Uralistica

Прядовсь 2012 иесь… Кодамоль сон эрзятненень? Кодат паро эскелькст-изнявкст тейсть эрзятне? Весемеденть мельга-мельцек.

 

Берянь ёнкстнэ эрьва иестэ некетне: школатне пекстневить, велетне чамить, ломантне ошсо човорявить ды рузыить. Лиякс меремс, эрзятнень пек лавшо раськеёжост. Монь койсэ эряви шканть ютавтомс седе ламо пНей арась мель пек ламо кортамс берянь ёнкстнэде, конатнеде сатышка. Ансяк кортамосо мезеяк а полавтови.

Седе покш мель пурнамс ютазь иень весе паро тевтнень. 2012 иенть лангс ваннозь неявить вадря ёнкст:

 

youtube.com

         Тесэ панжовсть ламо од каналт ды поладызь важодеманть икеленьсетне:

-  «Эрзянь ТВ» лисевксэнть куляломантнень (корреспондентнэ)                           каналось Erzion представляет. ErzyaTV http://www.youtube.com/user/TheSantjai?feature=mhee);

- Татьяна Маторкинань http://www.youtube.com/user/matorchik86;

- Самарань эрзятнень http://www.youtube.com/user/sjatko1;

- «Тораманть» http://www.youtube.com/user/Toorama;

- Бакич Видяень http://www.youtube.com/user/VIDYAI1?feature=watch;

- Сыресь Боляень http://www.youtube.com/user/Syresj ды лият.

 

 

 

«Контактсо», «Одноклассники» ды лия кортамо таркатне

Тешкстасынек «Контактсо» пурнавкстнэнь:

- «Статуст эрзянь кельсэ» http://vk.com/erzyan_statust, косо однэк-сыренек, малав 3000 тежат, пейдемань вечкицятне;

«Эрзя» http://vk.com/erziane;

- «Эрзянь кель  [Эрзянский язык]» http://vk.com/public42826128. Те пурнавксось пек парсте теезь ды лезды тонавтнемс келенть;

- «Erzya-Moksha DNA Project» http://vk.com/erzyamokshadnaproject. Пурнавксось нежеди наукань содамочитнень лангс ды невти минек верень ундокстнэнь;

- «Эрзянь валось» http://www.odnoklassniki.ru/erzyanval вейсэндясь 6000 тёжадо ламо ломанть. Те сехте покш эрзянь пурнавкс;

- «Эрзянь седей» http://www.odnoklassniki.ru/erzyansede;

- «Эрзянь Вайгель» http://www.goloserzi.ru   сайтось ёвтни тенек од кулятнеде.

Блогт

Интернетсэ важодить зярыя блогт эрзянь кельсэ:

- «Эрзянь мель» http://www.uralistica.com/profile/ErzyanMel;

- «Tolava» http://www.tolava.livejournal.com;

- «Varma» http://www.arto-mas.livejournal.com/15159.html). Монень пек вечкеви те рузонь кельсэ эрзятнень ланга блогось;

- Nudej http://nudej.livejournal.com вейс пурнынзе малав весе эрзянь моротнень.

Тесэ невтинь ансяк монь сельме икелев понгозетнень. Арсян ды кеман, улить седе ламояк, конатнеде мон эзинь марсе эли стувтынь. Нодынк чумом тень кис.Теке марто улить ломанть, конат Интернетэнтень мель а явить: морыцят, сёрмадыцят, лездыцят.

Кода неяви, социальной алтымасо ломантнень раськеёжост кармась касомо ды лангс лиснить седеяк ламо одт ды таланов эрзятседеяк. Раськенть эрямодонть кортамосо, тевень теемасо. Ютазь иесь невтизе: палы минек раськенть седейсэ толось… Палы!

Кода содатано, ломанень курось (обществась) касы сестэ, зярдо эйсэнзэ улить кирдивиень юрось, лия ломантнень потмонь мелесь ды кеме валось. Истя 2012 иестэ финнэнь-угрань конгрессэнть эйсэ ульнесть невтезь эрзятне кода кирдивиенть ёндо, истя ломанькуронь (общественной) организациятнень пельде. Те пек кецявты.

Эзь марявояк, кода азор ладсо од иесь арась эсензэ эзементень. «Алтазь» пингень ёмамось эзь са ды эрзятненьгак пингест поладови од 2013 иестэ. Эряви меремс, покштояк покш вешемат ды тевть эрзятнень икеле: конгресс, Раськень Озкс.

Эрзят! Весе минек кедьсэ! Весе ашти эсенек эйстэ! Ансяк празь кевенть алга а чуди ведесь. А ултянок минь кевекс! Карматано комолякс, коняс шождасто ливти эрямонть коштканть! Кода тень теемс?

1. Теемс паро тевть весенень. Зярдо теят лиянень паро, тонетькак велявты. Парось чачты паро, апарось - зыян;

2. Тонавтомс эйкакшонок эрзянь келентень ды ойментень;

3. Лездамс эрзянь тевтнененьгак: валсо, седе ламо тевсэ, ярмаксо ды седе тов.

Теемс! Тонавтомс! Лездамс! Од вий марто од иестэ, ялгат!

Тевс нолдазь од валтнэ:

ломанькуро – общество;

ломанькуронь – общественный;

куляломань – корреспондент.

Просмотров: 401

Комментарий

Вы должны быть участником Uralistica, чтобы добавлять комментарии!

Вступить в Uralistica

Комментарий от: Ortem, Февраль 12, 2013 в 12:34am

такое ощущение, что эрзянское сообщество существует только в виртуальном мире, судя по тому, какое внимание уделено интернет-событиям и темам. офлайновые достижения онлайновым явно проигрывают

Комментарий от: Erush Vezhai, Январь 28, 2013 в 9:39pm

Паро, Сантяй, чарькодинь.

Комментарий от: Эрзянь Мель, Январь 28, 2013 в 8:11am

Мезе вадря уралистикасо, тесэ сеске ломантне невтить асатыкстнэнь ды сёрмадыть, неест лиятнеяк.

Комментарий от: Эрзянь Мель, Январь 28, 2013 в 8:09am

Конгрессэнть коряс:

"Кода содатано, ломанень курось (обществась) касы сестэ, зярдо эйсэнзэ улить кирдивиень юрось, лия ломантнень потмонь мелесь ды кеме валось. Истя 2012 иестэ финнэнь-угрань конгрессэнть эйсэ ульнесть невтезь эрзятне кода кирдивиенть ёндо, истя ломанькуронь (общественной) организациятнень пельде. Те пек кецявты". Конгрессэнть коряс.

Ламо эзинь ледстя, виде. Тесэ мель явозь сенень, мезе од ульнесь ютазь иенть перть. Нама, валксонь, ковкерьксэнь нолдамонть, Пургазнэнь ярмаконь пурнамонть эрявсь тешкстамс. 

Комментарий от: Erush Vezhai, Январь 27, 2013 в 9:30pm

Валксось рузонь-эрзянь, койсэм....

Комментарий от: Erush Vezhai, Январь 27, 2013 в 9:25pm

Вадря кулясь, Сантяй. Теке марто:

 

Сантяй, мекс эзик ледстя "Эрзянь Мастор" кулялопанть  нолдамонзо иень перть? Мекс эзик ледстя "Эрзянь Мастор" Мелькужонть? Мекс эзик ледстя эрзянь ковкерьксэнть нолдамонзо? Мекс эзик ледстя эрзятнень ФУСН Инекужов якамост (Шиофок) ? Мекс эзик ледстя "Эрзянь-рузонь валксонть" нолдамонзо? Мекс эзик ледстя Пургаз кеврунгонтень ярмаконь пурнамотнень? Мекс неть эрзянь тевтне ютасть тонь мелеть вакска?

Комментарий от: Эрзянь Мель, Январь 24, 2013 в 6:46pm

Сюкпря, Ортеми!

Комментарий от: Ortem, Январь 24, 2013 в 12:00pm

есть еще блог varmine - varmine.livejournal.com

Пусъёс

© 2018   Created by Ortem.   При поддержке

Эмблемы  |  Сообщить о проблеме  |  Условия использования