ӧз удалты ке но, капчи мылкыд солы луыса ӧз пуксьы. Ужрад йылпумъяськиз этнодискотекаен.

Бадӟым тау шуэм потэ вань радъясьёслы, кураторъёслы, Удмурт кун университетлы 29-тӥезлэн "ИФУСКО" конфернецилэн ужаз пыриськыны луонлык сётэмзы, сыӵе усто программа дасямзы понна.


Удмурт делегация

Просмотров: 864

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Ortem, Май 14, 2013 в 3:39pm

Коля Анисимов хипстыр луиз

Комментарий от: Ortem, Май 13, 2013 в 1:19am

а мар малпаськод, Ортёми, выль "информационной технологиос" секция сярысь? со но финно-угороведниен герӟаськемын ӧвӧл кадь

докладъёсызъя учконо.. малпасько, оглом, та секцилэн йӧнлыкез туж бадӟым - со туж пайдаё егит финугор тодосчиослы. Лингвистикалы но со зол пыкъет луыны кулэ кадь

Комментарий от: andrewboltachev, Май 12, 2013 в 10:36pm

малпасько озьы ик вань шуыса, ИФУСКОлэн пуштросэз "огшоры конференция" валатонлэсь паськытгес. конференцилэн программаяз, докладъёс но заседаниос сяна, пӧртэм культурной ужрадъёс но пыртэмын вал

а мар малпаськод, Ортёми, выль "информационной технологиос" секция сярысь? со но финно-угороведниен герӟаськемын ӧвӧл кадь

Комментарий от: Лена Рябина, Май 12, 2013 в 10:20pm

нош кин тодэ, оло, со секциысь егитъёслэн инициативаоссы ӵапак тодосэн герӟаськемын? отчы ветлытэк, шуг маке вераны...

Комментарий от: Ortem, Май 12, 2013 в 6:04pm

егитъёслэн инициативаоссы сярысь МАФУНлэн ӧтчамъёсаз но ФУРОР порма ужрадъёсын вераськын кулэ, мынам малпамея. Ӧвӧл кулэ ваньзэ ИФУСКО борды лякыны - озьы со тодос туссэ ыштоз, куке мон ИФУСКОын вал, 2009-тӥ арын Петроскойын, со финугор егитъёслэн фестивальзылы укшаз

Комментарий от: Лена Рябина, Май 12, 2013 в 5:32pm

та секцилы 2-3 ар ини. тодӥсько на, нырысетӥзэ сое А. Цыкарев ортчытӥз, соос трос МАФУН но ООН сярысь вераськизы. али со секциез уг кушто, но мар сярысь отын верасько - уг тодӥськы. ИФУСКО-ын ке ӧз вераське, кытын на эшшо?

Комментарий от: Ortem, Май 12, 2013 в 3:19pm

малы-о егитъёслэн инициативаоссы тодосо конференцие пыртэмын?

Пусъёс

© 2019   Created by Ortem.   При поддержке

Эмблемы  |  Сообщить о проблеме  |  Условия использования